يبدو لي ان المُنتدى يخلو ممن لديه خبره في هذا المعهد
على العموم ، سالت وقيل لي انهُ من افضل المعاهد الموجودة في بريطانيا، لذلك تم التسجيل في "كورس" السابع من مايو القادم
ولكن ما اتمناه وآامله ان يخلو من العرب حتى نستفيد اكبر استفادة من الدراسة هُناك
اسال الله التوفيق لي ولجميع المسلمين
انا قطري

الله يوفقك اخوي ان شاء الله في دراستك
وعلى فكره ترا المعهد على حسب واحد من اقاربي درس فيه يقول ان العرب فيه كثير في الصيف
لكن انت ماعليك شد الهمه ان شاء الله وحاول تستفيد باكبر قدر ممكن عن طريق الممارسه
بالتوفيق لك،،،

السلام عليكم
اختيار موفق جدا و معهد مميز جدا
بس عيبه الغلاء
بالتوفيق اخي

تستاهل هذي
بصراحه أشجع اللي يحب الدراسه
وأحترمه
ثاني شيء حاول تبعد عن العرب قدر الاستطاعه
وبصراحه 6 أشهر ممتازه جدا
ثالث شيء أنصحك أنك تجرب الكورس والمنطقه لمدة شهر او شهرين
وبعدين من وجهة نظري لو تغير المكان والمعهد يكون أحسن بعد الشهرين
شخصيا أنا درست في معهد أسمه beet school بصراحه خوش شيء وبعز الصيف كنت انا واثنين من العرب بالمعهد

Dream Liner7E7ُ
هلا والله ويوفقك ان شالله بالمثل
امم ، المشكلة ان القرار نهائي وانا رايح عن طريق جهة العمل اللي يتعاملون مع هذا المعهد
وان شالله بحاول قدر الامكان الابتعاد عن العرب عشان احقق اكبر استفادة ممكنة
اشكرك جزيل الشكر

king of rome
وعليك السلام اخوي كينغ
اشكرك ومافي مشكلة بالنسبة للغلاء لاني رايح عن طريق جهة العمل
والحمدلله كل شي عليهم
كل الشكر والتقدير

abdullah-q8
هلا والله اخوي عبدالله ، واشكرك على التشجيع وان شالله راح ابعد عنهم قدر الاستطاعة وبالنسبة للتغيير للاسف غير وارد لاني رايح عن طريق جهة العمل اللي يتعاملون مع هذا المعهد فقط ..!
وبالنسبة للمكان شكلي راح اغير ، لاني شكلي بادرس اول شهر في لندن بعدين راح اروح كمبريدج لاني سكن العائلات فُل وانا ابي اسكن مع عائلة وان شالله راح احاول قدر الامكان اني استفيد
كل الشكر والتقدير

أخوي أنا قطري
حياك الله
الله يوفقك في دراستك ويسعدك
وإختيارك للمعهد جيد بس إختيارك للمدينة غير جيد
وذلك لأن المدينة يكثر فيها العرب وأيضاً أنها مدينة غالية. بس بما أنك عن طريق الدولة فلا بأس.
لكن وجود العرب يعتبر مشلكة عزيزي
إذا أمكن تغيير المدينة فهو أفضل لك.
تحياتي

smartman777
اشكرك اخوي سمارت مان
اها ، شنسوي يا اخوك العرب في كل "داعوس تحصلهم" ومافي مفر منهم
الطريقة الوحيدة محاولة الابتعاد عنهم والدراسة ون تو ون ومحاولة الاستمرار مع المدرس اكبر قدر من الممكن من الوقت عن طريق دعوته الى عشاء سينما وغيره
هذي عن طريق تجربة شخصية لصديق العام الماضي كان قد اخذ كورس انجليش في لندن
ان شالله ما راح يكون فيه مشكلة وانا الحمدلله اساس اللغة موجود وسبق ودرست 5 شهور في امريكا وهذا راح يكون لي ادفاتج
اشكرك شكر جزيل
انا قطري