السلام عليكم..
1 - هل توجد حافلات تقلك من مطار كوالالمبور الى شارع العرب واين اجد مكان وقوفها بالمطار وهل لها اوقات محددة للمغادرة
فيه بالمطار سلمك الله..بالدور الارضي (بلوك c) ((مواقف السيارات)))
محطه للباصات.. واسعارها متفاوته..((25-18-10 ))
والاخيره هذي ام 10...تمشي الى محطة kl sentral ((محطة القطارات الداخليه الرئيسية))
وتمشي كل نصف ساعه...
ومن هناك ياما تاخذون تاكسي ب10 رينجيت لشارع العرب..
او تركبون المونوريل ((القطار الداخلي)) الى شارع العرب.. (بوكيت بنتانغ)
والشخص برينجيت ونص الى رينجتين
تراه هو الخط البرتقالي اللي بتاخذونه..
2- هل استطيع الذهاب لمرتفعات الكاميرون والتنزه بها والعودة بنفس اليوم الى كوالا
ايه يصلح..اذا قمتوا مبكرين..
بس ترا راسك بيلف ويصدع ودوخه احسه
3-
هل توجد حافلات تنقل من كوالا الى مرتفعات الكاميرون واين مكان وقوفها بكوالا ومواعيد تحركها وعودتها من المرتفعات
تاخذها الحافلات هذي من محطة pudu raya
واخر علمي فيهم ان شركة kurnia bistari محتكره خط كوالا الكاميرون المباشر..
بس تاكد انك تحجز العوده نفس الوقت.. لانهم مزحومين مره
بالنسبه للمواعيد فيه نوعين من الباصات عندهم
الvip وتمشي 8 ونص الصبح
2ونص الظهر و1 ونص الظهر..
الباص العادي..
9 ونص صباحا
0ونص صباخا
1ونص صباحا
2 ونص ظهرا
3 ونص ظهرا
والعوده الى كوالا (( vip))
8 ونص صباحا
9 ونص صباحا
2ونص ظهرا
والعوده على الباصات العاديه
0ونص صباحا
1ونص صباحا
1 ونص ظهرا
2 ونص ظهرا
3 ونص ظهرا
4 ونص ظهرا
((ملاحظه .. اذا كنت بتروح وتجي بنفس اليوم.. لاحظ انها بتكون صعبه.. اذا ركزت بالمواعيد))
((ملاحظه ثانيه.. ترا الباصات العاديه خياس.. بمعنى الكلمه... حاولوا تروحون على ال vip ))
4- هل توجد حافلات تقل الى جنتنغ ومكان وقوفها وساعات تحركها وعودتها
نعم فيه خط خاص لهم..
اسمه genting express
له عدة محطات تنطلق منه.. لو تقول لي وين بتسكنون اقول لك الاقرب..
بس عموما محطاتها هي
imbi
pudu raya
putra lrt ((gombak
وتشمل جزئين من المسار..(وبيعطونك تذكره فيها جزئين)
الجزء الاول =من محطة الباصات الى محطة التلفريك..
الجزء الثاني =التلفريك الى اعلى جبل جنتنغ(( جنب فندق فرست وورلد)) (وهو الطريق كاملا)
وبيكلفك 8 رينجيت ونص
وتمشي كل نص ساعه.. او كل ساعه على حسب المحطه اللي انت راكب منها...
ايضا هنا انبه على انكم اول ماتنزلون من الباص تحجزون العوده علشان ماتتوهقون..
تحياتي لك

ماشاء الله مابعد كلام الاخت مختبه كلام وفت وكفت يعطيها العافيه..

مسافره مختبه
مختبوه
الله يعطيك العاافيه ياربي
الظاهر اشتغلتي تاكسي هناك
لا اله الا الله ماشاء الله تبارك الله
عيني عليك بارده
وكثري من الريد بوول
معلووماتك غاية في الروعه
وفالك طيب

سفره سعيده ان شاء الله ...
بالنسبه للبصات انا رحت معهاا لجنتق ولبينانج بصراحه روعه ..
طبعا البصات تروح تقص التيكت من نفس المكان وتمشي لان كل نص ساعه يمشي باص ..
اذا بتروحون لجنتق ممكن تاخذون بكيج كامل مع الدخوول ارخص لكم واوفر بكثير من نفس الموقف
البصات وتروح لها بدري من الصباح وترجع باليل ..
واي سؤال حاضرين ..

طبعا البصات تروح تقص التيكت من نفس المكان وتمشي لان كل نص ساعه يمشي باص ..
من قال ؟؟اقوول يالاخو..صحيح كل نص ساعه يمشي باص بس كلها فل ومحجوزه.. لاتسوي سواتي وتوهق ..اذا بتروح بالباص لازم تحجز قبلها بيوم على الاقل وممكن الفندق نفسه يحجزلك..

مسافره مختبه
ما شاء الله عليك اختي الكريمة هذا جوابك وانت مختبة ماذا لو كنت هادئة اعتقد كنت سوف تفصلين لي ماليزيا بالعرض والطول كل شارع ومحطة وفندق اشكرك على تجاوبك السريع معي وهو شافي وكافي وجزاك الله خيرا بقى استفسار أخير اين يقف الباص المتجه لجنتنغ علما ان مكان اقامتي بكوالا هو شارع العرب قرب مكدونالدز
ادعوكم جميعا في النهاية لقراءة تقريري المصور عن تركيا الموضح رابطه بتوقيعي وابداء الرأي حياله

السلام عليكم
يظهر لي ان المحطه الموجوده في منطقة jalan imbi هو الاقرب..
واسمها.. Pasar Rakyat
,وهذا رقمهم هناك.. 0321486300
تحياتي لك