هلا اخوي النبراس
الثوب القطري ... يفرق عن الثوب السعودي ...
اول شي فيه 3 كسرات ..
كسرة جدام .. وكسرتين ورا ..
وبالنسبة ...للكم .. يعتمد على الشخص ... بس وايد شباب .. يجبونه قاسي ..
وطول الكبك ... يعتمد اخوي ... انا اللي عندي طوله 3 انش ونص تقريبا ...
احسن شي اخوي .. انك تفصله فالدوحه ... لانه اتوقع .. خياطين السعودية .. صعب يضبطونه ...
الا اذا حصلت حد متخصص في تقصيل الثوب القطري ..
شنو الخبنة ؟؟؟
وبعدين .. مافي ثوب قطري اصلي .. وتقليد ..
والثوب يعتمد على ذوق راعيه ... يعني في ناس يحبون الكم .. يكون مثل القميص ..
وناس يحبونه ساده .. مفتوح ..
مثل ماقلت لك اخوي ..
احسن شي ... تفصله فالدوحه ..
يعطيك العافية ..

ماشاء الله ماقصرت ياخوي بالشرح

يعطيك العافية اخوي اسير الدوحة ماقصرت
ومثل ماقلت شكلي راح افصله عندكم
عندي واحد من الربع اعرفه بالدوحة .. شكلي راح اطرش له المقاسات و اخليه يخيطه

هذا احسن حل اخوي ..
وخله يرووح عند الخياط ..
وياخذ منه شنو القياسات المطلوبه للثوب ..
ويقولك عنها ..
وانت بعدين تروح عند اي خياط ...
وتخليه ياحذ لك هالقياسات ..
وبعدين تطرشها لرفيجك ...

ومن الجوانب خط واحد مب اثنين
وحياك يالغالي
وانصحك بخياط الشال

السلام عليكم وشكرا لطرح السؤال وعلى الردود
عندي أستفسار عن ابرز الخياطين بقطر و أرقام تليفوناتهم وعنواوينهم...
كم يستغرق تفصيل الثوب القطري
و أتمنى المساعده وشكر على هالمنتدى الرائع المختص بقسم دولة قطر العزيزه.

شوف اخوي ..
الخياطين وايد ...
ولا يغرك الديكور اللي حاطه الياط في محله ...
لانه هذا من ظهرك ... راح يحسبه علييك ...
انا كنت اتعامل مع خياط لكزس اللي فالعزيزية ...
وكنت عنده زبون دايم ..
لدرجه اني اذا بقيت افصل .. اتصله بالتلفون .. واقوله ..ابي كذا ثوب ...
وامر واخذ الثياب ..
واتحاسب معاه بعدين ...
وكنت اجيب له ناس ...
لكنه ماقدر ... وقام مايهتم ...
فتركته ..
والحين اخيط ثيابي .. عند خياط عاادي ...
احسن وارخص ... واسرع ...
بخصوص سؤالك ... الثوب ياخذ عادة يوم او يومين ... هذا اذا مافي زحمة ...
اذا فيه زحمة ... ممكن اسبوع ... او اكثر ...