bigbin609
13-03-2022 - 04:40 pm
السلام عليكم
انا شخص مسافر انا والمدام الي امريكا اول مره نروح لأمريكا بتاريخ 6/8/2007 م
رايحين مدينة لاس فيغاس لمدة 5 ليالي نحضر مؤتمر بأحد الفنادق .
اتمني الافادة والنصائح من جميع الاعضاء بخصوص هالسفره .
الاستفسارات
1- شنو المطلوب حق استخراج الفيزا وجم مدتها من السفارة الامريكية بالكويت .
2- شلون الوصول الي لاس فيغاس دايرك من الكويت ولله ترانزيت علي الخطوط الكويتية
3- شنو الاماكن السياحية اللي تصلح حق شخص هو زوجته .
4- شنو اقرب ولاية او مدينة نقدر نروح لها من لاس فيغاس طيران او برا .
5- شلون الامان هناك بالنسبة لنا نحن الخليجيين وهل تصلح حق العوائل العرب .
6- شنو افضل مطاعم وشلون مستوي الاسعار وشنو مستوي الجو فيها
7- هل لاس فيغاس غاليه وهل تحتاج نأخذ معانا نقدي ولله بطاقات ائتمان .
اتمني من جميع الاعضاء افادتي عن لاس فيغاس من جميع نواحيها .
اخوكم :- عبدالله الكويتي
أنا بحاول إني أساعدك بس أتمنى من غيري انهم يفيدونك بحكم سفرتهم للاس فيجاس من قبل وبحكم
أنهم جربوا استخراج الفيزا من السفارة الأمريكية في الكويت.
إليك الرد على اسألتك بالترتيب:
1- بالنسبة للفيزا، أنصحك إنك تدخل بوابة الإستفسار عن الفيزا. وبالنسبة للمدة أتوقع ما راح تطول كثير.
2- بالنسبة للرحلة من الكويت الى نيويورك، ترانزيت، ومن ثم الى لاس فيجاس( طيران داخلي).
3- أنصحك بقراءة تقارير الأعضاء في قسم التقارير المصورة لأمريكا. عموما هي مدينة تكفيها يومين
وهناك شارع يسمى السترب وهو الشارع الرئيسي، وتشتهر المدينة هذي بفنادقها المتميزة
وبالعروض الليلية وكذلك بصالات القمار Gambling .
4- هذه المدينة قريبة على ولاية كاليفورنيا، وولاية كاليفورنيا من أجمل الولايات وفيها الكثير من
الأماكن الحلوة اللتي تستحق الزيارة مثل ديزني لاند ويونيفرسل.
5- هي مدينة آمنة حسب كلام الأعضاء اللي زاروها من قبل.
6- المطاعم ما عندي فكرة عنها، بس بالنسبة للجو يقولون انها حارة صيفا.
7- أعتقد انها غالية، وبالنسبة للفلوس خذ كاش واعمل حساب الكردت، ويا حبذا لو كان عندك
اميريكن اكسبرس.
أتمنى إني قدرت أفيدك ولو بالشئ القليل، والأعضاء إن شاء الله ما راح يقصرون وأولهم
أخوي ناصر كويتي، بيعجبك، إن شاء الله.
سفرة موفقة