- نبداء مذكراتي ثم بالصور ....
بسم الله الرحمن الرحيم
رحلتي إلى الخبر (المملكه العربيه السعوديه)
يا أهل المنتدى والله اشتقت لكم حيل عقب سفرتنا
وكتبت مذكره معأي كل اللي رحنا له والوقت بالتحديد ووقت الرحله 11/8/2007 الى 14/8/2007 ....
نبداء مذكراتي ثم بالصور ....
اولا : مشينا الساعه 5 المغرب و رحنا للفحيحيل وصرفنا فلوس سعوديه وبعدين رحنا لمحل أشرطة D.V.D وشرينا شرطان لخواتي الصغار وشريت كم فلم حلو و وصلنا للمراكز الساعه 6 المغرب وصلينا هناك في المراكز وتعشينا عند استراحه قريبه عند المراكز واسم المطعم ((المأدبه )) عاد تبون الصرااحه (( نظيف شغلهم حيل واكلهم )) وطلعنا من الخفجي الساعه 8,30بالليل ..........
ثانيا : الحين الساعة 11 بالضبط رحنا للاستراحه علشان نشتري اغراض وكملنا طريقنا للدمام والطريق طويل حيل لان طلعنا من المراكز الساعه 7 المغرب واللحين ما بقى للدمام 50 كلم تقريبا .... بس تبون الصراحه احلى طريق الدمام الصبح مو بالليل لانه يجيب ضيقه بس مع الأهل والسوالف نستنا الطريق والساعة ..... واللحين نبي ناخذ شقة لنا بس احنا له الحين في الطريق و اكمل الباقي بالفندق ..... وصلنا للدمام 11,23 بالليل وشفنا بيتنا اللي بالغزو والاستراحه واهلي مسمين الاستراحه على اخوي الكبير لانه قبل وهو صغير يروح لها مع عماني .... وعقبها رحنا للخبر كملنا ما نمنا في الدمام و ضيعنا الطريق ورحنا من الدمام الى طريق الرياض وردينا مع الجسر الذي يؤدي الى الشارع الثاني وردينا لطريق للدمام الساعه 11,53 بالليل ووصلنا للخبر الساعه 12,00 بالليل .... الحين نبحث عن فندق يم مجمع الراشد وبحثنا من الساعه 12,17 الى الساعه 12,30 ليلا الحين انا قاعده في الشقة حلوه ومرتبه ونبي نقعد فيها يومين .... اسم الفندق (( جنا الفندقية )) (( JANA HOTELS )) اليوم الواحد 300 ريال واحنا قعدنا يومين 600 ريال دفعنا ويعطونكم ورقة تبي أي جريده تجيك مجانا وخدمة الدي أس أل موجوده بالفندق .... والحين انا قاعده اصور صور لمنتدانا الغالي .... تلفون الفندق ((8640600 )) و الفاكس (( 8651545 )) قريب عند مجمع الراشد ويمه مسجد عبدالله بن المبارك ... الحين انا قاعده بالغرفه وسرايرهم مريحه حيل والمكيفات بارده وشقتنا رقم 104 في الدور الاول ...
ثالثا :صليت الفجر ونمت و قعدت الساعه 6,36 صباحا عشان نروح وتفطرنا ومشينا الساعه 1 الظهر للمجمع الظهران .. وردينا الساعه 11 ليلا تعشينا في مطعم كودو على الكورنيش ....
رابعا : الحين الساعة 2 الظهر طالعين من الخبر رايحين للدمام ثم للكويت ... قبل ذهابنا للدمام تغدينا في الماكدونالدز الذي على الكورنيش وذهبنا للساحه الالعاب لخواتي يلعبون شوي وبعدين رحنا لسوق الدمام وثم ذهبنا لسوبر ماركت الضاحية الشرقية للتسويق ((2 )) الساعة 8,42 ليلا .... اللحين طلعنا من الدمام الساعه 9,17 ليلا ...وصلنا لمطعم المأدبه في الخفجي الساعه 11,48 ليلا وصلنا الكويت الحبيبه الساعه 1 صباحا ..... التاريخ 14/8/2007
والان الصور :-
غرف الشقه:صالة الشقة :المطبخ ويظهر الدفتر اللي كتبت فيه مذكراتي :الفندق من الخارج ويظهر في اخر الشارع مجمع الراشد :مجمع الظهران من الخارج :مجمع الظهران من الداخل :مطعم كودو من الخارج ليلا :امام ساحة الالعاب بالكورنيش :منظر الكورنيش من الماكدونالدز :منظر من الدمام :ونبي ردودكم....
