بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



q8ya metnaqla q8ya metnaqla
نـامـت عـيــــونـي عـلــى حـسـنـــك وشـفتــــ حــلـــم ـــــك
17-12-2014 - 02:20 am

بسم الله الرحمن الرحيم

امسي واصبح على رواد منتدى العرب المسافرون الغالين



ببتدي ان شاءالله معاكم في هالتقرير الخفيف والقصير عن رحلتنا لسويسرا ومجاورها

وحبيت اشكر كل من ضاف اي معلومه صغيره كانت او جبيره







واسمحولي اخص بالشكر لاخواني القطري جدولك كان عجيييب ومتعوب عليه ومساعدتك لي في الاحداثيه والطريج من ميلان الى زيورخ

اخوي اوشنز الجندي المجهول لما قدم لي من معلومات ونصايح خلف الكواليس



اخواني مقدام وعاشق الخالد اشكركم من القلب على تقاريركم الوافيه واجاباتكم على اسألتي ومساعدتكم لي واخوي qa6ar911





نتوكل على وندش في الموضوع

هالمره المجندات عددهم 3 انا واختي وبنت عمي ورابعتنا نبع الحنان امي

رحلتنا كانت للتمشي بعيده كل البعد عن السووووق ومن اختياري كانت للطبيعه فقط لاغير



حجزت الطيران مباشره من بعد عيد الفطر وبعدها باسبوعين حجزت الفنادق

الطيران من موقع اكسبيديا و اول مره احجز منه وكنت خايفه منه لان اللي قريته اغلبهم يمدحون حجز داخلي مو دولي وفي ناس امدحته وبيني وبينكم كان اهو افضل سعر احصله ان كانت حجوزات نت او مكاتب سفر عندنا ...



التذكره كانت بسعر 325 دينار كويتي من تاريخ 1-11 اكتوبر2014

كويت-ابوظبي-جنيف

زيورخ-ابوظبي-كويت



على طيران الاتحــــاد

الطيران ممتاز من خدمه وترفيه بس حصل اشويه تأخير يعني مو بس الكويتيه اتأخر يا ربعنا اللي يذمونها



حجوزات الفنادق لاربع مناطق بسعر 410 دينار كويتي للشخص

وتأجير سياره من هيرتز لمده 10 ايام بسعر 285 دينار كويتي

يعني كل وحده تدفع 806 د.ك شامل الفندق الطيران السياره



واخيرا وبعد تقريبا 20 سنه رديت لسويسرا واشوفها وانا شباب مو ياهل



يوم المغادره والحمدلله ما حشتنا زحمه الحجاج











وهذي بعض الصور من الطياره











بينت بينت











وصلنا يوم الخميس 2 اكتوبر الساعه 8 ص









خلصنا اجراءات الجمارك ورحبوا فينا وهلا بالكاكاو

اول شي سوينا في مطار جنيف حطينا خطوط وشغلنا النت

وبعدها خذينا الشتل ووصلنا مواقف سيارات التأجير عشان نستلم سيارتنا



وهذي صوره لها من النت للاسف ماصورتها بروحها نسيت

















النوع هيونداي i40















وبعدها ركبنا القارمن وكان المفروض نروح انسي بس اشوي المجندات تعبانين ويبون يريحون استسلمت لهم بعد راي الاغلبيه











صور من الطريج الى فندقنا وكان الفندق في مونترو الهاديه اللي لو تقطون ابره تسمعون صوتها























واحنا بالطريج وقفنا ونزلت جمعيه coop اللي وصاني عليها اخوي اوشنز لانها كانت في دربنا شرينا بعض القروضات والخرابيط وبعدها وصلنا بالسلامه فندقنا وهذي صوره من البلكونه













بما اني اول مره اسوق في ديره جبال استانست على الطريج وقلت اشوه الطريج حلو وسهالات عالاقل احسن من بريطانيا اللي يننوني في السرعه والسكان العوي لكن العوي طلع اهون





اسم الفندق رويال بلازا

royal plaza montreux

على البحيره مباشره يطل وغرفنا عالبحيره فندقنا هذا من غير ريوق كان

وهذا موقعه الالكتروني

Royal Plaza Montreux & SPA in Montreux - Book a Luxury hotel in Lake Geneva



المفروض انه 5 ستار لكن اثاثه قديم للاسف يعني ممكن اقيمه 4 احسن من 5 بس موقع ممتاز وغرف وسيعه وحمامات عزكم الله وسيعه



بعض الصور من برا





























اللوبي وتحت يكون الريوق على شارع التمشي والبحيره







































الغرفه من داخل





















































البلكونه وصور منها













اهني يتني فكره اني اهاجر بس بحكم القوي اخ بس اخ

































عفيه لاتلومني اذا في صور مكرره مو مني من اللي قاعده اشوفه سبحانك ربي عكس الاجلحه والملحه بس هم يازينها من جلحه



















