انا دخلت 2 جنيه وداخل الاهرام20جنيه اما بنسبه للخيل حراميه ممكن 10 جنيه بس داخل الهرم عالم ثاني كلها سراديب ويبغالك لياقة عشان لا تتعب وبتوفيق أنشاء الله

الخيل 50 جنيه لفه كامله
واسعار الدخول للهرم ما ادري

تحية طيبة :
احرص على عدم التعامل مع اصحاب العربات واذا لازمت ان تركب فنزل السعر اكثر من ثلاثة ارباع من السعر اللي حدده صاحب العربة 0
( وانا بحب مصر )

[size="5"السلام عليكم اخوى
ترى احنا خذينا ثلاث كريتات ب450 جنيه وكان هذا بشهر 8 الماضى وقبل لانركب أنا واللى معاى ضنينا روحنا ان غلبناه بالسعر لان السمسار قعد يعدد الاسعار وهى كالتالى :
1- اللفة العادية ب 150 ج للعربة الوحده
2- شوى اطول من الاولى ب180
3- أما اللفة الشاملة وقعدد يعدد ميزاتها من بانوراما وتمضية الوقت حسب رغبتنا بساحة الاهرامات لاخذ التصاوير والمرطبات والعودة القت الذى نريده ب 220 ج
وعودة الى المقدمة باننا ضنينا باننا غلبناهم هو اتفاقنا على الرحلة رقم 3 بسعر 150 ( شفت شلون احنا ماينقص علينا:24
ولكن وآه من كلمة لكن طلعت الرحلة فشنق على قولة اخوانا المصريين لان مدة الرحلة ماتزيد عن نص ساعة وقفنا فيها مرة واحدة صورنا جمب الهرم وركبنا مرة اخرى وجان يطير فينا حتى ابو الهول شفناه على الماشى .
بس والله طلعنا مسبهين آنا وربعى لان علمنا بالاهرامات من اكثر من 15 سنة مازرناها ولانعرف النظام الجديد لان فى السابق التاكسى ينزلك عند الهرم وانت كيفك .
احب افيدك بعد حتى الكولا والماى وغيرهم البطل قالولنا ب5 اخذناه ب2 ج
فاخوى الكريتا الوحدة لاتزيد عن 50ج ووايد عليها.
ورحلة موفقة انشاالله.

(اطلع ياباشا وميهمكش السعر) اول كلمه يقولها لك صاحب الكريتا وخليك ولد لاتركب الا وانت متفق على السعر0
دخلنا بالسياره للاهرامات اول ماوصلت هناك حضر لي ولد معاه كريتا وقال لي اطلع ب40جنيه قلت في نفسي هذا بيضحك علي 0
مشينا شوي بالسياره واذا بواحد يحبه قلبك عليه لسان يراجل يخبل اطلع ياباشا وميهمكش السعر ادفع اللي انت عاوزه والا اقولك لاتدفع شئ المهم اطلع انا ارتحتلك وودي امشيك أنت والاولاد 0 قلت لا خلينا نتفق احسن قال ياراجل ادفع اللي انت عاوزه0 قلت يالله اطلعوا وتمشينا وصورنا ولم ننزل من الكريتا لحرارة الجو في ذلك الوقت المهم فالعوده وقف صاحبنا الكريتا عند شخصان اصحاب جمال وقال ياباشا عوزين نحاسب صاحب الكريتا قلت له يالله هاذي اربعين جنيه اعطيها له قال ماراح يرضى الا بمئتان جنيه0عرفت أن المسئله ضحكه قلت له روح رجعني عند السياره واعصب عليه وقلت له كلام الله لايوريك المهم المصري ركبت راسه مأياخذ الاربعين جنيه وقلت له انا وانت عند بوليس السياحه الا وسياره بوليس السياحه من أمامنا وقلت له هالحين أدفعلك مئتان جنيه امامهم وقال لا يابيه الله يخليك لاتخرب بيتي انا وراي اطفال اربيهم الله يخليك قلت له تأخذ