1. اخواني نصيحه مني علشان توفر فلوسك بمعنا الكلمه ..


2. اذا كنتو عايله كبيره ..


3. الطريق من الامارات الى سوريا الى صلنفه ..


4. تكاليف رحلتي من الامارات الى سوريا ...


5. بصراحه عندي السيارة من نوع نيسان فالنيسان معروف انه يصرف بترول وايد

السلام عليكم اخواني ...
بصراحه اخواني بعد ما قريت في هذا المنتدى واخذت كل معلوماتي من هذا المنتدى قررت اني اروح اوزنجول وراح اكتبلكم تقريري هذا راح يكون بسيط وسهل وانا متاكد ان الجميع راح يستفيد منه ..

اخواني نصيحه مني علشان توفر فلوسك بمعنا الكلمه ..

اذا كنتو عايله كبيره ..

كرتون بيبسي كرتون سفن اب دبات الكبار ماي .... معكرونه .. رز ... لو تحاولون تجمدون الدجاج في ثلاجات صغيرة ويتم تبديل الثلج كل 15 ساعه يكون افضل بكثير راح توفر عليك مصاريف الرحله كلها .. اوزنجول رخيصه لكن ليش ما تفكر توفر فلوسك عشان تستقر فيها اكثر واكثر ... عموما انا انصح ان تاخذ اغراضك كلها من بلدك مثل ما سويت انا اخذت كل شي من الامارات ووديته معاي على تركيا وطبعا وفرت فلوس وايده .. اللي ذبحني بس البترول وراح اقوللكم طريقه ما تصرفون فيها ربع اللي صرفتوه من بترولكم وشرط تروحون كل مكان بسيارتكم بس تستعملون الغاز بدل البترول ..
اخواني بدات رحلتي من الامارات تحركت من الامارات الساعة 9 بليل وصلت حدود الامارات ونمت شوي وتحركت الفجر وواصلت المسير لحد منطقة طريف في السعودية حدود الاردن ونمت هناك للفجر وتحركت من طريف متجه الى سوريا المهم وصلت منطقة صلنفه تقريبا العصر ... ريحت ثلاث ايام في صلنفه بروحي محد معاي ....
وسكنت في هذا البيت بعد ما التقيت ببعض الشباب اللي قعدت معاهم 3 ايام شباب اصدقائي كانو واصلين قبلي من الامارات

الطريق من الامارات الى سوريا الى صلنفه ..

دبي - ابوظبي - السلع - الهفوف - النعيرية - حفر الباطن - عرعر - طريف - حدود الاردن - تدخل الاردن بعدين تروح على طريق الزرقاء - بعدين تسال عن درعا - بعد ما توصل درعا هي حدود سوريا تقريبا ساعه ونص من حدود الاردنالسعوديه الى حدود الاردن سوريا - بعدين تنطلق الى دمشق - تروح طريق الاذقيه - وقبل لا توصل الاذقيه ب 10 كيلو متر مكتوب صلنفه تصعد يمين وتصعد تقريبا نصف ساعه وتوصل صلنفه ....
عموما اتمنا ان بداية تقريري هذا تكونو استفدتو منه .. وراح اكمللكم التقرير بعدين الى تركيا ..
ملاحظة للحين انا بروحي في السيارة محد معاي وظليت 3 ايام في صلنفه بروحي مع معاي

تكاليف رحلتي من الامارات الى سوريا ...

بصراحه عندي السيارة من نوع نيسان فالنيسان معروف انه يصرف بترول وايد

عموما انا فعبيت السيارة بترول من البيت تقريبا 80 درهم وقبل ما اوصل حدود الامارات فولتها مره ثانيه 80 درهم .. ودخلت السعوديه وسويت تامين للسيارة 70 درهم تامين اسبوع واحد اجباري ... دخلت السعوديه عبيت بانزين فل 35 درهم يا بلاش ههه وبعدين صرت اعبي 15 درهم 20 درهم يعني مبالغ ما تنذك ..
عموما وصلت للاردن امنت السيارة ب 10 دنانير اردنيه وجمركت السيارة ب 15 دينار اردني ...
وصلت سوريا .. عندي تربتيك دفعت 750 ليرة سورية تامين السيارة 9 دولارات عطيتهم جمارك للسيارة لان عندي تربتيك .. والتربتيك وفر علي فلوس وايده ... انا انصح كل اللي بيسافرون يسون تربتيك لان يوفر مصاريف الدنيا ...
عبيت بترول في سوريا 2000 ليرة وصرت اعبي السيارة 1800 ليرة بعدين ..
المهم كلفتني الرحله من الامارات الى سوريا مع تامين وتسجيل وغيره تقريبا .... 800 درهم الى صلنفه
صلنفه بصراحه الجو فيها روعه وراح اكمل كيف وصلت تركيا ..