البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Memi
30-08-2022 - 07:14 pm
سلام ورحمة الله
يمكن تقولون الموضوع مكرر ويمكن تقولون اراجع المواضيع السابقة.. وأنا فعلاً راجعت المواضيع السابقة لين حولت عيوني وخاصة موضوع المطاعم الطويل العريض .. بس المطاعم المذكورة والمقاهي اغلبها مفتوحة..
أنا طلبي صغيروون وبسيط ومادري اذا يتواجد في البحرين بس قلت اجرب وأشوف .. أبي كوفي شوب رايق ومحترم جوه عائلي ويكون نظام غرف او فيه بارتشنز.. يعني بالعربي فيه خصوصية.. وياليت اللي يقترح اقتراح يقولي الموقع والعنوان ومابتشرط وبقول ابي رقمه بعد بس اذا تبون تحطونه مابقول لأ
وشاكرة لكم مقدماً


التعليقات (9)
بلادي البحرين
بلادي البحرين
Caribou Coffe فية بارتشن، الطابق الثاني التوسعة الجديدة في مجمع السيف.

Memi
Memi
شكراً جزيلاً.. عاد التوسعة بروحها محتاجة خارطة.. رحته مرة وحسيت اني ضايعة بس بجرب هالاأسبوع
تسلم اخوي...

المناعي 25
المناعي 25
كوفي (( لو شي )) على شارع البديع .. الخصوصية في ممتازة غرف .. ومستوي الاكل ممتاز جدا .. واغلب الحضور اجانب يعني مافي ازعاج العرب لول

Memi
Memi
^
^
المناعي.. مشكور اخوي ماقصرت.. بس ياريت لو تقدر تعطيني معلومة عنه اكثر.. وهل ياترى لازم نحجز قبل
أنتظر ردك في القريب العاجل..

الأوكراني
الأوكراني
اختى فى مدينة عيسى كوفي شوب مقهي مطعم
جميل جدا ورايق
فيه غرف بتاخذين راحتج عالاخر
الخدمة جميلة والغرف اجمل والمكان ماعليها دوس ( يعني ماعليه زحمه)
حجزها رخيص جدا 15 دينار بحريني
جربتها مرات وامرار مالقيت احلا منها واهدا
الاسم : مقهى البنديرة مقابل ستار بكس
لاى تفاصيل حاضرين للطيبين

Memi
Memi
الأوكراني
هلا والله تسلم اخوي على المعلومة,,, بس الحجز لازم احجز بالتلفون او عادي اذا رحنا نلقى حجز..!!
وبعدين انا سمعت ان العالي فيه فرع لمقهى البندرية ياترى هالشي صحيح..! وهل نفس نظامهم يعني بارتشنز وغرف وحجز..
لاتبخل علي بالمعلومة ترى على كثر روحاتي في البحرين مادل غير الجسر ..

الأوكراني
الأوكراني
ان شالله بتلقين حجز يالغالية بس تعالي بدري للمقهى
يمكن اختلطت المعلومات عندج بين البندرية وبين البنديرة
انا اقصد البنديرة وحقيقة فيه اماكن جميلة فالبحرين الغالية مرت علي بحكم دراستي هناك ولا يعلمها كثير من الاخوة والسبب التمركز في منطقة المنامة (السيف-المعارض-الجفير)
عموما المقهى جميل واذا تبين مقهى بعد حلو وله افرع كثيرة فى البحرين
دى لاميزون كافيه
جميل جدا بس ابعدي عن فرع السيف اللى خلف أجنحة السيف الفندقية
الفرع هذا مزعج جدا خصوصا للعوائل بعد مغيب الشمس
اما الافرع الاخرى فهى هادئة نوعا ما
مع اطيب الامانى بقضاء وقت ممتع في أمكان تحطون به

Memi
Memi
الأوكراني
عاد وانت صادق والله توي الاحظ الفرق.. مدري انا قمت ادور في النت ولقيت في مقهى في مجمع العالي بس قريته بسرعة توقعت انه البندرية.. على كلٍ تسلم افدتني بدل ماروح أخبط.. بس مادري عندك فكرة عن هذا الي بالعالي..!
وفعلاً أنا معك ماحب منطقة السيف للزحمة اللي فيها ..

الأوكراني
الأوكراني
المقاهي كثيرة يااخت ميمي وأصناف البشر أكثر
منهم من يحب الراحة ومنهم من يحب الإزعاج والصجه
مجمع العالى فعلا مجمع راقي وهاديء وأشبهه كاللى يخرج من ضوضاء المدينة (السيف) إلى أطرافها (العالى)
مجمع العالى هدوءه طغى على محلاته فتجدين حتى المحلات هادئة وبالتالى الحكم على البندرية من خلال الموقع اللى هو فيه
عموما مقهى كويس واى استفسار حاضرين يااخت ميمي


خصم يصل إلى 25%