- وقال هذي مزورة
بسم الله الرحمن الرحيم ...
يا جماعة حبيت انقل لكم قصتي مع سائق تاكسي في مدينة اسطنبول للفائدة والحذر
طبعا وكما نعلم الناس ماهم سوا وفيه سائقين تاكسي ركبت معهم رائعين ومحترمين ولكن صاحبنا هذا كان سارق احترافي
القصة ومافيها اني كنت مستعجل وعندي رحلة من اسطنبول لطرابزون واللي حصل ان الفندق مع التشيك اوت حجز لي تاكسي وحطوا الشنط فيه وفتحوا لي باب التاكسي وغلطت اني خجلت وماكاسرته والمفروض والمعتاد اني اكاسرهم ولكن هذا وقع الفاس بالراس وكان مشغل العداد جاهز ,,,
ركبت قدام وزوجتي في الخلف ( ماسكة معنا قدام ) فاهمين غلط
العداد يحسب وطريق المطار زحمة والرجال يوقف في المسار الايسر مثلا لانه زحمة واليمين سالك ,, مو هذا موضوعنا
وصلنا للمطار الداخلي ونزلت انا وزوجتي وهو يساعدني وينزل معي الشنط وقلت كم وانا شفت العداد اصلا
قال 75 ليرة قلت لا كثير انا نزلت من هنا للفندق 45 ليرة وهذا الصدق قال عداد قلت طيب وعطيته 100 ليرة لان ماعندي صرف او فكة ....
المحترف راح لباب السائق سوا فيها انه يدور فكة ورجع لي ال 100 ليرة قال مافيه صرف قلت ماعندي الا 60 ليرة قال اوك تمام هتها
عطيته واستغربت طيبته ؟؟ راح وحطيت ال 100 ليرة في جيبي
دخلت مطار اتاتورك الداخلي وشفت الوقت يمدي ناخذ 2 كابتشينو فرصةةوجيت احاسب ماعندي الا اوراق من فئة 100 ليرة
عطيتها 100 التاكسي وعندها جهاز يكشف المزورة
رجعتها وهي معصبه ودها تاكلني وانا ماني فاهم شي
عطيتها 100 غيرها وخذت حسابها وانا اخذت القهوة وجلسنا ,,,
فجأه جاني رجال مهندم يتحدث الانجليزية وقال انت شكلك ما فهمت شي وانت محترم من شكلك وزوجتك معك ويدل على ان منت راعي هالخرابيط !!!!!!!!!!!!
ايش السالفة قال عطني المية ليرة واعطيته وحده غيرها لاني ما اعرفها قال ماهي هذي عندك ميه غيرها ؟ واعطيته ثنتين غيرها وطلع لي الفارق
وقال هذي مزورة
بصراحة انصدمت وانا الغلطان ماكنت حذر ولاني ما اعرف الفرق بين السليمة والمزورة
كلمت الفندق وسويت مشكلة وعلمتهم انهم مشتركين بالخطا لان التاكي عن طريقهم هم حجزوه وبصراحة كانوا متجاوبين اتصلوا بعد 10 دقايق وقالوا عرفنا الشخص وعطوني اوصافه قلت نعم علموني انهم بيتخذون معه الاجراء وانت ارجع خذ فلوسك قلت ما ابغى الا تحاكمونه فقط .
ومدري عاد عنهم بس اني ارتحت شوي
ان شاء الله اكتب لكم تقرير رحلتي ( اسطنبول - الشمال التركي الساحر " اوزون جول - طرابزون )
الله يعوض عليك اخوي