مكة المكرمة المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
noor-elshams
13-08-2022 - 05:58 pm
.. السلام عليكم ورحمة الله وبركاته ..
.. اخواتي واخواني ..
المرة اللي فاتت صورت لكم رحلتي الى شرماء https://artravelers.com/p/re/115676
. اليوم جبت لكم صور لرحلتي الى مكة المكرمة .
هالصور اخذتها في صيف و رمضان و عيد عام 1427 ه
بعد مارجعنا من صيفيتنا رحنا لمكة ونزلنا في فندق ( مكة سوفتيل )
وصور اخوي هالصورة ..
وثاني يوم كنا بالحرم ننتظر صلاة المغرب وكان الحرم زحام
ماشاءالله واخذت اختي جوالها وصورت هالصورة ..
ثم رجعنا والحمدلله بيتنا وراحت الايام وجا رمضان ورحنا الى مكة
كالعادة كل سنة نعتمر ونقضي بقية الشهر في مكة الى العيد .
وكل يوم بين المغرب والعشا جلستنا دايم في التوسعة لان الحرم زحام
ودايم ناخذ اي شي خفيف ناكله الين صلاة التراويح ونرجع البيت وهذا الله
يسلمكم فطورنا اللي تعودنا عليه بالحرم :
والفطور دايم يكون : جبن , لبنة , زيتون , دقة ...الخ (( يعني نواشف ))
ضحكوا علي يوم صورت الفطور بس قلت هين باصوره وبأرسله MMS وسويتها
يوم ختم القرآن كان الزحام شديد وبالقوة حصلت لي مكان بالمسعى
ويوم يتبدلون الأئمة لقيت فرصة وصورت التوسعة اللي نصلي فيها كل يوم
.. ماشاءالله تبارك الله اللهم زد وبارك ..
.. واجعل هذا البيت شامخا الى يوم الدين ..
فاصل و نواصل
في هالشهر وفي يوم وانا اتصفح الجريدة لقيت هالإعلانين مت ضحك
عليهم اثنينهم لشركة الاتصالات وموبايلي بس ماخليتها بخاطري وصورتهم
عدنا
في يوم جلسوا خواتي وبنات خوالي لبعد الفجر وهالوقت يتكاثر الحمام
بشكل كبير في ساحات الحرم صوروا هالصورة واخذتها من قريبتنا لعيونكم
طبعا بتلاحظون اللي نايم واللي قاعد واللي يمشي وهالشي طبيعي في مكة .
وخلص رمضان وجا العيد وهاليوم كلنا ننزل نصلي العيد في الحرم
كبيرنا ويا صغيرنا وبصراحة احساس غريب لايمكن وصفه الا للي جربه
في كل مكان تسمع التكبير وكل الناس تبتسم وتهادي بعضها وتسلم
بصراحة اللي ماجرب صلاة العيد في الحرم ماعتقد انه يحس بفرحة العيد .
حملوا الفيديو هذا وحنا نحاول دخول الحرم وكان زحام هنا http://www.dalooo3a.com/travel/makkah/enter.3gp
وهذي الصور شوفوها للأسف كلها من مكان واحد بس مشوها لي
وكلها خذيتها بكاميرا الجوال طبعا ومع كذا بغوا يذبحوني الحريم
ووحده الله يستر عليها شوي وتضربني تقول تصورينا .. الله يسامحها ..
وهذا فيديو صورته لكم شوفوه واسمعواه اذا تحبوا : هنا http://www.dalooo3a.com/travel/makkah/3eed.3gp
وهالصورة اخذتها اخر شي قبل لايقول الامام (( صلاة العيد اثابكم الله ))
وصلينا وسلمنا على بعضنا وتهادينا بيننا وقشينا عفشنا وطلعنا ننتظر
السيارة لين جابها اخوي واستغليت الفرصة وصورت الحرم وساحاته
وهذا ملفين فيديو صورتهم لكم الاول عادي هنا http://www.dalooo3a.com/travel/makkah/after.3gp
والثاني بلون بني عاجبني هنا http://www.dalooo3a.com/travel/makkah/afterb.mp4
طبعا للي مازار مكة الواجهة اللي تشوفونها من الحرم هذا .. المسعى ..
وبس ورجعنا والحمدلله بيتنا و نقول الله يبلغنا رمضان واياكم
وان يكتب لنا زيارة هالأرض الطاهره هالعام وكل عام
وان يتقبل منا ومنكم صالح الاعمال
.. تقبلوا مني اعطر واعذب تحية ..
.. والى لقاء مع تقرير جديد باذن الله ..
.. نوور الشمس ..


التعليقات (7)
ابوحمد
ابوحمد
صور جميله
جزاك الله خير

still
still
تقرير روعة
والله يتقبل منكم صيامكم وقيامكم
وبصراحة فطوركم على رغم بساطته الا انه مشهي
ويكفي انه عند الحرم
وحبيت اسألك عن الفندق..هل غرفة واسعة ومريح؟
وياليت تحطيلنا صور للفندق

noor-elshams
noor-elshams
.. ابو احمد ..
حياك الله اخوي
حضوركم اسعدني كثير
وان شاءالله التقرير يكون
اعجبكم والله يرزقكم زيارة
هالارض الطاهرة وايانا
شكرا لك
.. نور الشمس ..

salaam4
salaam4
الله يجزاك خير .........صور روعة وتصوير أروع .....ماقصرت

noor-elshams
noor-elshams
.. طيوبة ..
حياك الله اختي
تسلمين هذا من ذوقك وطيبك والحمدلله ان التقرير اعجبك
بالنسبة لسؤالك : اول شي هذا رقم الفندق : 5777777/02
وهذي صورة لغرفة الفندق حصلتها في موقع ولكن للأسف ماعندي صور للفندق

واحنا كنا ساكنين في جناح كبير ماشاءالله فيه 3 غرف نوم ودورتين مياه ومطبخ وجناح خادمة
واخذناه بسعر خيالي بس لانهم توهقوا حجزنا 3 غرف وصارت لخبطة اعطونا الجناح بسعر 1350 اعتقد
ولكن سعره الاصلي ب ال 2600 في الصيف وبرمضان اضربي السعر ب 4 اضعاف بس مانزلنا فيه .
موقعه امام باب العمره وقريب جدا من الحرم وتحته مجمع تجاري ومطاعم وكافة الخدمات .
وسعر الغرف تقريبا ب 400 في الليلة .
اتمنى اكون افدتك اختي وان شاءالله عمرتك مقبولة ولاتنسينا من دعواتك .
شكرا لك
.. نور الشمس ..

mjmj20
mjmj20
ياسلام تقرير رائع
والف شكر

الذهب معدنى
الذهب معدنى
عمرة مقبوله وعقبال العودة
جزاك الله خير اختى نور الشمس على الصور
والله بتمنى زيارة البيت الحرام
وكتير اتمنيت انى اكون من اهل السعودية عشان يكون سهل عليا زيارة الاماكن المقدسة
بس لسه ما اتكتبتلى
عمرة مقبوله اختى وعقبال المشتاقين


خصم يصل إلى 25%