- السلام عليكم
السلام عليكم
فعلا فندق فخم ويقع على بحيره صغيره اسمها fuschl وهي قريبه من بحيرة st wolfgang وفيه شاليهات منفصله عن الفندق وتقع مباشره على البحيره والسويتات فخمه جدا
بما اني مطول بالنمسا وراح اقعد حتى اخر شهر سبتمبر وذلك لضروف العلاج ولكني اقتنص اي فرصه او ايام ماعندي مراجعه للمستشفى واحاول اغير الجو خارج فيينا والاسبوع الماضي كنت في st wolgang وهالاسبوع شفت ان عندي وقت طويل 6 ايام فقلت لازم اطلع بره فيينا فحاولت مع الفندق اللي سكنته مالقيت عندهم حجز بحثت بالانترنت وطحت على هالفندق العجيب الراقي واتصلت فيهم وطلبت شاليه لمدة سته ايام وقالوا لي الشليهات كلها محجوزه راح نعطيك سويت اسمه franz joseph فقلت لها اوكي امرنا لله وعطيتهم اسمي واحجزت لي وانا فرحان لانه شكل الفندق والاثاث عجيب وقلت حق المدام ديري بالج على العيال لايخربون اثاث الفندق ترى باين عليه غالي ردت علي وقالت اسألهم عن السعر قبل لاتعطيهم رقم بطاقتك رديت عليها ايه والله نسيت اسألهم كل هالكلام والموظفه حاطتني على ال hold ولما ردت علي سألتها بجم الليله طال عمرك قالت لي ب والله ماني قادر اقولكم بس امري لله
0يورو بالليله قلت لها 230 قالت تو تو ثري زيرو يورو بالليله قلت لها نطريني اليوم العصر انا عندكم وصكيت التلفون وتغطيت باللحاف ونمت
وهذا موقع الفندق للي يحب يروح الله يهنيه
https://www.starwoodhotels.com/luxury/property/photos/index.html?propertyID=1366
ياحليلك والله كاني اشوف وجهك يوم قالتلك السعر خ
اقول : يازين الدفا تحت اللحاف بس .. تغط زين وانا اخوك .. وترى فيينا زينه ؟؟؟؟؟؟