باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Dermatologist
07-03-2022 - 11:47 pm
  1. السلام عليكم ورحمة الله وبركاته

  2. ٣- ماهي محطة القطار الي احجز منها من باريس الى فرايبورغ ؟

  3. ٨-فرانكفورت تستاهل ازودها يوم او يومين؟

  4. ٩- في اوت ليت في اي من المدن الي باروحها؟


السلام عليكم ورحمة الله وبركاته

كيفكم عساكم بخير من زمان على المنتديات اخر مرة دخلت في منتدى ٢٠٠٩ كنت ارتب لرحلة شهر العسل مالكم بالطويلة حبايب قلبي انا نويت والله يسهل يارب اذا كانت خير اني اروح اوروبا طبعاً راح اعطيكم الخطة الي حاطها وابي مشورتكم واذا تحتاج تعديل مانستغنى
الرحلة عائلية انا وزوجتي وبنتين سنتين و٦ سنوات مدتها ١٤ يوم طبعاً الرحلة تبدأ في باريس ابي اجلس فيها من ثلاثة الى اربع ايام ( كم ترشحون؟) اهم شيء ديزني والشانز والمتحف ومنها بالقطار الى فرايبورغ ( اذا يوصل وإذا مايوصل رشحوا لي اقرب مدينه لهفرايبورغ فيها راح استأجر سيارة واجلس فيها ثلاث ايام اروح يورب بارك و (ايش الاماكن السياحية فيها) ومنها الى انترلاكن انترلاكن باجلس فيها اربع ايام ( ايش الاماكن الي فيها لازم اروحها من انترلاكن الى بادن بادن اجلس فيها يومين ( ايش فيها اماكن تستاهل) ومنها الى فرانكفورت يوم وبعدها اسافرالمدة من ٢٠ابريل - ٦ مايو
اسئلتي:
١- لو حجزت من بوكينغ وماأضفت الاطفال في الحجز يعني بس حطيت شخصين بيصير لي مشكلة لانه لمن احط شخصين بيفرق ثلاث الاف ريال تقريبا او اكثر ؟
وهل الجمله الاطفال مرحب بهم معناها انه عادي مسموح ادخل الاطفال حتى لو مو مسجلهم بالموقع؟
٢- ايش في فنادق جميلة وآمنه للعائلة تكون قريبة من الشانز وديزني لاند؟

٣- ماهي محطة القطار الي احجز منها من باريس الى فرايبورغ ؟

واذا ماتوصل الى فرايبورغ ايش اقرب مدينة لفرايبورغ ؟ ولو فكرت اروح بالسيارة كم بتستغرق؟
٤- هل هناك محلات تاجير سيارات في محطة القطار في فرايبورغ او المدينة القريبة منها بحيث استلم السيارة منها؟ وتقريباً كم تكلفة السيارة وهل هناك اي نصائح بالنسبة للسيارة كالقارمن ونوع السيارة وهل يفرق الديزل والبنزين؟
٥- رشحوا لي فنادق في فرايبورغ اسعرها معقولة ؟
٦-ايش في فنادق في انترلاكن وهل الافضل اسكن في القرى الي حولها؟
رشحوا لي كم اسم ونفس الشيء راح احجز لشخصين هل تتوقعون فيه مشكلة؟
٧- فنادق في بادن بادن؟

٨-فرانكفورت تستاهل ازودها يوم او يومين؟

٩- في اوت ليت في اي من المدن الي باروحها؟

١٠- اخر سؤال غريب لو عكست الرحلة وخليت الوصول فرانكفورت والعودة من باريس وهليت الخط من فرانكفورت- فرايبورغ- انترلاكن- باريس وكلها بالسيارة ؟ هل بيكون اكثر توفير؟ وكم المدة من انترلاكن بالسيارة الى باريس؟
وهل هو افضل؟طولت عليكم لا عدمناكم استحملوني انا مسويها مفاجأة لاهلي وودي تكون سفره حلوة على المبلغ الي عندي؟


التعليقات (1)
kok_808
kok_808
السلام عليكم
انا بفيدك بجواب السؤال الاول بخصوص بوكبنج الاطفال يجب ذكرهم او اذا لاحظتي هناك رسوم للأطفال ويختلف حسب الفندق او اذا متوافر اسره لكن في اي فندق يوجد شروط واحكام.
وترجعون بالسلامة


خصم يصل إلى 25%