وعليكم السلام ..
بالنسبة للغة تكاليف اوليه 8-10 الاف ريال تقريبا ثم يليها 1300 شهريا تقريبا ..ذلك للمعهد ..
اما مصاريفك على حسب مد ايدك على قولتهم ..
يعني قول 3الاف ريال شهريا ما بين دراسة ومصاريف وسكن ...
اما عن الدراسة على حسب تخصصك انت ويت تبغى تتخص واي جامعة تبحث عنها .. انصحك بالتالي ...
اسأل عن الجامعات المعترف بها من قبل وزراة التعلم العالي ثم اسردها لي هنا وانا اخبرك ان شاء الله بالافضل واي تفاصيل اخرى قول يارب وانا اقول الله يعين ويساعد ... دمت بود..

هلابك اخوي
مشكور علي ردك
يالغالي
ابغاء تكليف السنه لتعلم اللغه اجمالاً
يعني كم المبلغ اجمالاً
والجامعات لاحقين عليها

وافضل معهد للدراسه
ااهم شي مايكون في العاصمه ( العرب نبي نبعد عنهم )

أخي العزيز c a n d l e
أنا حابة أسأل عن دراسة الطب البشري في ماليزيا, أفضل الجامعات المعترف بها, مواعيد التسجيل, طريقة التسجيل و تكاليفها, لغة الدراسة!!
طبعآ على الحساب الخاص, معدل ثانوية عالي و IELTS بمعدل ممتاز.
شاكرة لك مقدمآ.
تحياتي...

السلام عليكم . ان شاء الله راح نكون سعداء بك اخينا الغالي , اما بالنسبة لتكاليف الدراسة يا اخي تعتمد من منطقة الى منطقة ومن معهد ال اخر . اما من ناحية العرب موجودين في كل مكان وافضل معهد لدراسة اللغة في ماليزيا هو Els صراحة مايضرك وجود العرب نهائيا لانه برضة فيه طلبة كثير من الصين وكوريا واليابان وافضل فرع وهو الفرع الريئسي الي في منطقة اسمها Pj انا درست فيه وخلصة اللغة في 10 شهور والحمد لله (قول ماشاء الله اولا) والان ادرست في كلية. من ناحية الاسعار Els 1350 Rm في الشهر والمصروف يعتمد عليك بس حوالي 1500 - 2000 مع السكن . والله يوفقك

Lajo
اهلا وسهلا .. لا انصحك بدراسة الطب في ماليزا نظرا لحداثة الدراسه الطبيه لديهم فهي ذات مستويات متدنيه حسب مايشاع حيث ان هناك معاهد جديدة متخصصة في الطب حديثا ولكن تكلفتها باهظة الثمن اي تفاصيل اخرى ؟

اخوي ابو سامح انا عندي فكرة دراسة اللغة الانجليزية في ماليزيا لمدة سنة فأريد منك تفاصيل عن معهد ls (طريقة الدراسة والكورسات وقت الدراسة موقع المعهد ايجابيات وسلبيات اي تفاصيل اخرى)
شاكر ومقدر لك

^
^^
نفس الغالي اريد اجابات وافيه
وفوق هذا نبي مكتب في السعوديه يتكفل بالتسجيل وامورها
ابومسامح وش المعهد اللي تدرست فيه هل هو اللي ذكرته
c a n d l e و ابومسامح
كم تلفه الدراسه التقريبيه بالريال السعودي لاني اريد صوره توضيحيه اكثر
وعمله ماليزيا كم الفرق بينها وبين الريال

السلام عليكم . هلا با اخي مسافر كشفي طريقة الدراسة في ELS طبعا يسون لك امتحان تحديد المستوى . في هذا المعهد توجد تسعة مستويات كل مستوى مدته شهر وفيه ايضا مستوى يسموه ستارتر هذا اذا كان ماعندك اي شي في اللغة او ان الكتابة عندك قليل ضعيفة ومدته شهر واكثر العرب يمروا بهذا المستوى. الدراسة تبدا كل شهر بس مو يعني انه شرط في بداية الشهر طبعا لا. الدوام يوميا ماعدا يوم السبت ولاحد من الساعة 8:30 الى 3:30 مع ساعة غداء . المعهد يقع في اكثر المدن الماليزية لكن الفرع الممتاز والرئسي يقع في العاصمة طبعا في منطقة تسمى (PJ) ويوجد مدرسون اجانب من امريكا وبريطانيا واستراليا وستكلندا.ايجابيات المعهد من وجهة نظري الشخصية هي :قوة الكتابة والتركيز عليها بس مويعني اهمال الاشياء الثانية , بعد المستوى السادس تقدر تخش اكثر الجامعات الماليزية المعهد الوحيد الي تقبل شهادته داخل ماليزيا ومعترف .واما سلبيات المعهد فهي: الشهر الاول وربما الثاني يكثر فيه العرب لانه الصينين والكوريين واليابانين عندما ياتوا ويعملوا امتحان تقدير المستوى يعطوهم مستويات عالية لانه تكون عندهم لغة من قبل وصراحة مرة ممتازين في الكتابة. هذا المعلومات التي استطعت ان اوصل اليها. اما الااخ star top نعم المعهد الذي درست فيه هو نفسه ELS. اما من ناحية الصرف فهي: 100 سعودي = 90 رنجت ماليزي. حسب ماذكرت سابقا الدراسة في ELS هي 1350 ماليزي في الشهر. انصحك اخي بعدم التسجيل عن طريق مكتب في السعودية لانه ياخذون كثير (انا ما عندي اي مكتب علشان ما احد يفسر خطاء يقول ربما يعمل تسويق)ههه واتمنى اني قد وفقت في ذالك واي خدمة ابشروا ولو نصف الليل اخوكم حضرمي يخدمكم على عينه وراسه ههه