البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
kinglove
25-08-2022 - 07:10 am
السلام عليكم ورحمة الله وبركاته ... وبعد :
اعزائي عندي كم استفسار ليتكم تفيدوني .. وتحملوني شوي .
أنا جديد عالبحرين وعليمي بالبحرين .. واحد من الشباب نصحني بزيارة
(( لاميزون دو كافيه )) وقال جوهم رايق .. وقال ترى فيه أكثر من فرع لهم
بس أنت رح للفرع اللي مصمم على شكل مبنى مستقل للكافي يقول جاي في زاوية
يعني مبنى بروحه كامل للكافي .
وش رايكم بهالمكان :
1- يستاهل الزيارة .
2- القائمة لديهم شو محتوياتها .
3- اسعاره وطريقة دخوله .
4- متى يفتح ومتى يغلق .
5- وين مكانه بالضبط . (( أخوكم مايدل عدل )).
حاجة ثانية وين ألقى حمام تركي أو حمام مغربي بس يكون (فايف ستار).
ولكم تحياتي وترا ناطر خدمتكم


التعليقات (8)
alhazem
alhazem
ونتي جاي من الجسر اول اشارة تلاقيك جمب خارطة البحرين خد يسار وتمشي شوي وتجيك اشارة ثانية طالع على يدك اليسار تشوفة كبالك مكان خاص ومستقل تحياتي

kinglove
kinglove
مشكور أخوي alhazem على سرعة الرد .. المكان وعرفنا طريقه
لكن باقي الاستفسارات اذا ماعليك كلافه أخوي .

بلادي البحرين
بلادي البحرين
عندهم بوفية افطار جيد

nazdakia
nazdakia
أتوقع إنك تقصد الفرع اللي بمنطقة السيف بجانب أجنحة السبف الفندقية
ماعندي فكرة عنه لأني ما دخلته لكن أعتقد فيه سهرات فنية بالليل

kinglove
kinglove
الف شكر لأخواني الحازم وبلادي البحرين ونازداكيا على مرورهم ومشاركتهم .. بس تبون الصراحة
حتى الآن ماستفدت الاستفادة الكاملة يعني الردود ما وصلتني لشي . اتمنى من جرب المكان يفيدنا.
وبالنسبة للاستفسار الثاني بخصوص الحمام التركي او الحمام المغربي محد عطاني اجابة عنه.
انتظر ردودكم .. والشكر مرة أخرى للاخوان المذكورة الاعضاء الذين ذكرت اسماءهم
انتظركم

أبو العصافير
أبو العصافير
وش رايكم بهالمكان : حلو جداً وأكله زين وعندهم بوفيه مفتوح يوم الخميس واكل البوفيه قمة بالروعه والسهرة مع العشاء يوم الخميس للشخص الواحد ب 200 ريال
1- يستاهل الزيارة : إذا تحب الهدوء والموسيقى الهادية روح للدور الثاني من المحل وإذا تبغى الموسيقى العاليه والفرقة الليليه روح للدور الرضي
2- القائمة لديهم شو محتوياتها : بصراحه مثل ماقلت لك باعلى الجواب وهو أن البوفيه المفتوح حق يوم الخميس روعه وكل شي فيه وبنفس الوقت لذيذ
3- اسعاره وطريقة دخوله : السهرة مع العشاء حوالي ال 200 ريال
طريقة الدخول : بالنسبة للاربعاء والخميس لازم حجز وهو انك تمرهم يوم الخميس العصر وتدفع لهم وتختار الطاولة وبشرط أنك حتى لو حجزت تكون عندهم قبل الساعة 10 المساء
4- متى يفتح ومتى يغلق : يفتح بالضبط مادري
بس يقفل الساعة 2 ليلاً

عادل عبدالعزيز
عادل عبدالعزيز
يعطيكم العافيه جميعاً
وانا بعد عندي استفسار عن لاميزون دو كافيه اللي في العدليه لأنهم يقولون ان الأماكن على شكل قوارب ....
ابي توصيف الفرع اللي في العدليه ......وصفولي المكان وانا على جاي من شارع الملك فيصل وداخل شارع الفاتح(يعني متجه جنوب)

عبدالعزيز
عبدالعزيز
اعتقد ان هذا هو الموضوع الثاني عن هذا المكان والاجابات واضحه للجميع
والرجاء من الاخوان عدم تكرار مثل هالموضوع
سيتم اغلاقة الان
دمتم بخير


خصم يصل إلى 25%