أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
1- الغرفة على البحر .. ولكن الاصوات الصادرة من الغرف المجاورة والممر بتسمعها بكل وضوح .. وبذلك عندما يجون حقين تنظيف الغرف وينظفون الغرفة اللي جنب غرفتك او حتى جنب جنب غرفتك وبدأو بتحريك السرير بتسمع صوت نقل السرير واحتكاك الخشب بالارضية السيراميك وهذي الحركة كفيلة بفقع اذنك فانا مضطر اصحى كل صباح تقريبا الساعة 6 على هذي الاصوات وتستمر حتى فترة مابعد الظهر
2- دورة المياه تخلو تماما من الشامبوا ولوازمه
3- تخلو الغرفة من الثلاجة (وتطلب فقط للي عندهم اطفال علشان يستخدموها لحفظ انواع معينة من الادوية) ومن وجود المناديل ومن وجود اوراق للكتابة ومن الاقلام (وهذي الاشياء كلها متوفرة في اي فندق تسكن فيه في العالم خصوصا اذا كان من فئة 4 او 5 نجوم)
4- عندما طلبت كواية ملابس .. قالو لي مافيه
5- طلبت منهم فيش للابتوب حقي او الجوال حقي ( لان اللي عندي يختلف عن اللي عندهم المقبس لديهم) قالوا لي مافيه .. وسألتهم طيب وش الطريقة قالوا لي اشتر من اي محل .. قلت لهم ليش مش متوفر عندكم .. قالوا جميع اجهزتنا تعمل بالشكل المتوافق مع المغرب .. قلت هذي اجهزتكم انتم .. ماذا عن اجهزة نزلاء الفندق .. فهل كلهم من المغرب .. المفروض تعملوا لهم حساب !! 6- انا حجزت لمدة 4 ايام .. وعندما دفعت وخلصت .. ومرت 3 ايام .. حبيت الغي اليوم الرابع واخذ حسابي .. قال لي الفلوس ماترجع ولكن نعطيك ورقة تستطيع ان تسكن بها في اي وقت بعدين .. قلت لهم ليش مابلغتوني قالوا لي مو مسئوليتنا نبلغك (استغرب والله عن سبب الاحتفاظ بهذه المعلومات لديهم وعدم احقية معرفة العميل بذلك) 7- ممنوع دخول المشروبات كالماء والكوكا كولا .. والاكل الى الفندق .. غير ذلك مسموح 8- بخصوص مكيف الغرفة .. يكون سبليت .. وليس مركزي 9- حجم الغرفة صغير .. والديكور اقل من المتوقع .. 10- سعر الغرفة عالي جدا مقارنة بالمواصفات اللي ذكرت اخيرا اجمل مافي الفندق موقعه على الشاطئ فقط .. غير ذلك مافيه شئ مميز هذه الاسباب هي اللي جعلتني غير مرتاح من الفندق .. قد يكون غيري لايهتم بهذي الاسباب ولكن بالنسبة لي مهمة .. وكنت اتمنى من الاعضاء المجربين للفندق ذكرها .. عشان يستفيد القارئ .. ويقرر هل يناسبه او لا
الاخ / فاقد الجوهرة
عموما اسبابك مقنعة لك ولكن مع غيرك تكون غير ... جرب السكن في السوفتيل وادفع الفرق بزيادة لانة افضل من ناحية المستوى الراقي والخدمة ... او عندي لك مقترح اللي بتدفعة في غرفة دبل في السوفتيل احجز فية سويت عادي في اماديل وانا عادة عند زيارتي لاغادير لا احجز غير الجناح في اماديل لماذا خدمة افضل جميع ما تحتاجة في الجناح موجود من دون تعب .... وانا أؤيدك في شيء واحد خدمة الغرف جدا مزعجيين لدرجة انة ممكن ان يدخلوا عليك دون إذن (( حتى لو كنت معلق ممنوع الازعاج )) يعني خلي المشعاب جنبك للاحتياط
بالتوفيق
