أبو مانع
06-05-2022 - 05:13 pm
السلام عليكم ورحمة الله وبركاته
عندي جماعه يتكونو من 7 أشخاص
3 كبار + 3 صغار + طفل واحد = 7 أشخاص
وباذن الله يبغو يروحو ماليزيا هالصيف في أول شهر يوليو ( 7 ) ميلادي
والمحطات اللي بيكونو فيها هي ( كوالا + جنتنج + بينانج )
نبغي تفيدونا بفنادق بسعر معقول لهالعائله في جميع هالمناطق
المده 12 - 14 يوم
==
وفالأخير حبيت أسأل اذا في حد جرب هالفنادق يفيدنا من حيث الموقع والنظافه والخدمه والعيوب
في كوالا : شقق Legend
في جنتنج : Awana Hotel
في بينانج : paradise_sandy_bay
==
واذا ماتستاهل فيدونا بفنادق أفضل منها ومواقع حلوه
اخوكم
أبو مانع
شقق ليجند تحتها سوق كبير مره و كويسه ماعليها بس موقعها بعيد عن شارع العرب والبرجين..
في جنتنج : Awana Hotel
الفندق هذا زين.. بس انه موقعها مهوب اعلى قمة جنتنغ (المنطقه اللي فيها الاسواق والملاهيات والمطاعم)
وعلشان توصل هالمنطقه لازم تستعمل تلفريك رايح جاي..
يعني جعتوا.. تبون عشوا.. ترقون تلفريك نص الليل.. ام صعبه شوي
في بينانج : paradise_sandy_bay
فندقي المفضل بماليزيا
مره حلو.. واسعاره مره زينه بالنسبه لبينانغ بس الناس صاده عنه علشان انه مايقع بالضبط على الشارع اللي بالسوق الليلي.. وهالمنطقه تنوصل بالتاكسي.. وبالباص (الباص له محطه قبال الساندي بي على طول والقيمه رينقيت ونص تقريبا)
ايضا ساندي بي اقرب لمركز المدينة والاسواق من الفنادق الاخرى المشهوره (وهذا يعتبر من ايجابيات بارادايس)
اقترح عليك بكوالا الشقق التاليه
برجايا تايم سكوير (بروكلين سويت)
شقق اسكوت
ذا زون (سويت ستاي)
ميكاسا
واقترح عليكم بجنتنغ فندق جنتنغ (جونيور سويت)
او غرفتين بينهم بباب بفندق فرست وورلد .. نوع الغرفه (ورلد كلوب او سوبيرور ديلوكس)
وفي بينانغ لاتتعدى البارادايس ساندي بي
واذا مره مره تبي السوق الليلي البي فيو بيتش (غرفه عائليه)
تحياتي لك
اختك مسافره مختبه