بالنسبة للتذاكر راح تكون أقل من 2496 ريال(205 دينار)
لان هذا السعر (الرياض-الكويت-كوالا)والعكس

الاخ 123kdd
انا حجزت لماليزيا على الكويتيه شهر 6 و خط سير الرحلة (كويت - بانكوك -كوالا لمبور )
والعودة (كوالالمبور - كويت )
بس بانكوك ما تنزل من الطيارة وسعر التذكرة 252 للكبار و الاطفال 230 بس مو متأكدة من سعر تذكرة الاطفال
افضل الفنادق ماريوت و ريجينت لان بشارع العرب بوسط الاسواق
وعندك فندق برجايا تايمز سكوير شقق فندق ويوجد بالفندق مجمع تجاري ضخم ومدينة ملاهي
وافضل الاماكن اللتي يفضل زيارتها
ماينز وندر لاند مدينه الملاهي الليلة
صن واي لاغون مدينة مائية(مثل الاكوا بارك ) بس احلى منها مليون مرة
جنتج مدينة ملاهي عجبية كل سنة اروح لها حتى اخواني الصغار ما يبون يطلعون منها والجو بادر يفضل انك تنام بفندق فيرست وولد
افضل اماكن التسوق
هذي الاسواق بشارع العرب
سنج وانج بلازا
لوت تن
بي بي بلازا
عندك ال klcc البتروناس البرجين فية سوق ضخم
ميد فالي ميغا مول
صن واي بيراميد
ماينز وندر لاند سوق بوسطة نهر
تايمز سكوير
سوغو
بالنسبة ل 12 يوم ما ادري اعتقد هذي على حسب الشخص اذا يحب يطول بالسفر ولا لأ
انا بقعد شهر انشالله

السلام عليكم. اذا بغيت اتسافر على الكويتية دق على 171 واسالهم .

الخطوط الماليزية كل سنة بالصيف تشغل خط من الكويت الي كولالمبور واحيالنا عن طريق دبي

1. 123kdd


2. السلام عليكم

123kdd

السلام عليكم

اخوي تبي نصيحة اخويه لا تروح عبر الخطوط الجوية الكويتيه انا انصحك انك تروح عبر الخطوط الاماراتية صج انها ترانزيت بس احسلك من كل النواحي بالنسبة لسعرها مايقارب 175 دينار اذا ما خاب ظني للكبار وفي شي مهم تري المده حيل قليله انصحك تزيدهم شوي خلهم علي الاقل 15 ليله .
بالنسبة للفنادق بكوالالمبور انصحك بفندق الريجنت بشارع العرب ومقابل مجمع بي بي بلازا .
بالنسبة لنكاوي انصحك بفندق برجايا اولا قريب علي التلفريك وفندق نظيف حيل واكواخه ممتازه
بالنسبة لي بينانق انا سكنت في فندق برادايس وهو بعيد عن سوق الليل بس بصراحه يصلح حق الاطفال وفيه العاب علي الشاطئ .
بالنسبة لمنطقة كوالالمبور سلانجور عندك فندقين الخيول الذهبيه وصن واي لاقون وهذا انصحك فيه لسبب واحد فيه مدينة العاب مائية للأطفال وتصلح حقك
وبالنسبة لكوالالمبور العاصمة انصحك بشده انك تاخذ فندق التايمز سكوير وهذا اعتبرها نصيحة اخويه لازم تسكن بهالفندق يصلح حق العوائل لانه فيه مجمع تجاري كبير وضخم يتكون من ست طوابق محلات تجاريه ومطاعم والعاب حق الاطفال .
بالنسبة للتسوق اغلب مناطق ماليزا في اسواق الليل انصحك فيها
وثانيا بكوالالمبور فيها مجمعات تجارية ضخمه ومن ضمنها مجمع سوريا بجنب البرجين
منطقة سلانجور سوق صن واي براميد
بينانق عندهم مجمع جديد وضخم والله ناسي اسمه بس انا كاتبه بتقرير رحلتي يمكن اسمه الثاني بلازا
واي شي تبيه انا حاضر واذا مالقيت رد مني الاخوان الاعضاء ما راح يقصرون معاك
وراح لك هالرابط في تقرير رحلتي من البداية حتي النهاية ويمكن تستفيد منه .
https://artravelers.com/p/re/80785
اخوك :- عبدالله الكويتي
bigbin609

بالنسبة للكويتيه انا ما انصح بالسفر عليها الطيران حيل قديم اقصد الطائرات ..... افضلك الاماراتية ة السعر توني سائله عنه 279 دينار كويتي روحه رجعه و نفس السعر لطيران الاتحاد ارخص طيران سنع هو القطرية حصلت حجز ب 230 دينار و بعد بتلاقي ب 185 و ب216 حسب اليوم و الاماكن بس نصيحة لا تتأخر اكثر من جذي بحجز الطيران و سفرة موفقة ان شالله

أولا أشكر كل من السفر المترف والبنوتة الكويتية وأم صبا ورحال والبج بن609 والأخت نشوى....أشكركم جميعا من القلب على النصائح الثمينة وماقصرتوا...وشكلي راح آخذ على الماليزية إنشاء الله

الخطوط الماليزية حتى أمس لم تعلن عن تسيير رحلاتها بعد
أنصحك ان تحجز على اى خطوط حاليا وأفضل القطرية او الاتحاد لحين تفتح خطوط الماليزية
لان جميع الخطوط حاليا لا يوجد فيها حجز