أختي مها ..
التذاكر الحين رخيصة لأنه مو فترة موسم سياحي ...
أنصحك تشوفي ( جوا ) الجو بيكون معتدل ورطوبه وفي مطر ختات
وبانجلور مدينه باردة اما كيرلا ما عندي عنها خبر
والمسافات لو تروحي من بانجلور الى دلهي راح تأخذ منك 20 ساعة بسيارة ( الخط أتجاه واحد ويخوف ) ..
فروحي بطيارة ولا توجعي راسك ...
عندك المدن الجيدة مومبي لو جيتيها في شهر يوليو - أغسطس راح تكون أحلى أجازة لك وخاصة منطقة قريبة من مومبي نسيت وش أسمها ...

شكرا لك يابو ريان ماقصرت
ان شاء الله اني قررت اروح كيرلا فقط مافيني دوشت مطارات وعلى طول من السعوديه لكوتشن ومن كوتشن للمناطق المجاوره لها مثل مونار وماحولها وان شاء الله ان الاسعار تكون كويسه بس حابه اعرف درجه الجو حاليا في كيرلا كم راح تكون ؟
احد عنده فكره لو اخذت رحله داخليه بين كيرلا وبين دلهي او بين كيرلا وبين بومباي
وشاكره لكم جميعا لتعاونكم ولااسلوبكم الرائع

يتطلب السفر للهند فيزا للدخول

maha_K_S_A
هلا بالأخت الغالية مها..
مثل ما قال أبو ريان موديل 2007 ،، الأسفار بين المدن تحتاج السفر بالطائرة لأن الهند واسعة وعريضة وصعب الواحد يتنقل بين كل مدينة بالسيارة إلا إذا كانت المدن قريبة من بعضها ،، وبما أنك أبوك وأمك طفشانين فهم يحتاجون راحية نفسية بمشاهدة الطبيعة والأمكنة الهادئة بعيدا عن صخب المدن اللي أصلا حنا عيشين فيها منذا أن ولدنا ،، أفضل لك كيرلا وراجعي تقارير الأعضاء في المنتدى عن كيرلا وخذي الفكرة وابدإي بالتخطيط ،، أما أنتي إذا تحبي تتسوقي أو تحبي تقضي بعض أيامك في مدينة كبيرة فلا بأس به.
أما المسافة بين دلهي و كوتشي: (2549 كم).أما المسافة بين مومباي و كوتشي: (1384 كم).أما المسافة بين بانغلور و كوتشي: (533 كم). وهي أقرب لك من كيرلا وأفضل لك من ناحية التسوق والفرفرة.
ولمزيد من المعلومات فضلا اقرإي تقرير رحلتي عن بانغلور وغيرها :
"رحلة سفير الهند إلى أرجاء الهند (خمسون يوما)"
========
درجة الحرارة اليوم في مدينة "Cochin" في كيرلا هي: ((24 درجة مئوية)). ولمتابعة الجو لك هذ العنوان:
http://weather.123india.com/kerala/cochin.html
========
أتمنى أني أفدتك..ولمعلوميتك أنا قاعد في الهند الآن وأراسلك من الهند اليوم لقيت وقت فقلت خليني أخدم "منتدى العرب المسافرون".أخوك "سفير الهند"

جزاك الله الف خير
انا سفرتي بتكون على تاريخ 13 اكتوبر بعد يومين ورجعتي على 23 اكتوبر
ماتشوف ان 14 الف كثيره اخ سفير الهند
وموضوعك على فكره هو اللي شجعني وحمسني اكثر واكثر بس بعد الفيزا والتعب والتذاكر تخوفت من السعر 14000 لاحظ بدون غداء او عشاء وفوق هذا كله بدون اي متعه ثانيه ماتوقع الاوتيلات توصل في 7 ايام 14 الف اعتقد اني انغلبت كثير مع الاخ شمس الله يعطيه العافيه في هالعشر الاواخر ولا وش رايك ؟
اخي الكريم
الاخ شمس منسق الرحله عملنا البرنامج ب 14000 الف ريال سعودي
لعائله مكونه من 5 اشخاص وطفله
اعتقد المبلغ كبير على كيرلا من تاريخ 13 اكتوبر الى تاريخ 23 اكتوبر
مادري هل هو موسم او ان الاخ شمس الله يعطيه العافيه بهالعشر الاواخر لعب علينا
االسعر جدا عالي ولا وش رايك ؟

maha_K_S_A هلا بأختي..بس أبغى أعرف 14000 ريال تشمل ماذا؟؟!! إذا كان السكن فقط فأتوقع وأحس أن (شمس) يلعب عليك ودوري لك (قمر)!!
طيب لو سمحتي اكتبي ايش الفندق اللي بيسكنكم فيه؟؟ وهل 14000 ريال تشمل التذاكر؟؟!! يا ليت لو تبيني بالتفصيل أن 14000 ريال تشمل ماذا؟؟!! وبأعطيك إن شاء الله الجواب اليوم.

