أخوي ابو ريا
أنا حاليا في بولندا في زيارة عمل ... و هذه هي زيارتي الاولى لها ... باعطيك وجهة نظري ... لكن خل في بالك اني لست بسائح و الشي الثاني اني جاي في الشتاء ...
1- هل بولندا تصلح للسياحة العائلية الخليجية
وشهي مقومات السياحة بالنسبة لك ؟ ترى تختلف من شخص لشخص ... اذا تتكلم عن
سياحة محافظة و أكرر محافظة ... فلا تذهب الى بولندا... و ان بغيت رايي بعد ...
اوروبا كلها ... ما توقع انك تبي ولدك ولا بنتك يشوفون بعض المواقف الي اخجل حتى من كتابتها ... لا تقول ماني رايح بارات ولا مراقص ولا اماكن مشبوهة . في كل مكان.. في رحلتي الاخيرة في مطار زيوريخ وفي الانتظار قام هو اياها يقبلون بعض ولا احد طق لهم خبر.. بالنسبة لهم ما يرون في هالامور شئ...و اللي بتشوفه في المنتزهات و الشواطئ ادهى و أمر.. و أنت رحت لأوروبا و تعرف هالامور .. طبعا هذي الامور شفتها في بولندا و غيرها بعد و يمكن حنا الكبار نبلعها بس وش بتقول لولدك اذا سألك ليش اللي واقفين في الطابور قدامك يــxxx <== يا حليلي و انا ساكت كخخخخ
2- هل بولندا فعلا رخيصة بالنسبة لدول
اوروبا الباقية
بالنسبة لباقي
اوروبا ... نعم ارخص ... لكن اذا تقصد التسوق من المجمعات و الاسواق ... فما اشوف فيه فرق عن اللي عندنا ... نفس الماركات و نفس المحلات و الاسعار مثلنا ان لم تكن اغلى بعد ... و حسب كلامهم هنا ان الاسعار عندهم في ارتفاع مستمر... و على الرغم من ذلك تحس البلد فقير نوعا ما ... لما تشوف المباني و الشوارع و الناس في الشوارع .. تحس ان البلد قديم و معتق ..<= لا احد يضحك على التعبير بس والله هذا اللي احس به
3- هل تمتلك فعلا مقومات سياحية مثل بلاد الالعاب والاسواق الراقية والمتاحق والحدائق والشلالات ونحوه
4- هل تنصحون بها للسياحة الصيف القادم
ما اقدر افتيك والله .... انا جاي في البرد و ما تعديت وارسوا ... و هالبرد ما يخليك تمغط ظهرك ... بس من الشركة للفندق و من الفندق للشركة ... و الويكند في المجمعات و المولات ... حتى الاولد تاون او المدينة القديمة ما قدرت امشي فيها من البرد..
اتمنى اني افدتك
ابو ريا
المشاركة الأصلية كتبت بواسطة يؤيؤ
