30 دخلو ولاحد رد؟؟

1. ام ياسمينا


2. 3-والله مادري وين موقع هالفندق بالضبط علمي علمج

ام ياسمينا

1- الجو هالايام نهارا 24 او25 تقريبا وليلا 17 او 16 تقريبا ...لازم جاكيت بالذات بالليل برد وبالنهار الجوحلو حيل مو حر بس لاتلبسين جاكيتات عشان تتمتعين بالجو الحلو
2-عندج مطاعم شارع الاستقلال ومطاعم منطقة تكسيم حلوه ومطاعم الي على شاطئ بحر مرمره كلها حلوه وجميله بس اقري المنيو وشوفي الاسعار قبل ماتطلبين اهما يحطون المنيو بالاسعار قريب من مدخل المطعم راح تطلبين وانتي عارفه جم راح يكون حسابج .. افضل الاسواق عندج سوق (كبالي جارشي) وهو سوق مغطى كبير جدا وفيه كل المنتجات من حلويات ومواني وملابس و الخ كل شي والله يخطر على بالج بهالسوق بس اسعارهم غاليه حبتين بس البضائع التركيه روعه وعندج اسواق منطقة (عصمان بيه) هم حلوه وجيده ... واذا تبين اكتبلج اسماء المجمعات التجاريه وياكثرها انا حاضر بس انتي ماتبين

3-والله مادري وين موقع هالفندق بالضبط علمي علمج

4-عندج منطقة (اورتاكوي) قريبه من منطقة تكسيم لازم تزورينها من وجهة نظري راح تلقين فيها وايد اماكن تستاهل الزياره منها قصر جراغان و مسجد اورتاكوي بعيد عن مناطق المساجد الي ذكرتيها وتاخذيلج جم صوره عنده والجسر الي يربط اسيا باوربا فوقج وفوق المسجد وانتي قاعده بالقهوه تشربين تركش كوفي بعدما اكلتي جم ماعون من هالمطاعم الطيبه الي يمج ..مطاعم قهاوي مسجد قصر جسر بحر وميناء ينظم رحلاات قعدات حلوه عالشاطئ طيور الحمام توكلينها بايدج والعاب حق الاطفال اذا معاج تونسينهم بجم لعبه... كل هالاشياء موجوده في (اورتاكوي) وتنقلين بين هالمكان وهالمكان فقط سيرا على الاقدام ... وعندج منطقة (دولما باهتشه) فيها نفس الشي وساحات كبيره عالبحر تقعدين باي كرسي من هالكراسي وتتمتعين برؤيه البحر العريق بتاريخه ومعالمه الواضحه الى الان (بحر مرمره)
5- منطقة تاكسيم وشارع الاستقلال مايسكرون لي الفجر اما المناطق الثانيه والمجمعات تعزل الساعه 12
واهيا انشالله امنه حتى الفجر بس خلوكم حذرين .. حذرين مو خوافين وتوسوسون انتو مسافرين تستمتعون موعشان توسوسون وتخافون وتفسدون متعتكم بخوف صنعتوه لنفسكم لان اكثر الناس يسافرون لتركيا واهما خايفين يردونمن هناك يمدحون شعبها ...انشالله الله يوفقكم برحلتكم .... وطبعا في اماكن سهرات حلوه فالليل فانتي في اسطنبول اختي:x1::x1:في تكسيم عدة مكاتب سياحيه دشي مكتب مكتب واخذي بروشرات ونشرات ودعايات عن سهراتهم واخذي كروت مكاتبهم واحد واحد وروحي فندقج واخذي برامج السهرات الي يحجزلج فيها الفندق من الرسبشن وبجذي جمعتي معلومات عن رحلات السهرات واخذيلج شاي تركي وقعدي بلوبي الفندق وفكري واقري المنشورات وشوفي الصور واختاري وين سهرتج اليوم؟؟واذا قررتي تحجزين كيفج ادقين عالمكاتب تحجزين ولا تحجزين من لوبي الفندق على راحتج
ولو ان اسعار الرحلاات من الفنادق تكون اغلى بشوي من اسعار الرحلات من المكاتب السياحيه ....واسف عالاطاله والتفصيل الي انا حاس انج تحتاجينه للاطمئنان على رحلتج انشالله

