السلام عليكم
اخويbmwad انا نفس موضوعك وقاعد اتابع المواضيع في المنتدي عن السفر بالبر وعلي العموم انا صارلي فتره ادرس الخرايط وااضبط الخطط ولقيت طريق مادري اذا احد جربه بس يختصر وقت ومسافه وهو اني اطلع من الكويت للسعوديه لمصر ومن مصر اشحن سيارتي عن طريق ميناء الاسكندريه او بورسعيد الي اليونان او ايطاليا ومن ايطاليا الي اسبانيا فا فرنسا فا السويسره فا النمسا فا ايطاليا ورجوع الي مصر السعوديه الكويت وانا قاعد اراسل شركات الشحن المصري بس للحين ما ردولي خبر

اخوي ضيفني بكلمك ظروري
يمنع وضع الايميل بالمشاركات

صراحه الرحله البريه وايد حلوة .....احنا سرنا مرتين لتركيا بالسيارة ...
طبعا كانت رحلتنا عائليه .....والحمدلله الله يسرها ...من الامارات للسعوديه للاردن مرورا بسوريا الى لبنان
ثم تركيا وكنا بندخل رومانيا بس ماكنا مسوين فيز والفيز بتاخذ وقت.....فرجعنا ....وبعد في نفس الرحله
رحنا مصر بالعبارة من الاردن...بس ماانصح ابد ابد بالعبارة!!!! بهدله
المهم بعدين اعتمرنا وردينا البلاد بالسلامه.....
والسنه كنا ناوين نكمل لاوربا ....بس الظاهر بنروح بالطيارة ...وبناخذ سيارة هناك للحواطه .....
والله يوفقكم وييسر اموركم ....
بالنسبه للخرائط ...الافضل الخرائط الكبيرة للدول اللي توضح التفاصيل عشان تابعون الدرب من مدينه
للثانيه مبدئيا دور بالمكتبات .....ولو انا دورنا السنه ولا لقينا خريطه تسر....لا بجرير ولا بغيرها!!!
وغالبا نادي السيارات بيعطونكم خرائط ....ممكن تساعدكم..

1. بسم الله الرحمن الرحين


2. ونا انصحكم اول بانكم تستخدمون الماجلان Gprs هذى يسهل عليكم الرحله

بسم الله الرحمن الرحين

اخوانى انا سافرت الى اوروبا عن طريق البر ولكن قديمه شوي في سنه 2000 انا وثنين من اصدقائي على سياره فورد سبورت بدت الرحله بيوم وليله كيف كنا جالسين وين تبونا نروح وكل واحد يعطى دوله علي كيفه وقلت انا شرايكم نسافر لوربا عن طريق السياره وتبسمو وقالو فكره ( على فكره لانجيد اللغه الانجليزيه كلنا ) وبدينا نخطط لها اول شي بحثنا عن الخرائط لنعرف الى وين بنوصل وكم دوله بنمر فيها وكم فيزا محتاجين لها المهم اشترنا السياره وعملنا لها السيرفس وسوينا الفيز وشدينا الرحال من الكويت الى سوريا وجلسنا في سوريا يوم وبعدها على تركيا الى اسطنبول طبعن نمنا فى منطقه قبل استنبول لانها كبيره تركيا وعلى فكره اول مادخلنا لتركيا استمعنا على الراديو وكان وفات حافظ الاسد المهم من الحدود الى استنبول يمكن اقول 1200 كيلووبعد تركيا توجهنا الى بلغاريا مرور وكن الطريق شوي صعب لانه جبلى وبعد مرورنا وصلنا الى رومانيا وتوجهنا الى براشوف وجلسنا فيها وبعدها الى هنقاريا وللعلم من هنقاريا الطرق تصير هاى وي وكبيره ومن بعدها الى سلوفاكيا والى النمسا والمانيا وفرنسا وبعدها شحنا السياره وعدنا الى الكويت والرحله استغرقت 60 يوم تقريبا والحمدالله كانت سهله وماكنا متقعين سهولتها الى هذه الدرجه طبعن كنا متخوفين شوي لانها شغله غريبه

