ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الراايق
29-05-2022 - 12:19 pm
بسم الله الرحمن الرحيم
أخواني وأخواتي اعضاء المنتدى الكرام
بصرااحه كلمني أحد الاقارب من المملكة العربيه السعوديه الشقيقه وطلب مني أن أجد له
حجز لكوالالمبور لأنه قال لي مالقى أي حجز من السعوديه على جميع الشركات !!
ولأن عرسه بنهاية شهر 7 ويبي يسافر شهر العسل
وقلت له أبشر أن شاء الله
ولما رحت لأحد الاصدقاء بمكتب السياحه وطلبت منه الحجز بتاريخ 31/7 أو 1و2و3/8 على كوالا
قال لي ياخوك كله فل وحتي الانتظار فل
وان اكثر الشركات قفلوا السيستم (النظام) للحجوزات !!
وذهبت منه وانا زعلان واقوول في نفسي ياولد وش اسوي ؟؟ :112:
وبعدها اتصل علي صديقي اللي بالمكتب وقال لي تعال الحين
ويوم جيته قال لي عندي طريقه ثانيه
قلت افزع وقوول
قال لي أبي أحجز لهم على سنغافوره أو بانكوك والاختيار لهم !!
(وركز على سنغافوره أكثر وقال انه يقدرون يروحون لماليزيا بالسياره
وتبعد كوالا من سنغافوره 400 كيلوا متر0)
يتمون فيه ليله او ليلتين أو يطيرون على ماليزيا بواسطة اير اسيا الاقتصاديه
والعوده ستكون من كوالا لمببور
ها وشرايك ؟
قلت والله فكره حلوه
منها سياحه وتغير ومنها يقدرون يروحون لكوالا
وقال لي يا أما الشركات رااح تزيد عدد الرحلات لاحقا وهذا غير مضمون
وأن تم ذلك سترتفع الاسعار بشكل كبير
قلت له لو أنا منه بوافق على طول
لكن لازم أقووله وهو صاحب القرار
وانا بدوري حبيت انقل هالفكرة للراغبين الذهاب لكوالا ولم يجدوا حجز
وان شاء الله تكون فكره مرضيه
ودمتم جميعا بود
أخوكم الراايق


التعليقات (9)
aidrsss
aidrsss
الحل الحقيقة عملي و ممتاز
و بين كوالا و سنغافورة المسافة تاخدها بساعة بالطيارة او الباص ل 6 او 7 ساعات
كان رايح لنكاوي او بينانج
جزاك الله اخوي عالخبر
و دمتم

رائع جدا
رائع جدا
وأزيدك من الشعر بيت في رحلة من سنغافورة على بينانج !
أنا كنت خطتي
جدة - سنغافورة - بينانق - لنكاوي - كوالا
بس بعدين حذفت سنغافورة ، لترتيبات أخرى
يعطيك العافية

الراايق
الراايق
aidrsss
مرحبا بالغالي
ومشكورر لمرورك الحلو

الراايق
الراايق
رائع جدا
اخووي الله يعافيك
ومشكور على التووضيح لاعدمناك

فواز aa
فواز aa
الله يعطيكم العافية يااخوان ومشكورين على المعلومات الحلوة والمفيدة

الراايق
الراايق
فواز aa
الله يعافيك اخوي
ومشكور على مرورك الجميل

bnt dubai
bnt dubai
الله ايسرلكم ان شاءالله

الطير الحر
الطير الحر
مكتب جناح الصرح عندهم حجوزات على طيران الامارات والشخص ب3200 ياتلحق يا ما تلحق ..
وهذا رقمهم 4770077
الرجاء الدعاء لي بالتوفيق ..

الراايق
الراايق
bnt dubai
الله يجزاك كل خير
ومشكوره للمرور الطيب


خصم يصل إلى 25%