الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
roh_dxb
18-05-2022 - 12:27 pm
السلام عليكم
كيف حالكم اخواني ؟؟
عندي استفسار
انا باذن الله بزور الكويت الشهر القادم
بس حبيت اسأل عن اماكن بيع الأقمشة الرجالية الشتوية.
وكلنا نعرف الكويت مشهورة به
وبعد ابا اعرف اسم السوق اللي يبيعون فيه المسابيح القديمة ..
اعتقد اسمه سوق شرق . بس متأكد من هاي المعلومة..
واسمحولي عالازعاج ..
اخوكم
روح دبي


التعليقات (9)
kuwait hotels
kuwait hotels
أهلا وسهلا فيك بالكويت بخصوص سؤالك عن الأقمشة الرجالية الفاخرة تجدهما بالعاصمة سوق الأقمشة بلوك التاسع وهناك الكثير من المحلات الفاخرة مثل أبو الحسن وأقمشة الكاظمي بخصوص المسابيح تجدها في سوق المباركية او سوق الكويت وهو مجمع قديم ز
مع طيب الإقامة

ibrahem
ibrahem
اخوي بنسبه للاقمشه روح البولكات واهناك تلقا اجود انواع الاقمشه وحياك الله ابديرتك الثانيه الكويت

@عاشق الخيال@
@عاشق الخيال@
بالنسبة للاقمشة عندك البلوكات وموقعها بالعاصمة
وبالنسبة للمسابيح عندك سوق المباركية وايضا مكانه بالعاصمة
بالتوفيق ان شاء الله

roh_dxb
roh_dxb
kuwait hotels
اخوي العزيز kuwait hotels
لك جزيل الشكر اخوي على التوضيح
والسموحة منك اخوي ..
والله يوفجك دووم يارب ..
اخوك روح دبي

roh_dxb
roh_dxb
@عاشق الخيال@
اخوي العزيز @عاشق الخيال@
شكرا لك اخوي وماقصرت
ويعطيك الله الف عافية ..
اخوك روح دبي

Hambka Q8
Hambka Q8
الاقمشة في سوق الاقمشه بالديره (تحديدا منطقة المرقاب)
يسمون السوق (البلوكات)
(وصف المكان : اذا تعرف مجمع الاوقاف تخليه على يمينك و تمشي سيداا تعدي الاشاره و تكمل سيداا
و بعدين تلقاه على يسارك بعد غرفة التجارة و الصناعه)
أحسن المحلات : أجواخ أبو الحسن , كاكولي و بعد في واحد كله يحطون اب برنامج "فكر و اربح"
اسمه : الابتكار p: ..المسابيح
اعتقد في سوق المباركية..

alrashedq8
alrashedq8
عندك اخوي البلوكات ابمنطقة شرق
وبالنسبة للمسابيح عندك سوق المباركية
مثل ما تفضلوا الاخوان

ترافلز مان
ترافلز مان
البلوكات بجانب مجمع البنوك بالعاصمة
بالنسبة للمسابيح اذا تبي مسابيح كهرب ومسابيح راقية عندك محلات كثيرة في السوق الكبير بجانب بلدية الكويت وايضا يسمى هذا السوق بسوق المخازن وهو معروق والمحلات عديدة في الطابق الأرضي

AboAyoob
AboAyoob
أخوي بالنسبه للمسابيح
يعني في عدة مواصفات ,, فيه منه ( الالماني و البولندي و الاكرواني
واللتواني والروسي وغيره ...) ونصحك في ال البولندي والالماني فقط
واذا تبي مسباح ممتاز
عندك بالمباركيه اللي عند مدخل القهوه اللي بالوسط داخل
محل اسمه بيت الكهرب ,, راعيه واحد لبناني
واهم شي تاكد منه ان المسباح بولندي
وفي محل ثاني هم اسعاره مناسبه
محله بشارع الالكترونيات بسطرة المقاصيص بالنص
عند واحد اسمه سليم اول محل بالفجه
هم اسعاره حلوه وناشبه بالسعر وطيحه بالحظيظ
بس اهم شي تاخذ بولندي تقريبا هو افضل خامه للكهرب من بعد الالماني
وكذلك شارع الوكالات في السوق ، جنب فندق البحرين وهو يقع خلف محلات الوكالات في نفس الشارع وتقريبا بنص الشارع ، إسأل المحلات عن فندق البحرين وإن شاء الله تجد طلبك


خصم يصل إلى 25%