ودي اتأكد من كل الاوراق المطلوب احضارها للمقابله في السفاره الامريكيه
طيب ما بينت وش نوع الفيزا !! لكن اعتقد من سياق كلامك انها سياحية ..
1- نموذج 157 (معبئ عن طريق النت) ... وش الحل اذا مثلا رقم الجواز كتب بالخطأ ولا يمكن التعديل ..؟؟)
النموذج DS157 اصلاَ ما يطلب كتابة رقم الجواز ... لكن عموما اذا أخطأت في اي نموذج وحبيت تعدل عادي ترا الموضوع بسيط عبي نموذج جديد وانسا الي قبله ... ( عدلت انا اكثر من مرة ) .
2- نموذج 156 ( .. هل يجب ان يكون مكتوب بالكمبيوتر او باليد او لا مانع بالاثنين ..؟؟)
هو الأصل في كل النماذج تعبئتها الكترونيا ... لكن اذا كتبت اشياء بسيطة يدويا ومن مشاهدتي في السفارة ما راح يدققون كثير بشرط يكون خط واضح ومفهوم ... واذا تبي نصيحتي عبها كلها الكتروني وريح بالك .
3- الجواز الاصلي ( هل يجب احضار الجوازات القديمه ...؟؟)
نعم ... احضارها يساعدك كثير ويفيدك .. طبعا في حال توفرها .. ( مع ان المرة الأخيرة ما اخذوه مني ! )
4- صور شخصيه (ما ادري كم وحده .؟؟)
صورة وحدة مقاس 5*5 خلفية بيضاء وجهك مقابل الكاميرا بدون شماغ ..
5- ورقه موعد المقابله
اطبعها من الموقع عن طريق الدخول ياليوزر حقك ..
6- ايصال التسديد
بقيمة 380 ريال من احد فروع سامبا او عن طريق سامبا كونيكت في الانترنت ..
7- كشف حساب بنكي لاخر ستة شهور
آخر مرة ما خذوه مني لكن جبه معك للإحتياط .
8- ورقه تعريف من العمل
تشمل مسماك الوظيفي وراتبك وسنوات خدمتك ..
9- مبلغ كاش للفيزا (ما ادري كم ؟؟)
مبلغ الفيزا داخل السفارة 27 ريال لكن انت للإحتياط جب معك كاش لا يقل عن 500 ريال لأنهم احيانا يطلبون بصمات من الشخص ...
10- تاكيد حجز الفندق
11- تذكره الطيران
اذا انت حاجز تقدمه ... لكن اذا ماكنت حاجز عادي ... انا في الابلكيشن DS 157 وفي السؤال حق التخطيط للرحلة كتبت اني ما خططت وراح اسوي حجوزاتي على النت بعد الحصول على الفيزا والحمد لله طلعت الفيزا .
12- خطاب دعوه لزيارة امريكا
بصراحه انا ما اعرف وش نوع الفيزا الي انت مقدم عليها لكن ان كانت سياحية ما يحتاج هالخطاب .
13- ماذا عن التأمين ....!؟؟
السفارة الأمريكية لا تطلب تأمين لإصدار الفيزا ... لكن انا شخصيا ما قد سافرت لأمريكا إلا بتأمين من التعاونية ...
هل هناك اوراق اخرى او متطلبات ثانيه احتاج اخذها معي للمقابله او نصائح .
تأكد ان كل بياناتك واوراقك باللغة الانجليزية ... وتأكد ان جواز سفرك صالح لمدة ست شهور على الأقل من تاريخ وصولك لأمريكا ..

عزيزي 156 لازم لازم يكون بالكمبيوتر ............ لأنه في النهاية بيسويلك باركود بكل معلوماتك زي الي في السوبرماركتات عشان يخزنو المعلومات ببساطة
فمجرد كتابتك شي بدون الكمبيوتر لن يظهر في الباركود و بالتالي يصبح هناك اخطاء
الخلاصة 156 بالكمبيوتر و الله اعلم
لا تطوي الورق أبدا

الله يعطيكم العافيه ... كفو والله ...
الفيزا .. سياحيه ... وانا عكست نموذج 157 و156 بالموضوع ...
طيب ... لو كان هناك مثلا خطأ في ادخال رقم الجواز في نموذج 156 ..و لا تستطيع تعديله لان خانة رقم الجواز لا تعدل ... هل احد مر بنفس التجربه .. وهل واجه صعوبه او مشكله ...
ربي يخليكم ..

أخوي/
Vacation
أقترح إنك تبدى تعبي من جديد لأن رقم الجواز مهم مرة والاحتياط واجب
وأظن إن بياناتك راح تكون مخزنة على الجهاز حقك أصلاُ فمثلاً أنا لما غلطت بالاسبلنق
عدلته وباقي الخانات كنت أضغط زر (تحت) وتطلعلي بياناتي
وذا رابط الابلكيشن/
https://evisaforms.state.gov/ds156.asp
وتمنياتي لك بسفرة سعيدة
أخوك/
P.R.O.LATOOOFY

Vacation
اخوي ترا الأمر بسيط جدا .... انا ابقولك عن تجربة ... عبيت اكثر من عشر استمارات !!! وكل خطأ يصير ارميه واعبي استمارة جديدة بالكامل بباركود جديد ... ويوم عبيته بالشكل الصحيح قدمته ... وعلى فكرة طلعتلي الفيزا قبل عشرة ايام سياحيه لمدة سنتين متعددة الدخول ...
بس اهم شئ اذا حبيت تغير الإستمارة غيرها كلها مو صفحة وحده عشان ما يصير اختلاف في الباركود نمبر .
موفق ان شالله ..

والله تبغوا الصراحة انا رحت لمكتب بعماير الصالحية الي بطريق الملك فهد وخلصوا لي كل شي الله يجزاهم خير يعني ولا شي نقصني واذا حاب تستفسر اتصل عليهم او كلمهم هم بالدور السابع ابراج الادارة مكتب 372 .

يا جماعة الفزعه أنا محتاج حجز فندق . موعدي هالشهر 27 ولا ينقصني سوى حجز الفندق فقط و الرسوم اللي في سامبا . وهل سامبا تشترط وجود حساب لديهم .
عذراً
تمنع سيسة المنتدى وضع الايميلات الخاصة في الردوود
مع تحيات مشرف البوابة الامريكية
عذراً للموقع أمل تقدير ظرفي من ناحية الوقت علماً اني من خارج الرياض .

freemanskyler
عزيزي ..
ما يحتاج حجز فندق !!
الاجراءات تختلف عن الفيزا الاوروبية !!
بالتوفيق