مشكور اخوي ماقصرت على الردود...طيب ممكن تحدد لي ايش الاماكن القريبه من بعض واروح لها في نفس اليوم لان كل اللي بقعده 4 ليالي بس يعني 5 ايام وابي استغل كل يوم واروح اكثر من مكان..يعني لو تقول لي ايش المناطق اللي جنب بعض او المساجد..والسوق هذا اروح له اخر اليوم ولا بدايه اليوم؟؟يعني اروح اتسيح وعقب اروح لهالسوق ولا هو من ضمن السياحه؟

1. ام ياسمينا

ام ياسمينا

اختي لازم تعرفين شغله وتحطينها في بالج ان 4 ليالي قليل جدا في حق اسطنبول ...وصعب انج تمرين على كل شي حلو بهالمدينه في ظرف 4 ايام لكن انا بعلمج عن اشياء اذا مازرتيها في تركيا راحت سفرتج هباء منثورا لاقدر الله ... عندج اولا منطقة السلطان احمد فهي سياحية من الطراز الاول تروحيلها من الساعه 8 او9 الصبح وفيها كل هالاماكن قريبه من بعض اطلعين من هالمكان وتروحين للاخر كله سيبرا على الاقداام ..ماهي الاماكن؟ (مسجد السلطان احمد بعدما اطلعين منه جدامه بالضبط متحف ايا صوفيا وتذكرة الدخول للمتحف 10 او15 ليره للشخص والله ناسي بس بهالحدود مو اكثر وبين المسجد والمتحف نافوره وفيه كشكات يبيعون ذره ونفيش وكاكاوات وفي محلات قهاوي تاخذيلج قهوه تيك اوي يعني مزه حلوه وتقعدين جدام النافوره تريحيلج شوي بعدما تخلصين من المسجد والمتحف لان التمشي فيهم رح ياخذ وقت بالذات ايا صوفيا...ليش اريح مايحتاج؟؟ لالا لازم تريحين لان الحين عندج زياره حق قصر كبير حيل حييل اسمه (توب كابي) وموقعه ورا اياصوفيا بالخلف عاليسار تقصين التذكره 10 او 15 ليره للشخص انا مخربط بينه وبين اياصوفيا واحد فيهم 10 والثاني 15 مادري ايهو فيهم عاد... رح تلقون كتيبات تشرح عن مايوجد داخل القصر تقدرين تشتريلج كتاب وتقرين فيه ويبيعون خرايط حق القصر من الداخل...وفي مرشدين يعرضون عليج خدماتهم بان يدخلون معاكم يشرحون لكم مايوجدداخل القصر انا منوجهة نظري مايمنع لو تفاوضينهم بالسعر وتكاسرينهم وقوليله الدفع بعدما نخلص الجوله بالنهايه مو بالبدايه من باب الحذر فقط خوفج ياخذ الفلوس بالبدايه وبعدين داخل القصر وسط زحمة السواح يختفي والا ينحاش...بعدما تخلصين جولتج بهالقصر عندج قريب منج سوق (كبالي جارشي) وهو سوق مغطى كبير حيل وفيه كل شي مثل ماذكرتلج بس من وجهة نظري ان قصر التوب كابي وسوق كبالي جارشي بيوم واحد تعب لان المكانين كبار حيل فانا من رايي (مسجد سلطان احمد ومتحف اياصوفيا وسوق كبالي جارشي) هذا يوم واليوم الاخر (قصر التوب كابي والسوق المصري وميناء امينونو وتاخذين رحله من الميناء لمدة ساعه او ساعه نص بمضيق البسفور للشخص 5 ليرات ويفضل الذهاب للميناء قبل المغرب بنص ساعه حتى تتمتعين بمشهد غروب الشمس بالرحله) ....كل هالاماكن قريبه من بعض بس فصلتها لج بيومين لان مايكفي لزيارتها يوم واحد.... ثانيامنطقة تكسيم وفيها سكوير تقسيم بمحلاته وقهاويه ومطاعمه وفنادقه وميدان فيه طيور حمام وشارع الاستقلال الشهير وبعدين تركبين محطة المترو الاندرقراوند والى منطقة شيشلي هالمحطة وهالمنطقه فيها مجمع تجاري كبير اسمه (جواهر) وتردين للمترو الاندر قراوند وتتجهين الى محطة (عصمان بيه)لان فيها اسواق حلوه وهالمناطق الثلاث تقسيم وشيشلي وعصمان بيه قراب من بعض وفي مترو يمشي يمر من الاولى للثانيه والثالثه فانصحجج تستخدمينه.... ثالثامنطقة (اورتاكوي)وانا ذكرتها في مقالي السابق... انا من وجهة نظري ان هالجدول الي كتبته لج يعبيلج 4 او 5 اياام فل هذا بالاضافه الى نقطة السهرات الي ذكرتها بالمقال السابق وتبلش السهرات عادة من الساعه 8 او 9 مساء الى 12 او 1 منصف الليل رح تاخذ شوي من جدولكم هناك ...... وانا فصلت كل منطقة عن الثانيه وكتبت اولا وثانيا وثالثا لان كل منطقة على حده تزورين معالمها سيرا على الاقدام وعند الانتقال للمنطقة الاخرى تستخدمين سيارات التاكسي وياكثرها باسطنبول باستثناء تقسيم ومنها الى شيشلي وعصمان بيه بالمترو اندرقراوند.... موفقين انشالله في حلكم وترحالكم

