hmd .e
17-12-2022 - 08:15 am
السلام عليكم ورحمة الله وبركاته
ما احب اطول عليكم
بالنسبة للي يبغى يسافر الى سنغافورا
لابد لابد لابد استخراج تاشيرة
انا جلست اشوف المكاتب واحوس واحوس وفيه مكتب ماحب اقول اسمه لكن
استخراج تاشيرة لي ولزوجتي قالي الاجمالي ب1400
ف بعد وقت اتخذت الحل
اتصلت ع السفاره السنغافوريه ب الرياض
تحويله 102
وكلمة الموضفه الله يجزاها كل خير
وقالت لي التالي
(( فيه مكتبين فقط يستخر التاشيره والسفاره مصرحه لهم فقط باستقبال الاوراق
اما المكاتب الاخرى فليس لها دخل والسفاره لا تستقبل من اي مكتب الا مكتبي_1/الفرسان 2/ فيفا)
عنوان مكتب الفرسان: طريق الملك فهد قبل مبنى برج المملكه باتجاه القصيم ع طريق الخدمه
عنوان كتب فيفا: بعد مخرج التخصصي باتجاه طريق مكه بعد بنده امسك الخدمه بتحصله المكتب في مبنى وليس محل )
سعر استخراج التاشيره الواحده وانت جالس ب البيت وتوصلك 320
يعني انا وزوجتي ب640 ريال
شكراً على طرح تجربتك
سعر فيزا سنغافوره 90 ريال
اللي يفرق هو عمولة المكاتب
المكتب الموحد vfs يأخذ عمولة 140 ريال يعني الاجمالي 230 للشخص 460 لشخصين
و هو معتمد من قبل السفارة