صدقني حقت الرياض واشطن المباشره هي اريح شي انا قد طلعت عليها
وبالعكس الي توقف بارووبا هي الي تتعب وانتظار هناك وتغيير طياره وقلق

أعتقد أخي الكريم أن الرحلة المباشرة أسهل لكم .

اذا ماتبي الخطوط عندك خيارات غير محدودة منها انك تطلع للندن عبر السعودية وتبدل من هيثرو على البرتش او اليونايتد او اميريكان ايرلاينز...كذلك عندك الشركات الخليجية والاردنية والمصرية....يعني عندك اكثر من خيار لكن انت اهتم بالشركة الي تكون خدمات الترفيه فيها ممتازة لان بعض الشركات مافيها الترفيه المرئي خير شر وهذي الخدمة الحين مهمة لان انت تبي تجلس 14 ساعة وتبي تمل.

اذا انا مكانك ولا اقدر على الفرنسية أو اللوفتهانزا من الرياض فراح ادقها مشي من الدمام الى ولاية كاليفورنيا لان هذولي الخطوطين هم الوحيدين الي يستاهلون يصيرون خطوط طيران فقط لا غير انتهى ولا مجال لاي خطوط ثانية

اخوي وش لك بعوار الراس اطلع على السعودية وقك حالك

إذا تبغون الواقع
الخطوط السعودية بالرغم من أنها من وطني العزيز
لكن الواقع المر على قلبي
هو انها لا تصلح للسفر خصوصا للرحلات الدولية
وانا والله مستعجل اني تشوف الشركتين الجديد داخل السعودية يزيدون يصيرون 1000 خطوط وفوق ويغطون السعودية قرية قرية و هجرة هجرة عشان أضيفها للبلاك لست للرحلات الداخلية زي ما سويت واضفتها في البلاك لست للرحلات الدولية

الخطوط الاوروبيه فيها ميزه لا تتوفر في السعوديه وهي
أنك توصل على نفس المدينة اللي تبيها
اما السعوديه فقط نيويورك و واشنطن
انا عن نفسي احب الخطوط الالمانيه اللوفتهانزا
جده - فرانكفورت - هيوستن > على الشقه على طول

اخوي العزيز
عن تجربة فالرحلات المباشرة هي اهون الشرين. خصوصا مع تغيير الطائرات وما يشمله من انتظار في المطارات.
اول سفر لي كان على البريطانية عن طريق البحرين وكانت متعبة للغاية
السفر الثاني على اللوفتهانزا مع يوم راحة في فرانكفورت وكانت مريحة لكن مكلفة (فيزة الشينجن + اقامة يوم )
السفر الإخيرعلى الإماراتية وكانت ممتعة لحداثة ورحابة طائراتها وكانت مريحة نوعا ما ومدتها 18 ساعة (ساعتين من الرياض الى دبي وساعتين انتظار في دبي و 14 ساعه من دبي الى نيويورك)