يا باغي الخير
12-12-2022 - 12:43 am
السلام عليكم ورحمة الله وبركاته
بسم الله الرحمن الرحيم
سفرتي الى الصين العام الماضي وتقريري البسيط عنها
فكرة السفرة
اتصل بي ابن خالتي وقال لي لماذا لا نذهب الى ماليزيا ونأتي ببضائع من هناك ( ساعات وجناط وشغلات خفيفه )
فكرنا في الامر ثم خطر ببالنا السفر الى الصين (قلنا بما ان ماليزيا تاتي ببضائعها من الصين اذن نذهب الى الصين مباشره )
لكن المشكله ليس لدينا اي خلفية عن الصين
المهم بحثنا بالانترنت ووجدنا بعض المواقع التي افادتنا كثيرا وتعرفنا على اشخاص ساعدونا كثيرا منهم اخوي ابو عبدالرحمن (كردت)
المهم اخذنا الكروت والمعلومات وحجزنا واستخرجنا الفيز وتوكلنا على الله
وكانت الرحلة من الكويت الى دبي الى قوانزو على طول عن طريق الخطوط الكينيه
كانت الرحلة طويلة ومن المواقف الطريفة التي حصلت لنا اثناء الرحلة عندما ركبنا الطيارة ونحن نبحث عن مقعدنا واذا بشخص افريقي يشبه اللاعب سيدو تراروي لاعب نادي القادسيه
قلنا له هذا مكانه لم يفهم حاولنا بالاشارة و اريناه البورد بعدين فهم وقام من المكان
المهم هذا له سالفة بعدين اكملها لكم
طبعا الطياره ملل سبع ساعات ونص
قزرناها سوالف وبعدين نمنا شوي
وصلنا على خير قوانزو وطلعنا من المطار
المهم اول ما وصلنا رحنا فندق اسمه شو شان لو
واتصلنا على صديق هناك والحمدلله حصلنا هالفندق وسكنا فيه
وسعره لشخصين 220 ريبيمبي تقريبا 8 دنانير كويتي
والفندق مكانه زين خصوصا قريب على محلات الجناط والاحذيه عزكم الله
وهذا منظر من الغرفه على الشارع
و الفندق نظيف وسيرفس حلو بس في موظفة استقبال باقتنا
اول ما وصلنا نمنا على طول
المهم ثاني يوم رحنا نفر بهالسوقه ونشوف المحلات
وهذه بعض اللقطات من المدينة
وهذا برج اتصالات
وهذا مبنى عجبني شكله وصورته
وذهبنا الى النهر وهو نهر كبير في قوانزو
وهذه بعض المشاهد للنهر
وهنا السفينه بالليل والانوار الجميلة
وبينما انا جالس عند النهر مر علي عرس ( حفل زفاف ) ( يحليلهم طلعو مثلنا ) عندهم دزه ( يزفون المعرس )
الله يهنيهم بعرسهم
المهم بعدها لقينا واحد يبيع رقي وعنده خوش رقي (احمر)
وذهبنا ايضا الى سوق الليل او باجي لو
وهذا السوق للمفرد واول ما تدخل السوق يتلقفونك هالصينين اللي يبيعون تقليد وهالسوالف
المهم احرص منهم
بنص السوق في شي مغطينه بزجاج لما قربنا منه وشفناه تفاجأنا واذا به شارع قديم ومغطينه للتراث
هذا الطريق يرجع الى ما قبل الميلاد
المهم ما اطول عليكم واحنا انزهب اغراضنا للعوده مرينا على مكان مخشوش مثل سوق صغير
ورأينا شي يضحك
حلاقينهم بالشارع كل واحد حاطله كرسي حلاقة ويحلق حق الناس على الماشي
وبالاخير خلصنا شغلنا ورجعنا الى المطار ومن ثم الى الكويت الحبيبه
نسيت شغله
تذكرون سيدو تراوري لقيته بالطياره واحنا رادين جا وسلم علي وقعد يسالني عن رفيجي قلته قاعد قدام ( صرنا اصدقائه )
واسمحولي على الاطاله اخواني الكرام
رحلتي الى الصين
ولكن لو فصلت اشوي الاماكن الي زرتها والاسواق علشان نستفيد من خبرتك
تحياتي لك