كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبو مها
03-12-2022 - 11:20 am
بسم الله الرحمن الرحيم ..
السلام عليكم ورحمه الله ..
بعد حمد الله وشكره .. عدنا من أرض ماليزيا مساء الأربعاء الماضي ..
تكللت الرحلة بالنجاح والحمدلله بفضل الله اولا واخيرا ..
ثم بما وجدناه منكم في هذا المنتدى من معلومات سهلت الكثير ..
واشكر كل الاخوه على مشاعرهم الطيبة وماقدموه .. فحق علينا ان نرد ولو شيء بسيط ...
# مقدمة #
كانت فكرة السفر تدور بين افراد العائلة المكونه من اب وام الله يحفظهم ..وأنا الله يحفظني بعد :tongue: و( 4 اخوات ) و( اخ ) و( 4 اطفال ) .. و( الاخت وزوجها ) "ابو سماهر" .... :55654:
ولكن الفكره لم تدم طويلا حتى تحولت الى واقع ..
قبل امتحانات الفصل الدراسي الثاني قررنا الذهاب لماليزيا بعد اجماع الاغلبيه .. وبعد مشاورات قررنا ان يكون موعد السفر بعد منتصف الاجازه ..
من 1 / 8 /2007 ... وحتى 22 / 8 / 2007
وتم الحجز عبر الخطوط السعودية ..
مرت الأيام سريعه .. وتم خلالها حجز الفنادق عن طريق الانترنت .. ( تجربه جديده ) .. ولكنها رائعه ..
وأيضاً قررنا حجز سيارة خاصه عائلية تكون معنا يوميا من تاريخ 10 وحتى 22 _ 8 .. عن طريق احد المكاتب هناك ..
الفنادق كانت ..
.. من 1 - 5 .. في فندق رويال بنتنانغ .. 3 سويتات اكزاكتيف ..
من 5 - 10 .. فندق بي فيو بيتش .. 3 سويتات عائلية ..
ومن 10 - 22 فندق رويال بنتنانغ ايضا .. 3 اكزاكتيف سويت ..
بدأت الإجازه .. وجاء اليوم المنتظر ..
ذهبنا للمطار برفقه نسيبنا ههه ==> طيب وش نسويلك ؟:biggrin:
عندما دخلنا لصالة المطار شاهدنا اقبح منظر ممكن انك تشاهده عند الكاونتر المخصص للعفش ..؟
طابور معفط داخل في بعض خربان والناس فوق بعض انواع الحوسه ومافيه الا موظف واحد . وموعد الرحله الساعه 9 و45 دقيقه
باقي ساعه ونصف على الموعد ..
انتظرنا دقيقه .. عشر .. عشرين .. والطابور مايتحرك .. والناس زحمه .. 3 رحلات ومافيه الا موظف واحد ..!؟
لو انتظرنا فاتتنا الرحله مافيه امل يتحركون الناس ..
الحمدلله سخر الله لنا المشرف ( الله يوفقه ) في تلك اللحظات وبعد كلمات .. فتح لنا كاونتر خاص .. ودخلنا عفشنا والحمدلله انتهت المعاناه ..
اقلعت الطياره ..
وبعد 7 ساعات ونصف ممله يتخللها مطبات هوائية ماتخوف ابد ..!!
بدأنا الدخول للأجواء الماليزيه ..
السحاب هو أول مارأيناه فوق الأجواء الماليزيه ..!
مافيه إلآ أخضر × أخضر :tongue:
أحلى اللحظات ..!!
كان وصولنا للمطار الساعه تقريبا 11 بتوقيت ماليزيا ..
اول مانزلنا من الطيارة .. شاهدنا المطار ..
آه بس وش اقول .. الله يخلف عليك يامطار الملك خالد :8888:
بعد هبوط الطيارة .. ونزولنا لأرض المطار ذهب كل التعب ..على نسمات الهواء ورذاذ المطر ..
المطار رائع .. جميل .. مرتب .. منظم ..
رغم كثرة الناس الا انهم يتحركون بانسيابيه بسبب التنظيم الرائع الذي يحفل به
عكس مطارنا الله يخلف ..!!
هذا المنظر ستراه اول ماتخرج من بوابة الجوازات الى الصالات ..!!
جانب من المطار ..!!
كاكاواتهم تشهَّي:biggrin:
توجهنا بعد ذلك لمكاتب التاكسي ..
ومنها الى فندق رويال بتنانغ ..
كان الجو غائما عند خروجنا من المطار والتوجه للفندق ..!!
سبحان الله ..!!
البرجين والمناره في أول عناق لهما ..!!
أعجبني شكلها
فندق بالكنتاكي:biggrin:
سياره بالطماط ههه
وصلنا شارع بوكيت بتنتانغ ... مادريت الا يوم شفت هالسوق سوق lot10 من أجمل الاسواق ..
وصلنا ل فندق رويال بنتانغ ..
بعد الوصول للفندق .. للأسف كان حجزنا 3 سويتات اكزكتيف ..
واعطونا 3 غرف كلوب .. وقالوا ان هذا هو حجزكم ..
وبعد مماطله وزحمه وهوشه .. وبعد تأخير 4 ساعات اعطونا السويتات ..
ربما كانت خيره لنا حتى لاننام مبكرين
ولكن بعد ان سلمونا الغرف المطلوبة .. والساعه تقريبا تشير الى الرابعه مساء
ماكان مني الا ان انسدحت على السرير جثة هامده ههه:biggrin:
بعدها ماجت الساعه الثانية صباحا الا وانا مستيقظ نشيط مشاء الله علي :biggrin:
طيب وش اسوي ؟
الساعه 2 والناس نايمين ولا حولي احد .. والجوع كافر ههه :biggrin:
بغيت انزل تحت اشوف الفندق بس قلت وش ينزلي اخر اليل ..اقعد بس ..
حاولت اتصل بالانترنت عن طريق الشبكات الكثير ة التي وجدتها ولكن للأسف كلها مشفره ..
ياشين قومة الليل والواحد جوعان ..:biggrin:
طلبت بيتزا من لفندق وليتني ماطلبتها .. استغفر الله ماتنوكل .. وكاتبين بيتزا عربيه بعد :ill_h4h:
مرت الساعات إلى طلوع الفجر .. والحمدلله قام من قام .. وصلينا الفجر وتجدد النشاط ..
صور من النافذه عند طلوع شمس اول يوم لنا في كوالا ..
صور من الجهه الأخرى ..!!
شكلها مواقف وزاره .. :biggrin:
عمارة نشر الغسيل ههه :biggrin:
بعد صلاة الفجر وشرب القهوه ( أهم شي ) .. بدأنا نجهز لهذا اليوم ..
ولنا لقاء ان شاء الله قريب في أول يوم لنا في ماليزيا ..
:smile106:


