صباح الخير او مساء الخير على جميع الزوار الاعزاء وعلى القائمين على هذا الصرح الشامخ
بصراحه انا سافرت اكثر من مره واعتمدت اعتماد كلي بعد الله على هذا المنتدى ومن الاعضاء الاعزاء من خلال تجاربهم ونصائحهم
انا ابغى اروح لقبرص وكان خاطري فيها من زمان ولااسف كلما بغيت اروح يجيني ضرف طارئ واغير وجهتي ز
المره هذي صممت اني اروح المغرب في 22/8 الى 30/8 لاني هذا الوقت الوحيد اللي اقدر اخذ فيه اجازه من عملي .
لن للاسف مالقيت اي حجز وخصوصا العوده من المغرب الى الرياض
فقلت في بالي ابغى اروح للقبرص الديره اللي احلم اني اروح لها وبالفعل لقيت حجز وبنفس التواريخ اللي تناسبني
فجلست ابحث من خلال المنتدى ومالقيت مواضيع كثيره عنها
فقلت يمكن لو اطرح موضوع ويكون على شكل اسئله بخصوص قبرص علما اني ابغى اروح انا وصديقي وترا حنا عزاب
يعني ملينا من الرياض وقرفها وحرها
يمكن بحكم موقع قبرص الجغرافي بتكون حاره بس اقل مافيها بتشوف بحر وبتسمع صوت امواج متلاطمه يخفف عليك
وتشوف وجيه مختلفه وتتعرف على ثقافتات وحضارات جديده وخصوصا لي انا
اللي حاب اعرفه :
1- السكن ( هل الفنادق غاليه وكيف نوعيه الخدمه )
2- الامان
3- افضل الاماكن ( سواء كانت مدن او جزر او مطاعم او شاليهات او نايت كلبز او اي شي اضافي مثل ملاهي وغيرها )
4- العمله المستخدمه هي الجنيه طبعا سعره بالريال تقريباا 1 باوند= 8.5 ريال سعودي
5- افضل طريقه للدفع ( هل هي الكاش او عن طريق الامريكان اكسبريس او الفيزا )
6- اوقات الذروه بالنسبه للبلد ( الليل او النهار )
واتوقع اللي بيرد علي بيرد على تساؤلات كثير من الزوار لان فيه عروض كثيره في مكاتب الخطوط على قبرص ولكن لم نجد من يكتب لنا اي موضوع عن قبرص
اتمنى الاجابه في اقرب وقت ممكن
ولكم مني جزيل الشكر والاحترام .
بايو