أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ابي معهد تكون شهادتة معترف فيها وقوي لتعليم الانجليزي واي دورات للكمبيوتر تنصحون فيها خاصة اني قاعد افكر بدورة icdl واي دورة للانترنت وتسلمون
مملوح
عليكم السلام
معهد نيوهورايزون في شرق شهاده معتمده واغلب وزارات الدوله توفد موظفينها الاخذ الدورات في هذا المعهد وهو افضل معهد بالكويت لعلوم الكمبيرتر واللغه الانجليزيه في وجهه نظري
المعهد البريطاني إللي بالمنصوريه خلف النادي العربي أحسن معهد لأنه معتمد عند السفاره البريطانيه ولدى جامعة كمبرج
وعندك دورات حلوه بالجامعه الأمريكيه بمنطقة السالميه ومعتمده
ومركز خدمة المجتمع بجامعة الكويت حلو وسعره مناسب وإذ ما إعجبك المعهد البريطاني عندك الإميدست
بس صدقني دورة لغه مكثفه في بريطاني لمدة ثلاثة أشهر أو شهرين كافيه عن سنه بالكويت وعن تجربه
وشف في مجمع المثنى بالسرداب توجد مكتبه للكتب الإنجليزيه والقواميس والكتب التعليميه وفيه شغله حلوه تلقى كتيبات قصص وروايات مترجه صفحه بالإنجليزي وترجمتها تقابلها بالعربي وفيه قصص مقروءه يعني معاها شريط يقرا وانت تتبع لزوم النطق الصحيح :m9:
أما بالنسبه لدورة الكمبيوتر فعدنك معهد نيوهورايزن مثل ما قالو الشباب جيد جدا
بس لو تحصلك مدرس محترف بالوسيط يدرسك أسبوع أحسن من شهر بالمعهد وعن تجربه
بس خل يجيب لك منهج معتبر عشان تمشون عليه مو يقولك أدرسك باحتراف بدون منهج أو كتاب معتبر بالدوره إللي تبيها راح تلقى كتب عنها بمكتبة جرير بمنطقة حولي مقابل البنزين داخل حولي بارك
والله يوفقك .....صج أخوي العلم النور .... ما يناله لا مستكبر ولا كسول ......ولا مستحي
قو عزيمتك والله يعينك
وبالتوفيق
اخوي بندر انا جربت ثلاث معاهد انجليزي وهم :
امديست ( وهو معتمد من السفارة الامريكية وهو الجهة الوحيده المخولة بالكويت لاعطاء شهادة التوفل )
ولكن مكانه سيء فهو في السالميه جهة شارع البلاجات ( يعني زحمه يا دنيا زحمة )
Tdi: معهد جيد ولكن هناك افضل منه
اكسبرشن: انا حاليا مشترك فيه وهو ممتاز جدا وطريقته بالتدريس مميزة ولكن تكلفة اشتراكه اغلى من
بقية المعاهد
الكمبيوتر:
معهد نيوهورازن
اما برتش كانسول اللي بالمنصورية ممتاز بس فيه مشكلة واحده هو اعتمادة بالتدريس على اللهجه البريطانية
والناس الان كلها تتحدث اللهجه الامريكية لسهولتها وكثرة الاختصارات اللي فيها وعموما المعهد جيد ويتبع
السفارة البريطانية مباشرة
واي استفسار حاضرين
عليكم السلام
معهد نيوهورايزون في شرق شهاده معتمده واغلب وزارات الدوله توفد موظفينها الاخذ الدورات في هذا المعهد وهو افضل معهد بالكويت لعلوم الكمبيرتر واللغه الانجليزيه في وجهه نظري