الموضوع عادى والورقيه لايزال يعمل بها
ولو ان السعر مرتفع شوي
تمنياتي لك برحله سعيده

لا تغيرها ولا شي انا بعد مثلك شريت التذكره مثل ماقلت ورقة برنت طلعها من الحاسب وحدد لي رقم طويل مكتوب قبله كلمة تكت بالانجليزي وقال اهم شي الرقم هذا رقم التذكره وفي نفس الورقة موجود رقم الحجز على اليمين وقال رح المطار وماعليك هم يشوفون الرقم هذا ويطلهون حجزك بالكمبيوتر ويعطونك البوردنق (( كرت الصعود ))
قلت في نفسي مالها داعي شكل التذكرة لايكون نصب شلون ادفع مبلغ وقدره على ورقة برنت
سالته ليش كذا قال الان جميع الخطوط بدأت تطبق هذا النظام لان التذكرة المعروفة القديمة تكلفهم عشرة دولارات وهذي ماتكلف حتى دولار وبالنسبة للخطوط السعودية هي اللي مازالت لم تطبق هذا النظام وانها راح تطبقه خلال الاسبوعين القادميين
انا طلعت وماني مطمئن مثلك كذا حاس بشي قارصني بقلبي اتصلت على واحد من الربع وعلمته وطلبت منه يسال احد مكاتب الطيران عن الموضوع هذا رد علي وقال لي نفس الكلام فتطمنت وارتحت
لكن بيني وبين نفسي ماني مرتاح حتى هذي اللحظة وغير كذا مااحس اني شريت تذكره حتى الان
على الاقل اول كل ماشفت التذكرة تنبسط وتستانس وكل شوي تطالع فيها وتخبيها في مكان آمن وتحس ان لها قيمة لكن الحين قاطها في درج السيارة ونسيت عنها اهم شي اني حفظت رقم التذكرة بالجوال وخلاص
ومن الحين الى ان يحين وقت السفر ان شاء الله راح يبان كل شي
صح اني مللتك وطولت عليك لكن انا كذا احب التفاصيل المملة ((((( لاتسافر معي باطفشك ))))) ههه

بالنسبة للتذكرة الالكترونية لاتخاف منها .. عادي جداً
خلها في محفظتك .. واحفظ رقمها في جوالك .. وان شاء الله مافيه الا كل خير
تحياتي ، ناصر

لا حبيبي هذي التذاكر الحين صارت مو نفس اول كلها اوراق الحين ورقه وحده لاتخاف وضعك اوكي
والوعد جداام (^_*)

ياعزيزي هذا السعر خلاني أفغر بأشداقي وأخر مغشياً علي.
أنا حاجز يوم 1/8/2007 جده -أبوظبي-جاكرتا-أبوظبي -جده.
ب2100 ريال فقط شامله جميع الضرائب .
وتذاكر الاتحاد يعتمد سعرها على عدد ساعات الترانزيت في أبو ظبي
أنا عن نفسي قاعد 5 ساعات في مطار أبو ظبي.

والله كثيرة قيمة التذكره وما تستاهل المرمطه اللي بتجيك من طيران الاتحاد
فعلاً طيران حلو بس الترانزيت يتعب
وبيصير حلو لو كان سعر التذكره 1590 مثل ما خذتها بيطلع احلى واحلى
وبالنسبة لنظام التذاكر الالكترونية فهذا مطبق وما فيه شي ابد رح وتوكل على الله

كلها واحد وكلها تمشي سواءا التذكرة العادية او البرنت , أما بالنسبة لسعر التذكرة من وجهة نظرى اشوفه غالي شوي انا حاجز من جدة ب2175 ريال .

اليك التالي :
1- التذاكر هي التذاكر الجديدة الورقية او ما يطلق عليها ب (( الاي تكت ))
2- سعر التذكرة 2610 شاملة الضرائب
3- تاريخ الرحلة 12/ 7 / 2007
4- الاقلاع من الدمام في الساعة العاشرة وخمسة واربعون دقيقة ليلا
5- الوصول لمطار ابوظبي الدولى الساعة الواحدة فجرا (( مع مراعاة فارق التوقيت ))
6- الاقلاع من ابوظبي في الساعة الثانية والربع فجرا بتوقيت ابوظبي (( مدة الترانزيت ساعة وربع ))
7- زمن الوصول لجاكرتا في الساعة الواحدة والربع ظهرا بتوقيت اندونيسيا