النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
فاررسه
11-02-2022 - 12:05 am
احبابي اعضاء العرب المسافرون احب اشكركم شكرا جزيلا على المعلومات اللي قدمتوها لي قي البحث على الانسب والافضل والحمدلله حجوزاتنا انتهينا منها بس بقى لنا التاشيرة وان شاء الله راح ننتهي منهابالنسبه للطيران بيكون على القطريه بتاريخ10/8 لفيينا والعوده 23/8 من باريس والسعر للفرد 3700 طابعا شامل الطيران الاقتصادي من ميونخ لباريس ولفردين 7400 ريال
الفنادق في النمسا
فيينا الانتركونتينتال 3 ليالي 2500ريال
زيلامسي فندق هيتز مان3 ليالي2150ريال
سالزبورغ 3 ليالي في ريسانس 2490 ريال
بعد كذا راح نطلع لميونخ وعلى طول لباريس بالطيران الاقتصادي
الفندق في باريس اسمه فرانكلين روزفلت 4ليالي بسعر 3100
يعني سفرتنا ان شاء الله 13 ليله و14 يوم بتكلفه 18640 ريال
اللي حابه اساله هل تكفي 10 الاف مواصلات وتمشيه للسفره والا لالالالالا بليز ردوا علي ؟؟؟؟


التعليقات (8)
فاررسه
فاررسه
عفوا حصل خطا في سعر تكاليف الفنادق والتذاكر التكلفه بسعر17640 ريال وليس 18640

حدّي مصــر
حدّي مصــر
خلنا نحسبها حسبة بدو
0يورو فا اليوم = 1020 ريال
سفرتك لمدة 13 ليله = 13260 ريال...لو خليتها 15 الف ريال تعيش احلى عيشه مع اخذ الفيزا للاحتياط في الحالات الطارئه
طبعا ال 200 يورو با اليوم حسبت على اساس التمشيات و الاكل في مطاعم عريبه وايطاليه وهنديه لكن لو تبون تتغدون وتتعشون بماكدونالدز وبرجر كينج يمكن تكفيكم 150 يورو با اليوم و الله اعلم
با التوفيق

aaj789
aaj789
تكفي ان شاء الله

ثلجة من جبال الألب
ثلجة من جبال الألب
هل يكفي في اليوم 600 ريال لشخصين والأكل وجبات سريعه بالأضافه لتنقلات من قطارات ومترو ؟؟

أبو رياااااااااان
أبو رياااااااااان
فاررسه
من وين حجزتوا طيران اقتصادي ؟؟ من ميونخ لباريس ؟ وكم كلفكم للشخص الواحد ؟؟
بالنسبه 10000ريال كمصروف
اول شي يجب حمل فيزا لا يقل رصيدها عن 3000ريال كاحتياط
ثانيا : استخدام المترو والباصات والقطارات بين المدن وعدم استخدام التاكسي الا من المطار الى الفندق والعكس
ثالثاً التنويع بين المطاعم الجيده وما بين مطاعم الماكدونالدز والشاورما والبيتزا مع ضرورة عدم تفويت الفطور المجاني حق الفندق
وان شاء الله تكفي ولكن زي ما قلت لك لابد من الاحتياط
بالنسبه للمخطط لو خليتي باريس فقط 3 ليالي وخليتي زيلامسي اربع ليالي افضل , ولو كانت باريس هي بدايه الرحلة افضل ولكن نو فبربلم
اسعار التذاكر غاليه خصوصا انها عالقطرية وهل وطنكم قطر او السعودية ؟؟
لان الخطوط السعوديه حاليا اسعارها قريبه من سعركم وبدون ترانزيت ( مع كرهي لها )
تحياتي

فاررسه
فاررسه
خالد
شكرا لكل الاعضاء اللي ردوا علي بالنسبه للطيران الاقتصادي المكتب هو اللي حجز لي الطيران الاقتصادي بس والله مادري كم بالضبط اللي اعرفه بس ان سعر التذكره شامله الطيران الاقتصادي 3700 ريال للفرد
وبالنسنه للفلوس اللي راح انشيله معانا خمسه الاف ريال بس والباقي تقريبا 7 الاف ريال بالبطاقه مادري اذا زين والا لالالالالالالالالالالا والا اخذ الفلوس كلهاا احسن والبطاقه فيزا طبعا .
بالنسبه لباريس مادري ناس نصحوني وقالولي اقل من اربع ايام ماتكفي لانه فيها اماكن كثيرة ومنها ديزني لاند بس بصراحه انا وزجي نفكر انه نخلي فيينا يومين وسالزبورغ ليلتين فانتوا ايش رايكم تستاهل فيينا وسالزبورغ ثلاث ليالي.
احنا من المنطقه الشرقيه وذكرت سابقا انه سعر التذكره شامل الطيران الاقتصادي وعلى قولتك كرهي لها احنا رحنا لالافضل مافي مشكله لو زياده بسيطه بس اهم شي الراحه
اذا كان فيه تعليق او نصايح ارجوا كتابتها وشكرا لكم .