مونترو ترا حييييل هاااااديه مو اشويه على قولت البنات يقولون ابرار هذي مو لنا حق كبلز احنا سناقل نبي اماكن صيحه ولويه قلت ماكو كل الاماكن لنا

واحنا نسوي صيحه ولويه











بعض الصور من مونترو

























وهذي صوره ليليه من مونترو الرومانسيه



والصوت الجريح كان حاضر معاي بقوه في هالرحله



واسري بليل وانته بيدي سراي
امشي على نورك يجرني شعورك
خطوه ورا خطوه ألوذ في سورك











ماخلصنا يومنا الاول بكمل معاكم باجر ان شاءالله





المشاركات

Usas Usas
نـامـت عـيــــونـي عـلــى حـسـنـــك وشـفتــــ حــلـــم ـــــك


ماشاء الله , تقرير مرتب وصور رائعة



هل الجو كان بارد ولا معقول



بانتظار التكملة مشرفتنا ومتابع معاج ,,,


مقدام مقدام
نـامـت عـيــــونـي عـلــى حـسـنـــك وشـفتــــ حــلـــم ـــــك


الحمدلله على السلامة
بداية رائعه لتقرير شكله بيكون مميز

متابعين معاج باقي التقرير

وتقبلي تحياتي


كوتي كوتي
نـامـت عـيــــونـي عـلــى حـسـنـــك وشـفتــــ حــلـــم ـــــك


ماشاء الله
بداية مشجعه لتقرير رائع
ننتظر الباقي
الله يعطيك العافيه اختي ويخلي لك الوالده


فيصل فيصل
نـامـت عـيــــونـي عـلــى حـسـنـــك وشـفتــــ حــلـــم ـــــك


حمدلله علي السلامه

يا زين الديره الهادئه

وماقصر كل من ساعدك بأي معلومه


لوفتهانزااا لوفتهانزااا
نـامـت عـيــــونـي عـلــى حـسـنـــك وشـفتــــ حــلـــم ـــــك


الله يعطيج العافيه إختي على هالبدايه الحلوه بهالتقرير
وماهي غريبه على اخواننا بالمنتدى ومساعدتهم الدائمه شي مومستغرب عليهم


وبانتظار التقرير


q8ya metnaqla q8ya metnaqla
نـامـت عـيــــونـي عـلــى حـسـنـــك وشـفتــــ حــلـــم ـــــك


usas

حياك الله بوعبدالله وان شاءالله ايوزلك باجي التقرير

والله الجو وااايد بريد مو بارد يعني من تطيح الشمس نلبس جاكيت خفيف كافي

انترلاكن نوعا ما كانت بارده بس البرد الحلوو ومطر اينن



مقدام

الله يسلمك ياخوي

والتميز كله عندك انت اللي تستاهل فوق التميز في تقاريرك الحلووه

ان شاءالله ايوزلك باجي التقرير



كوتي

الله يعافيك ويخلي غاليك

ان شاءالله يعجبكم



فيصل

الله يسلمك ياخوي

اي والله هدوئها عجيييب

يزاهم الله خير ماقصروا معاي



لوفتهانزاا

الله يعافيك ان شاءالله يعجبكم الباجي

اي والله موغريبه عليهم


توبليرون توبليرون
نـامـت عـيــــونـي عـلــى حـسـنـــك وشـفتــــ حــلـــم ـــــك


ابرار عليج غرامة
من امس التقرير واحنا ماندري
المهم
خوش عنوان وخوش ترحيب
يازيينه الكاكاو
الصور تشوق من اول صورة قلت لابوحسين يلا فوقه خخخخ
ماشاءالله عجيييب موقع الفندق عليكم بالعافيه يارب
والسواقه ماشاءالله ربي يحفظج
انا ربعي يخافون يجربون السواقة
انتي جدعة ربي يسعدج
وربي يخلي لج الماما وبلغيها سلامي
ويخلي لج فريق المجندات
متابعين بالصفوف الاولى في قسم السيدات
يلا جلدي جلدي بنتمتع بالطبيعة معاكم


قايد قايد
نـامـت عـيــــونـي عـلــى حـسـنـــك وشـفتــــ حــلـــم ـــــك


اختي كويتيه ,,,, الحمدلله على السلامه

والشكر موصول لاخواني اللي ساعدوك في رحلتك اللي من بداية التقرير روعه

ومره اخرى اشكرك لمشاركتك لنا رحلتك وعلى السرد والصور اللي جدا رائعه

تحياتي


ابوجبل ابوجبل
نـامـت عـيــــونـي عـلــى حـسـنـــك وشـفتــــ حــلـــم ـــــك


بداية مشجعة وقوية لمتابعة التقرير



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

نـامـت عـيــــونـي عـلــى حـسـنـــك وشـفتــــ حــلـــم ـــــك