ابو ظبي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
disneyoo
20-02-2022 - 06:58 pm
السلام
احلى الاسواق في ابوظبي لمدة يوم واحد .
وين الاسواق حق الدراريع واسماء المجمعات.
وطيران الاتحاد يعطون اي فندق الاقامة فيه وين موقعة


التعليقات (7)
ولـــ زايـــد ـــد
ولـــ زايـــد ـــد
السلام عليكم
بالنسبه لمجمعات او مراكز ابوظبي
فعندج:
1- المارينا مول
2- أبوظبي مول
3- الوحده مول
4- الراحه مول
وبالنسبه للأماكن التي تستحق الزياره
1- قصر الامارات
والسموحه

2Hard2Get
2Hard2Get
  1. بسم الله الرحمن الرحيم ...

  2. مرحبا بك في دولتك الثانيه الامارات و في بيتك بوظبي ....


بسم الله الرحمن الرحيم ...

مرحبا بك في دولتك الثانيه الامارات و في بيتك بوظبي ....

عن الاسواق و المجمعات ..ابوظبي فيها عدد لابأس فيه من المجمعات ... و منها المارينا مول و ابوظبي مول و الي هم مشهورين وايد و فيهم من المحلات الي تباها .... و خصوصاً المارينا الطابق الاخير بتحصل فيه كذا محل حق دراريع الحريم و فيه كم محل في الطابق الاول بعد .... ابوظبي مول فيه محلات مشهوره اب سوالف الدراريع مثل الجعيدي و سينيه ... و لو تبى اكثر فيه شارع خليفه فيه محلات وايد اتبيع فساتين سهره حق الحريم ... و لو تبى خامات حريميه فانصحك اب مركز مدينه زايد الي يكثر فيه هذه النوع من المحلات .... و عندك محل اليشمك الي في ليوا سنتر ... هذه بالنسبه للدراريع ...
اما بالنسبه للمجمعات ... عندك المارينا و ابوظبي مول ... ( مع اني احب المارينا اكثر ).... الوحده مول حلو بس بعده مش فاتح بالكامل ... و فيه محلات حلوه و يديده و مش موجوده في الدوله ... الراحه مول ما انصحك فيه لانه ما فتح فيه اي شي الا السينما و السوبر ماركت ... ( بس يوم بيفتح ان شاء الله بيكسر السوق ) ....
انا عندي لك برنامج ليوم واحد في بوظبي و اتمنى انه يعجبك ... الصبح خذ لك لفه في ابوظبي مول و شوف المحلات الي فيه و ان شاء الله اتحصل الي يرضيك و يعجبك ... و بعد ما تخلص تمر شارع خليفه عند محلات الفساتين ... اول ما تخلص اتشل ابعمرك و تروح المارينا ... اتصلي الظهر و تاخذ ل جوله استكشافيه في المول و بعدين تتغدى في واحد من هاي المطاعم ( حاتم - ابيلا - هيد يارد ) بعد ما تريح و تعبي البطن ( بالهنا و الشفا ) تلف لك لفتين في المارينا منها تتسوق و منها تهضم الاكل ... بعد ا تخلص من المارينا ... رد الفندق ريح لك اشوي و بعدين مر على الوحده مول شوف المول ( ترى يستاهل الزياره ) بعد ما تخلص روح مركز زايد شوف قطع الخامات للفساتين ... و اخر شي يبالك عشى خفيف و انصحك اب شورما ايطاليه من ملك الدجاج الطازج .... و لو في خاطرك اي استفسار انا حاضر بالي اقدر عليه ...
ملاحظه : ما عندي فكره عن طيران الاتحاد ( سامحني )

عبودي المفعوص
عبودي المفعوص
انا مثل حالة الاخت وابي مجمع في سينما واسوواق
ياليت احد يذكر لي الاسم بسرعه

حلوى بحرينيه
حلوى بحرينيه
ماشاء الله
مطار ابوظبي بروحه مجمع

عبودي المفعوص
عبودي المفعوص
الله يطمنك حلوى بحرينه
عااد الكل قال لي ماافي شي مو مثل مطار دبي
بليز قولو لي وش فيه مطار ابو ظبي يعني ينفع قعده
وفيه اسوااق وسينما ولا لا؟؟ لاني اوول مرره اروح له
وايش احلى مجمع يكون كبير وفيه سينما ومحلات حلوه يلا همتكم يا الاماراتين .....

vanilla88
vanilla88
المارينا مول أحلى مول في بوظبي...

عبودي المفعوص
عبودي المفعوص
فانيلا تقدر تفيدني هو فيه سينما او لا؟؟؟
واذا لا ايش الموول الي فيه سينما ومتى يقفل؟؟؟؟ضروري


خصم يصل إلى 25%