أبو رياااااااااان
أبو رياااااااااان
  1. برج ايفل : والسرا اللي تصفونه حتى تصعدون فوق خيالي (سرا 100متر )

  2. دزني لاند : ما فيها الا 3 ألعاب للكبار وما راح تركبينها


فاررسه
وبالنسنه للفلوس اللي راح انشيله معانا خمسه الاف ريال بس والباقي تقريبا 7 الاف ريال بالبطاقه مادري اذا زين والا لالالالالالالالالالالا والا اخذ الفلوس كلهاا احسن والبطاقه فيزا طبعا .
شغلك تمام خوذي 1000يورو كاش والباقي فيزا وحاولي قدر الامكان ما تستعملين الكاش , كل ما استخدمتي الفيزا افضل لك
بالنسبه لباريس مادري ناس نصحوني وقالولي اقل من اربع ايام ماتكفي لانه فيها اماكن كثيرة ومنها ديزني لاند بس بصراحه انا وزجي نفكر انه نخلي فيينا يومين وسالزبورغ ليلتين فانتوا ايش رايكم تستاهل فيينا وسالزبورغ ثلاث ليالي.
شوفي بعطيك حل حلو , اول شي ممكن تكنسلين سالزبورغ ولكن بقولك شي
حتى نكون صريحين مع بعض
باريس كل اللي فيها
( متحف اللوفر وهل انتي تحبين المتاحف ؟؟؟ ما فيها الا الموناليزا واحسها عاديه==> وش دخلك

برج ايفل : والسرا اللي تصفونه حتى تصعدون فوق خيالي (سرا 100متر )

دزني لاند : ما فيها الا 3 ألعاب للكبار وما راح تركبينها

الشانز - كله بهرجه وترقيم وترزز , اما الاسواق اللي فيه ممتازة ولكن ما راح تشترين شي بس تتفرجين يعني كلها قهر , العطور هي اللي حلوةوهذي لو رحتي مدة قليله غطيتيها , ويمكن اللي نصحوك فيها ناس مريشين حبتين ( مثل بائع صيني يقولي انتم يالسعوديين تدخلون المحل وتقولون this this this this this this this ويجي الخادم ويدفع ويشيل الاغراض:114
تقولين لي عندك ميزانيه للتسوق اقولك برضو 4 ليالي مقبوله وكافيه وصدقيني وسجليها علي بتحسين الفرق بين النمسا وجوها وأمانها وطبيعتها وناسها وبساطتها مع باريس , فرق كبير جدا وتحسين انك جايه بالغلط لذلك دايم انصح ان باريس تكون هي البدايه مو النهايه حتى الواحد ما يقرف والعرب بالشانز كأنهم بالتحليه بس بدون هيئة
انا ما احطمك ولكن اقول 3ليالي حتى اربع كفايه ( عن قولة انك رحتي باغي)
تحياتي

لوي فيتون
لوي فيتون
1- سالزبورغ يقال في المنتدى انه يكفيها يوم واحد تروحين لها الصبح وترجعين بالليل
2- باريس يكفيها اربع ايام بتسوق يومين واذا ما فيه تسوق حدها ثلاث ايام يعني اليوم الثالث هو للرجعه
اقولك وش فيها باريس برج ايفل وصفي بالسرا واطلعي لفوق - متحف اللوفر تومتش السرا لاتدخلينه شوفيه بس من برا - قصر فرساي لا تروحين له ما فيه زود ابد وبعيد
روحي لدزني لاند من الصبح لين تملين
وبرج ايفل وخوذي من ايسكريمهم
والحي اللاتيني لا يفوتك سعه صدر مرة
والشانز حسب اذا تحبون تشفون اخوانا العرب او لا بس رهيب خصوصا اذا شفتي اشهر الناس عندنا هناك
وبالنسبه للفلوس خوذي الف يورو
و بالنسبه للفلوس الي بالفيزا خوذو فيزتين حقتك وحقه زوجك احتياط وزيدي الفلوس الي فيها الواحد ما يدري وش يواجهه هناك


خصم يصل إلى 25%