ابوطراد
08-09-2022 - 10:37 pm
السلام عليكم ورحمة الله وبركاته يالربع رحلتي الاحد القادم ان شاء الله على الخطوط السعودية لمدة اسبوعين انا وشخص معي يعني شباب وخويكم متوهق اول مره يروح لبلاد العمة ابي منك الفزعه
اولا : ابي عنواين سكن في جاكرتا لاني ناوي اريح فيها يومين او ثلاثه ياليت بفندق نظيف وامن او شقق بس يكون سعرها مقبول واي افضل احجز من المطار ولا اروح اشوف السكن قبل ياليت تخدمني بالطريقة الافضل
ثانيا : ناوي اروح بعدها للجبل ياليت احد يدلني على فلل حلوة وسعرها معقول وياليت الاماكن الي تستحق الزيارة في جبل بونشاك وكم تستاهل الواحد يجلس فيها من يوم وبعدها والله مدري وين اروح لكن ممكن اوجه لبالي وياليت احد يعطيني اسماء فنادق معقوله في بالي صراحه لفيت المنتدى ومن كثر مالفيت ضاعت علومي مثل بونشاك وباندينق وش الفرق بينها وهل هي قريبة من بعض ومثلا بعض الاخوه يوصي على المجمعات في الجبل وبعضهم يحذر منها ويقول دور الفلل الخاصة ياليت برنامج معقول لمدة 13 يوم وعارف اني كثرة عليكم لكن خويكم منزنق من جد والله حاس اني متضايق لاني رايح على عماها وانا احب اخطط لرحلتي ياليت تساعدوني بارك الله فيكم
اخي عليك اولا عند نزولك المطار التوجه لمكتب كاها وهم بيعرضون لك الفنادق الموجوده وتصنبفاتها من نجمتين الى خمس نجوم والاسعار ----- وترى مكتب كاها له تخفيض ممتاز على جميع الفنادق الي عنده وهو ازين لك
جاكرتا = الاسواق + ملاهي دنيا فنتازي + شاطي انشول + عالم البحار + استعراض الدلافين
اما الجبل فالسكن هناك متوفر فيها الفلل وبتحصل اول ماتوصل للجبل ناس معهم لوحات مكتوب عليها بالعربي ( يوجد فلل ) شفها اول ثم استاجر الي يناسبك وبالجبل مكتب معروف اسمه مكتب السلطان يوجد فيه شخص من ربعنا سعودي ممتاز جدا بيدلك على الفلل
والاماكن الي تستحق الزياره بالجبل هي بحيرة اليدو وحديقة الزهور وحديقة الحيوان (سفاري ) ولاتفوتك جدا ممتازه والشلالات والطيران الشراعي ومزارع الشاي و الخ الجبل جميل بكل ماتعنيه الكلمه
اما باندونق ففيها المياه الكبريتيه ( المياه الحارة ) ومزارع الشاي والاسواق
والجبل وباندونق قريبه من بعض نوعا ما يعني ساعتين الى ثلاث ساعات تقريبا
اما بالي اخي العزيز فهي رائعه ولاكن لم اقوم بزيارتها وعليك بمكتب كاها بجاكرتا لحجز الفندق المناسب وعن طريقه ارخص لك
جدولك كالتالي
جاكرتا يومين + الجبل ثلاثه ايام الى اربعة ايام +باندونق يومين + بالي ثلاثة الى اربعة ايام + بقية المدة جاكرتا استعداد للعوده
وتمنياتي لك بسفر سعيد