ابو ظبي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ابـن الرياض
28-09-2022 - 01:58 pm
السلام عليكم ورحمة الله وبركاتة
الاخوان الاعزاء في دار زايد رحمة الله
انا عندي رحلة من الرياض الى ابوظبي ومن ثم الى باريس وفيها انتظار 7 ساعات بالمطار وين اقضيها هل فية صالة لدرجة رجال الاعمال؟ عشان اقعد فيه ؟ هل مطار ابو ظبي مثل دبي مطار وناسة
وفي الرجعة بعد بجلس ساعتين ,,,,,, وهلفيه فندق بالمطار وكيف نظام التأجير فيه بالساعة ؟ او اليوم ؟


التعليقات (7)
البدراني
البدراني
اخوي
اذا انت على الدرجة السياحية ماراح يعطونك فندق او غيرة على ال7 ساعات
اذا انت درجة اولى او بزنس يعطونك سكن في المطار او تدخل الصالة حقت رجال الاعمال
لاكن نصيحة مني انك ماتطلع من المطار لان المشوار راح ياخذ منك اقل شي ساعة رايح وساعة جاي هذا اذا ماكان فيه زحمة
والقرار اللي انصحك فيه انك تدفع رسوم دخول صالة موجودة في المطار الظاهر انها غير صالة رجال الاعمال على ما اعتقد 70درهم او حولها وتسترخي فيها تاكل وتشرب وانترنت ويروح الوقت بسرعة
احسن من انك تطلع من المطار وتتاخر على الرحلة ويروح كل حلم السفرة

البدراني
البدراني
على فكرة من ناحية مطار ابو ظبي لايقارن بمطار دبي

Toty
Toty
انا عندي نفس الاستفسارات .. عندي انتظار 8 ساعات في ابو ظبي .. و اذا امكن تدلونا على اماكن قريبة من المطار تستاهل الزيارة و ما تضيّع علينا الرحلة

bo7meed
bo7meed
السلام عليكم,,
مطار بوظبي يبعد عن مركز المدينه 40 دقيقه,
أول ما توصل المطار تطلع من بوابة القادمين , يوجد على يمينك تاكسي شركة فاست, ياخذونك إلى أبوظبي ب 65درهم, المشوار من المطار لين المارينا مول داخل بوظبي (مثلاً) ياخذ40 دقيقه بالكثير, لاتنسى تاخذ رقم الشركه من السائق لأنك بتحتاج تكسي للعوده من المطار, تقدر تتمشى فالمول وتتغدى أو تتعشا, وإنت راجع تقدر تاخذ جوله عالكرنيش فالتكسي قبل لا تروح المطار,,
أو
فندق شاطئ الراحه: يبعد عن الطار 10 دقائق, فندف 5 نجوم, عندهم كافيهات ومطاعم, وشي مركز تسوق يديد مع الفندق (إفتتحوه هذا الإسبوع) , يعني تاخذلك ساعتين بين المول والتمشي فالفندق......
تحياتي,,

ابـن الرياض
ابـن الرياض
يعطيكم العافية انا رايح على درجة رجال الاعمال وقالوا مانعطيك فندق الا اذا كان الانتظار اكثر من 8 ساعات
شرايكم وانا ماودي ادخل الديرة ودي اجلس بالمطار لين رحلتي بس خايف اتعب من الارهاق

البدراني
البدراني
اخوي ابن الرياض
فيه مرة كان الانتظار 6 ساعات ومع طول اللسان عطونا سكن في فندق المطار
ياخي احنا ماخذين درجة رجال اعمال علشان نرتاح ودافعين ظعف تذكرة الدرجة السياحية وزيادة لازم يخدمونك بس يبيلك تصر عليهم شوي

ابـن الرياض
ابـن الرياض
حتى انا ماخذ درجة رجال الاعمال بس رفضوا يعطوني فندق
لكن عندي استفسار هل اقدر اني اجلس في صالة الانتظار بدون ما ادخل البلد واختم او لازم ادخل ابوظبي ؟ وبعدين ارجع لان مافية وقت الوقت اللي بوصل فيه الفجر مافية شي
وقالوا لنا الصالة اللي ب70 درهم هذي ببلاش تدخلونها بمجرد ابراز التذكرة انك من درجة رجال الاعمال


خصم يصل إلى 25%