مشكور اخوي ماقصرت والحمدلله توني راجعه من تركيا اليوم ورحت كل الاماكن اللي ذكرتها بس بصراحه ماتوقعت ان تركيا غاليه خصوصا التكاسي يعني المشوار روحه بس 100 وشوي والرجوع نفس الشي!!!
وحتى البيبسي في الفندق 12 ليره!!!!!يعني 36 ريال!!!هاي كم كرتون بيبسي الواحد يشتري مو علبه!!!
ماتوقعت ابدا ان تركيا غاليه بهالطريقه وبصراحه زحمه...ازحم بلاد شفتها في العالم مادري شلون في الصيف تكون اذا الحين مو وقت سياحه ومليانه وزحمه ونقعد في الطريق من ساعه الى ساعتين عشان نوصل الفندق

ام ياسمينا
اختي ياسمينا الحمد الله على سلامتك ...
صحيح تركيا بالسنوات الثلاث الاخيرة اصبحت الاسعار فيها غالية جدا قياسا بمستوى دخل المواطن التركي اما بالنسبة للسياح فالاسعار هي هي باوروبا وبتركيا كل البضائع التركية قبل نزولها السوق التركي يتم تسعيرها على اساس السوق الاوروبي علما بانها لا زالت تنتظر دخول الاتحاد ... اما الازدحام الذي شاهدته فلا تنسي بان تعدادنا بتركيا بحدود 85 الى 90 مليون نسمة فماذا تتوقعين اخي السائحة بتركيا ولو ذهبت الى انقرة ستشاهدين المنظر نفسه . الله يعيننا
:36_15_6::36_15_6::36_15_6::36_15_6::36_15_6::36_1 5_6::36_15_6::36_15_6::36_15_6:

ام ياسمينا
الحمدلله على السلامه ... معقوله هالاسعار انا كنت بشهر اغسطس يعني بموسم السياحه كنت باسطنبول ماكانت الاسعار جذي مع اني رحت حق مطاعم ومقاهي سياحيه وكل مشاويري بالتاكسي ....هي غاليه ولكن مو بهالمستوى الاسعار الي ذكرتيها حيل غاليه .... وبالنسبه حق الزحمه هي فعلا زحمه وبالاخص اسطنبول وبالذات بالويك اند اكثر
بس انطاليا وبورصا لاحظت مافي زحمه فيها نفس اسطنبول .... السؤال الاهم : انشالله عجبتج الاماكن واستانستي بالسفره؟؟