ونا انصحكم اول بانكم تستخدمون الماجلان Gprs هذى يسهل عليكم الرحله

وبعدين عند دخول تركيا او بلغاريا لازم تشترون قرين كارت للطرق السريعه ( للعلم انا ماعرفته الا لمن جيت الكويت ) وبعدين من اول ماتدخل تركيا اخذ من السوبر ماركت الخريطه لتركيا واوروبا وكل دوله تدخلها على طول اشتر الخريطه لبلدهم
واى استفسار انا حاضر

والله انا رحت اوربا بالسيارة وبالقطار وتاجير السيارة احسن شي انك تاجر سيارة وتستانس وتاخذها ديزل تيربو رخيصة والديزل يطول والقطار هم زين

تسلمون والله على النصيحه بس انا بصراحه رايح عشان استانس والله
وما قصرتو والله
اخوي الغالي كنكون ممكن تضيفني في اسرع وقت
يمنع وضع الأيميل بالمشاركات

مرحبا
لا الماجلان GPRS ولا شحن من مصر والخرابيط هذي ,
انا رحت 4 مرات واخر مرة الصيف اللي فات 2006 ,
لاحد يطلع افكار من كيفه , الطريق سهل وبسيط جدآ فوق ما تصورون ,
والخرائط من كل سفارة توزع ببلاش خرائط الطرق road map وبكل جمارك تدخلها تلقى خريطة للدولة اللي انت بتدخلها ,
الطريق الرئيسي هو ::
من الكويت الى السعودية الى الاردن الى سوريا الى تركيا الى بلغاريا الى رومانيا الى هنغاريا (المجر ) الى النمسا الى سويسرا الى فرنسا الى لندن وبس ( الشحن دبل في اسبانيا والمغرب )
وهذا الطريق الرئيسي تقدر تضيف من عندك سلوفاكيا والتشيك وبولندا ووايطاليا وهولندا اذا حبيت ,
والاوراق الرسمية اللي لازم تكون موجودة معاك بالسفر هي ::
1- تربتيك اللي لونه برتغالي ( لان اوراق السيارة بالعربي ولازم معاك شي يثبت بالانجليزي )
2-رخص قيادة دولية من نادي السيارات (120 ريال تقريبا للرخصة الواحدة )
3-ارقام بالاعداد الانجليزية ( للسعوديين فقط ) وهذه تقدر تفصلها عند خطاط عادي قبل تدخل تركيا تركبها
4- تأمين للمركبة بالدول الاوروبية ( green card ) جرين كرت , تطلعه من تركيا عند الجمارك التركية البلغارية أسأل عنه ,
5- فيزا صالحة للدولة اللي بتدخلها , ( لازم تذكر للسفارة انك مسافر على سيارة قبل تقدم طلب الفيزا)
6- لا حد يطلع قوانين من كيفه ويقول شحن والاسكندرية ومترجم وماني عارف ايش اللي جرب يتكلم لاحد يوهق اخوانه المسافرين ,
وانا حاضر لكل استفساراتكم يا أخوان ,

سلام عليكم لو سمحت حدد لي سفرك في أي مدينة في فرنسا وأنا بإذن الله بفيدك ؟؟؟؟؟؟؟؟؟؟؟

يا جماعه هذا VIP كويتي ذهب ياخي .. بس كفايه المعلومات اللي عطيتني اياها ..
بقولك شي اخوي ...... انا راح اخبرك اي المناطق الي راح اروحلها وقولي كم فيزا يبالي بس
وراح اقولك رحلتي كيف راح تكون وقولي شو رايك ؟؟؟
الامارات الى السعوديه الاردن سوريا تركيا بلغاريا رومانيا هنغاريا (المجر) سلوفاكيا بولاندا والتشيك استريا (فينا) وسويسرا وفرنسا بلجيكا هولندا المانيا ....
شو رايك بصراحه انا اول مره اسافر ... وناوي ازور كل المناطق وعندي اجازه رسميه شهر ونص 45 يوم .. اخوي ممكن تظيفني في المسنجر ضروري ************************* يمنع وضع الايميل بالمشاركات حاب اعرف كيف اشحن السياره وليش ارخص من لندن ؟؟ عطني سبب اخوي فهمني اللي تقدر تفهمني اياه انا بصراحه اول مره اروح اصلا اوروبا