حلم مستمر
18-12-2022 - 01:00 am
السلام عليكم ورحمة الله وبركاته
تحيه طيبه لكم جميعا
انا عندي استفسار
انا مخطط اجي البحرين مع زوجتي .. وابي اقضي فيها يومين
فابي استفسر كيف احجز لجزير حوار ( اذا في جزر اخرى احلى قولولي )
وكم تكلفة الاسعار هناك
والغولف وين مكانه
واذا عندكم اشياء اضافيه مثل اشياء ترفيهيه اتحفونا
مع العلم انا بجي بسيارتي كيف مواقف السيارات لابقيت اوقفها عشان الانتقال للجزيره
تحياتي
بالنسبة عن استفسارك عن جزر حوار مكتب الحجز موجود في كورنيش النادي البحري (كورنيش الفاتح) بالقرب من جامع الفاتح الاسلامي
والمواقف اللي تنتقل توقف سيارتك فيها عشان تنتقل للجزير موجودة في منطقة جو وهي منطقة انطلاق السفينة لجزر حوار
بالنسبة لي جزر أمواج وجزيرة درة البحرين أفضل لأن كل شي متوفر حوالينك
جزر أمواج مكانها خلف مطار البحرين الدولي
جزيرة درة البحرين جنوب البحرين بعد منطقة جو والدور
وحياك الله في ديرتي وديرتك البحرين