أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ومساء الخير
بغيت اعرف شنو احسن فنادق باريس من حيث المكان والشهره سعني ابيه يكون قريب يم برج ايفل و الشنزلزيه ..
ويكون 5 نجوم ؟؟
تقبلوا ارق التحايا
افضل فندق في باريس من حيث الموقع
فندق ماريوت
وهو الفندق الوحيد الذي يقع مباشرة على شارع الشانزلزية (ولكنه غالي جدا )
فندق لي ورويك
فندق رائع وفخم ولا يبعد عن شارع الشنزلزية الا مسافة قريبة جدا بحدود 10 متر
هذي تقريبا اقرب الفنادق لشارع الشانز وتوجد فنادق اخرى ولكن لايحظرني اسمها حاليا
وتحياتي ..
سلام
جورج سانك(الفور سيزنز) في جورج سانك أفنيو المتفرع من الشانزليزيه..أو ماريوت زي ما تفضل الأخ اللي يقع في وسط الشانز(أحسن موقع)..البرنس ديقال و يقع في جورج سانك أفنيو جنب الفور سيزنز.. هذي الخمس النجوم و وسط البلد.. واذا تبغى أربع نجوم فهي أكثر...
أتمنى أكون أفدتك....
بصراحة الفنادق اللي ذكروها الاخوان 5 نجوم أو وايد غالية أو فخمة بنفس الوقت
لكن اذا كنت تبي سعر معقول أو موقع ممتاز أو شغل مرتب أخذ فندق كاليفورنيا اهوه 4 نجوم أو ممتاز عن تجربة
وشكرا
أفتكر أنا نزلت عام 1996 في فندق الكونكورد لافييت وهو ليس ببعيد عن الشانزليزيه 5 نجوم وممتاز ولكنه غالي شوي ومزحوم في فترة الصيف مره. فيه بقربه أيضا فندق المريديان وأنا أعتقد أفضل من الكونكورد حسب ما سمعت. بالتوفيق
الماريوت موقعه حلو...في قلب الشانزاليزيه....
لكن جورج سانك أروعهم...غالي هو طبعا بس يستاهل والله...
متوسط بين الشانزاليزيه وبرج ايفل ....ممكن تروح للبرج مشي
اخواني واخواتي :
المغترب
botshika
أم عبادي
khallagi
بومحمد
يزيد الخير
ام ياسمينا
حكاية..
يعطيكم ألف عافيه على هالمعلومات القيمة
ومو عارف شلون اشكركم
بصراحه انا طلبت عرض سعر حق هالثلاث فنادق
Four Seasons
marriott
California Paris
وانشالله نقرر على واحد منهم ونختاره
ومشكورين مره ثانيه
فندق ماريوت
وهو الفندق الوحيد الذي يقع مباشرة على شارع الشانزلزية (ولكنه غالي جدا )
فندق لي ورويك
فندق رائع وفخم ولا يبعد عن شارع الشنزلزية الا مسافة قريبة جدا بحدود 10 متر
هذي تقريبا اقرب الفنادق لشارع الشانز وتوجد فنادق اخرى ولكن لايحظرني اسمها حاليا
وتحياتي ..