الله يعطيك العافيات والله
اولا التذاكر 9000 ريال تم دفعها وخلصنا منها ولاتشملها ال 14000 الف ريال
السعر اللي حدده الاخ شمس 14000 ريال لزياره كذا منطقه في كيرلا تبدا في كوتشن وتنطلق الى مونار ثم الى البي وبعدها تكدي وبعدها كوماركوم يعني كم منطقه وبيني وبينكم انا تصفحت كل مواقع النت الخاصه بالهمواقع والاختيارات غالبها لاتقع الا على 2 او بالكثير 3 يعني مافيها خيارات كثير بالفنادق واغلبها معروف وكلها مذكوره بالمنتدى في موضوع الاخ لمسات والباخص وموضوعك في دليل الفنادق
وطبعا ال14000 شامله السواق مع السياره واعتقد قالي يوم في الهاوس بوت ولوني مابي انا واهلي ننام في هاوس بوت يعني اتوقع ضيق وملل ماحبيته وحاولت معه يعطيني نص يوم وقالي لازم نعمل chikout بعد 24 ساعه يعني يبي يدبنسني فيها يوم كامل :112:
بالعربي شافني بنت ولعب علي
وش رايك استاذ سفير الهند اطلع بس بدون بكيج واعتمد على نفسي ومعي اسماء الفنادق او ماينفع كذا

maha_K_S_A
أهلا بك أختي.. الصراحة أنتي في موقف لا يحسد عليه!!! "شمس" من جد أحسه يلعب عليك لأنك بنت ،، أيش رايك ترسلين أحد ثاني من أخوانك أو أحد أقربائك يشوف الوضع مع "شمس" ..والصراحة أنا قلبي مهب راضي على 14000 ريال لرحلتك .. بس ترا الهاوس بوت الكل يمدح فيه وحتى الآن ما سمعت واحد ما حبه أو ما عجبه .. تصدفي في ناس يسافرون إلى كيرلا بس عشان الهاوس بوت!! هو صح أنا ما عمري ذهبت كيرلا ولا جربت الهاوس بوت لكن إن شاء الله أول ما تتيح لي الفرصة بأروح كيرلا وأجرب الهاوس بوت ،، ولا تحسبي الهاوس بوت رخيص للغاية فأنتم خمس أشخاص ماشاء الله يعني أتوقع أنها طيبة في سعر 14000 ريال ،، وأما عن الفنادق فإذا هي طيبة أو مجربة من الأعضاء ومشهورة فلا تقلقي عليها ،، وبعدين حددي نوعية السيارة معاهم ،، حاولي سيارة تويوتا إن نوفا أو جيب سكوربيو يعني تأكدي أن السيارة جيدة ،، و أخاف أقول لك اطلعي بدون الباكيج وتتورطي في مشكلة فبتدعين علي بعدها!!:112:
بأعطيك حلين:

• استخيري ربك وصلي ركعتين.
• أو جربي وكالة سفر ثانية وحاولي تعرفي اختلاف الأسعار فربما تجدين أفضل من "شمس".

مشكور اخوي بالعكس انت افدتني وجزاك الله خير ماقصرت بالعكس كلامك كله درر وحكم ويدل انك فاهم وواعي ومقدر اوضاع السفر بالحقيقه المبلغ فعلا بسيط والواحد مايفكر بالفلوس عند الوناسه بس انا حاسه شوي بفرق بالسعر بين رحلتنا ورحلات الاخوه اللي قبلنا لأني جلست اقارن الاسعار وفعلا يمكن عددنا مايسمح بمبلغ اقل من كذا
وانا قاعده احاول حاليا انسق مع الطيار وراح اشوف على كم راح نرسي
ومعلومه احب افيد فيها الجيمع للي حاب يدخل يشوف اسعار الاوتيلات الجديده 13 اكتوبر الى عام 2008
بالتفصيل والصور يتفضل احتمال احجز من خلاله اول ليله في كوتشن لحد ماربي ييسرها يارب
http://www.asiarooms.com/india
لايفوتكك الفوتو جلري ( معرض الصور ) مره يجنن صور تونس تصلح تواقيع وخلفيات سطح مكتب