رحلتي الى ماليزيا
التعليقات (9)
Amola12
Amola12
بعد هبوط الطيارة .. ونزولنا لأرض المطار ذهب كل التعب ..على نسمات الهواء ورذاذ المطر ..
المطار رائع .. جميل .. مرتب .. منظم ..
رغم كثرة الناس الا انهم يتحركون بانسيابيه بسبب التنظيم الرائع الذي يحفل به
عكس مطارنا الله يخلف ..!!
ما تلاحظوا انكم أول ما تدخلوا المطار تصيروا زيهم ونصير مرتبين ونهتم بالدور والنظام زيهم ؟؟؟
ليش ما نسوي كده في بلدنا ؟؟؟
بعد الوصول للفندق .. للأسف كان حجزنا 3 سويتات اكزكتيف ..
واعطونا 3 غرف كلوب .. وقالوا ان هذا هو حجزكم ..
وبعد مماطله وزحمه وهوشه .. وبعد تأخير 4 ساعات اعطونا السويتات ..
شكلها السنة دي موضة الماليزين الإستهبال .... صارت القصة مع كذا عضو ... بس ما شاء الله عليكم مفتحين عقولكم مزبوط ..
يعطيك العافية أبو مها على بداية التقرير .. منتظرين الباقي ... كل يوم حلقة .. لا تطولوا علينا ...
أموله

بنوته كويتيه
بنوته كويتيه
الحمد لله على السلامة
يعطيك العافية على التقرير المصور

سفريات
سفريات
تقرير رائع وصور اروع يعطيك العافية
بانتظار الباقى

أبو شليويح
أبو شليويح
هلا والله ابومها ..
اولاً الحمدالله على السلامة وان شاء الله تكون رحلة موفقة لك ولغيرك يارب العالمين..
ياحبي لماليزيا اخر زيارة لماليزيا كانت قبل 8 سنوات ....عاد الحين ومن خلال مواضيع الاعضاء اشوف ماليزيا تغيرت كثير ، وللأسف كنت مخطط اسافر السنة هذي برفقة ثلاثة من زملائي لكن وللأسف الشديد معنا واحد من ربعي فاشل دراسياً فضطرينا نقشع فكرة السفر من مخيلتنا

سبحان الله ، والله ودك تروح ماليزيا ولاترجع
على فكرة يا ابومها كيف تقييم ماليزيا السنة هذي ؟ وغير كذا سمعنا من الزملاء ان الاسعار ارتفعت بشكل كبير صحيح الكلام هذا ؟ و ياليت تعطينا شرح موجز وكافي من ناحية المالية والاسعار والخ...
وان شاء الله مانكون ثقلنا عليك ، وبتابع الموضوع بشكل اسبوعي وننتظر التحديث

الراايق
الراايق
ياسلام عليك يافناان
برافو عليك
بدايه موفقه ورائعه ومشجعه للمتابعه
متابعينك للاخر بمشيئة الله
اسلوبك مشوق جداً
فالك طيب

(البندري)
(البندري)
تقرير رائع ننتظر البقيه

نجمة النجوم
نجمة النجوم
متابعين معاك ابو مها لا تطول علينا ... تقرير رائع من بدايته

JedYan
JedYan
يعطيك العافيه اخي ابو مها
سجلني من المتابعين
تحياتي

مسافره مختبه
مسافره مختبه
تقرير باين انه رائع من بدايته
متابعين معاك


خصم يصل إلى 25%