تايلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
BON VOYAJE
25-03-2022 - 09:02 pm
مساكم الله بالخير جميعا :
كيف الحال شباب حيل مشتاقلكم لأني الصراحه انشغلت شوي عن هالمنتدى,,وابشركم لقيت حجز وبالموت على طيران الاتحاد بإذن الله تعالي بتاريخ 11 -8 والرجعه 26-8 ادري ان السفره باقيلها شوي بس عندي استفسار عن بعض الفنادق قبل لا ادفع حق الفنادق واروح والقاها أي شي:
حجزت اول يومين في Grand China Princess
وحجزت ثلاث ايام في هوليدي ان في بتايا..اللي يم النهر.
واربع ايام في Amari Coral في بوكت
واخر اربع ايام في Novotel اللي في شارع Sckumivit الظاهر هذا اسمه.
سؤالي شرايكم بهالفنادق مبدئيا .....وخصوصا قراند تشاينا اللي اول يومين..وهل سكني في بتايا حلو ولا بعيد عن الديره.....واحد يقول اخذ Centara اللي تحته سوق الليل...يعني...بالعربي سؤالي المفروض في بتايا اكوون بعيد عن الزحمه واقعد في الهوليدي ان ولا اروح حق وسط البلد والمطاعم والتسوق واروح حق Centar المبني الطويل.
ادري ثقلت عليكم بس والله محتاج لشوركم ورايكم..لأن احس حق السفريات بيعطيني اي...شي.والف الف شكر


التعليقات (2)
ZERO X
ZERO X
فندق بانكوك ممتاز
لكن بعيد عن المجمعات التجارية وعن منطقة العرب
اما منتجع بوكيت فأختيارك موفق
واتمنى لك رحلة سعيدة

BON VOYAJE
BON VOYAJE
بيض الله وجهك اخووي زيرو اكس وماقصرت وريحت بالي الله يريح بالك..بس انت ماقلتلي اي احسن اخذ قريب عند النايت بازار في شنغماي اللي هو فندق سنتارا دوان تاون ولا في الهوليدي ان اللي عالنهر...يعني اي افضل برايك من ناحية الموقع,,,لأني اخاف اسكن بالهوليدي,,واتعب من الروحات والجيات والمشاوير....وفعلا ماقصرت بردك يالغالي.


خصم يصل إلى 25%