الراايق
29-05-2022 - 12:19 pm
بسم الله الرحمن الرحيم
أخواني وأخواتي اعضاء المنتدى الكرام
بصرااحه كلمني أحد الاقارب من المملكة العربيه السعوديه الشقيقه وطلب مني أن أجد له
حجز لكوالالمبور لأنه قال لي مالقى أي حجز من السعوديه على جميع الشركات !!
ولأن عرسه بنهاية شهر 7 ويبي يسافر شهر العسل
وقلت له أبشر أن شاء الله
ولما رحت لأحد الاصدقاء بمكتب السياحه وطلبت منه الحجز بتاريخ 31/7 أو 1و2و3/8 على كوالا
قال لي ياخوك كله فل وحتي الانتظار فل
وان اكثر الشركات قفلوا السيستم (النظام) للحجوزات !!
وذهبت منه وانا زعلان واقوول في نفسي ياولد وش اسوي ؟؟ :112:
وبعدها اتصل علي صديقي اللي بالمكتب وقال لي تعال الحين
ويوم جيته قال لي عندي طريقه ثانيه
قلت افزع وقوول
قال لي أبي أحجز لهم على سنغافوره أو بانكوك والاختيار لهم !!
(وركز على سنغافوره أكثر وقال انه يقدرون يروحون لماليزيا بالسياره
وتبعد كوالا من سنغافوره 400 كيلوا متر0)
يتمون فيه ليله او ليلتين أو يطيرون على ماليزيا بواسطة اير اسيا الاقتصاديه
والعوده ستكون من كوالا لمببور
ها وشرايك ؟
قلت والله فكره حلوه
منها سياحه وتغير ومنها يقدرون يروحون لكوالا
وقال لي يا أما الشركات رااح تزيد عدد الرحلات لاحقا وهذا غير مضمون
وأن تم ذلك سترتفع الاسعار بشكل كبير
قلت له لو أنا منه بوافق على طول
لكن لازم أقووله وهو صاحب القرار
وانا بدوري حبيت انقل هالفكرة للراغبين الذهاب لكوالا ولم يجدوا حجز
وان شاء الله تكون فكره مرضيه
ودمتم جميعا بود
أخوكم الراايق
و بين كوالا و سنغافورة المسافة تاخدها بساعة بالطيارة او الباص ل 6 او 7 ساعات
كان رايح لنكاوي او بينانج
جزاك الله اخوي عالخبر
و دمتم