السلام عليكم و رحمة الله و بركاته ..
شحالكم اخواني ؟ عساكم الا بخير
:
:
انا موجوده حالياً في زيلامسي ، وصلت اليوم الظهر من ميونخ و ان شاء الله بنجلس فيها 4 ايام و راجعين ميونخ مره ثانيه ..
الأجواء خياليه ؛ من الظهر امطار و غيوم و الجو باارد ما شاء الله و ما شفنا الشمس ابداَ
طبعاً نحن ما حجزنا سكن من قبل لان مرتبطين بمواعيد المستشفى بس الحمدلله توفقنا بشقق ممتازه جداً
و سعرها رخيص و موقعها حلو و اصحابها طيبين و متعاونين و فيها انترنت مجاني
اعذروني ما قدرت انزل الصور لاني مشغوله حالياً و اللاب توب عندي يديد و بعدني ما نزلت الفوتوشوب يعني ما اقدر اعدل الصور و الانترنت عادي مش وايرلس يعني وايد بطيء
بس قررت اكتب معلومات عن الشقق عشان نرد و لو بعض من جمايل هذا المنتدى علينا و لاني مقدره ان هالفتره موسم السفر و الأعضاء محتاجيين للمعلومات ..
في البداية الشقق اسمها Trinker Appartement
و موقعها في السنتر تقريباً (150 متر بعد الماكدونالدز و 5 دقاايق مشي من الانفرميشن سنتر )
الشقة عبارة عن غرفتين نوم و صالة فيها مطبخ مجهّز بكل الأدوات و سرير اضافي و 3 حمامات (اعزكم الله) و مافيها مكيف بس الجو يجنن و فيها انترنت مجاني
و سعرها 140 يورو في الليله ، خذناها لمدة 3 ليالي ب 420 يورو
و ان شاء الله اول ما ارجع ميونخ بحطلكم صور الشقة لان النت هناك وايرلس
:
:
و أي استفسار انا في الخدمه و ما يردكم الا كيبوردكم