بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



wa1eed8 wa1eed8
تجربتي في أستخراج فيزا الشنقن من جدة 12-10-2014 م + جميع طلبات الفيزا
17-12-2014 - 10:15 pm

السلام عليكم ورحمة الله وبركاتةأحببت أن ارد الجميل ولو القليل لأني استفدت من هذا الموقع .. فأحببت أن أنقل لكم تجربتي :


بداية بسم لله الرحمن الرحيم ..
بعد تخوف من عدم الحصول على الفيزة الاوربية او تأخيرها لفترة من الوقت ولأن وقتي كان ضيق
قررت أبحث بالنت : وزاد تخوفي أن بعض الاخوان ذكر ان فيزته تاخرت آكثر من اسبوعين واللي يقول
شهر واللي يقول ثلاث اسابيع واللي يقول 10 ايام ..


سالت نفسي طيب اش الحل الان وانا باقي على سفري اقل من 20 يوم ...!!
استفدت من موقعكم الكثير ولكن حصلت على بعض التخوف من بعض الاخواة المتشائمين ..
المهم مانطول عليكم <
بحثت عن موقع حجز موعد اللي هو ذا :


ETIMAD - Visa Processing


بعدين تحجزون لكم موعد وتتبعون الاتي :


































بعدها طبعا تستمر وسهالة تحجز موعدك وتسمي بالله وتطبعه من ايميلك ويطلع بهالطريقة :







الخلاصة هذا موقعهم في جدة :





هنا نجي عند الطلبات اللي تتاكد تاخذها معاك للسفارة :


1- الموعد تحجزه وتطبعه ..
2-تذاكر السفر يطلبونها لازم تكون مترجمة بالانجليزي بسيطة اطبع حجزك وفية مترجم بنفس المركز " اول ماتدخل مع الباب على يسارك مكتب زجاجي هناك تدخل جوة تحصل موظفين على يسارك وعلى يمينك روح للي على يمينك تحصل موظفين هنود محترمين ب 10 ريال يترجمها لك " وانت واقف ..
بصراحة انا قالوا لي قبل مادري ان التذكرة تترجم ان يبغى لها ثلاث ساعات من موظف مصري بداخل قسم الفيزا اللي تخص الشنقن ، لكن يوم روحت للموظف الهندي بدقيقتين بدون مبالغة ترجمها لي ..
3-جيب مشهد من العمل يوضح فية الراتب وطبيعة عملك " لابد يكون مترجم من مكان معتمد وبسيطة راح اوضح الطريقة ..
بعد ماتاخذ تعريف الراتب من عملك تواصل مع هالمترجمين المعتمدين من نفس المركز :





بالنسبة للاخ السوداني تتواصل معاه ويبلغك بطريقة ارسال مشهد العمل اللي فية الراتب وطبيعة عملك


موقع سكنة : في حي الصفا
المبلغ : ياخذ على الصفحة الكاملة 100 والنص صفحة 75 ريال


4- الابلكيشن " من عندهم راح يعطونك لاتتعب نفسك وتطبع من النت .. لاني طبعت من موقعهم ..
بالاخير اعطوني واحد جديد وعبيته عندهم


5- صور شخصية اقل شي خذ معاك ثلاث صور " بالنسبة للاخوات " مو شرط تطلع اذانيها وشعرها ومن هالكلام الفاضي اللي ينكتب بالنت " اهم شي يكون الوجة كامل واضح فقط ..


6- حجوزات الفنادق من بوكينق عاد بكيفكم اذا تبونها وهميه اهم شي اطبعها بالانجليزي والفرنسي للاحتياط ..


7- كشف حساب < ماطلبوه مني ، لكن خذ كشف حساب لسته شهور او ثلاثة شهور ..
لا تخاف ماراح يهتمون كم المبلغ الموجود فيه .. اهم شي عندهم ان فيه مبالغ تدخل بحسابك وتطلع


ولو انهم ماخذوه مني


8- صورة من اول اربع صفحات من الجواز
"واذا كان فية تاشيرات سابقة صورها "




9- تأمين السفر " هذا سهالة تقدر تدفع اون لاين وتكلمهم ويرسلونه على ايميلك "
هذا الموقع حق التعاونية انا اخذت لي وللمدام حق فترة السفر اللي هي 6 ايام
الشخص ب 90 ريال


التعاونية


هذا الخطوات عشان تطلع التامين :























هاذي خطوات التامين للسفر الدولي ..


اعتقد خلاص ذي هي الطلبات اللي انطلبت مني ..
لا تتخوف ولا شيء الامور سهالة جدااااااا ...




الجميل في الموضوع ..


اني حصلت على تاشيرة الشنغن في خلال يومين ولله الحمد
لا مستعجل ولا شيء توفيق من الله رغم انهم قالوا لي 5 ايام الى اسبوع


والاجمل انهم اعطوني سنتين ههههه وانا كان اكبر طموحي فقط فترة السفر اهم شي اخذ التاشيرة


طبعا عدة نصايح لابد تحطها بالحسبان :
لا تروح للمركز الموحد الا اوراقك كلها كاملة
لا تتخوف من اللي يقلك معقدة وصعبة ومن هالكلام الفاضي
الاهم والمهم حاول تخلص اوراقك قبل سفرك اقل شي من ثلاثة اسابيع الى شهر
عشان مايضيق عليك الوقت ولا تعتمد على كلامي انهم اعطونيها فيومين ..
بعد ماتعطيهم انتظر منهم رساله اذا جاتك هالرسالة :
Processed visa application ref no. FRJD/****/***/** is ready for collection at joint visa Application center
يعني روح ياعسل للمركز وخذ فيزتك ..


والحمدلله اخذتها في خلال 5 دقايق ..
اخيرا
اتمنى للجميع التوفيق واي شخص عندة استفسار يتفضل ..








#همسة للاخوان اللي سافروا لباريس :
حبايبي انا اول مرة اسافر باريس حاب منكم
اذا تخدموني وتكتبون لي خطة لمدة 5 ايام بحيث ازور ابرز الاماكن في باريس ..
وانا موعد وصولي لباريس ان شاءالله الاثنين القادم اللي يوافق 27-10-2014 والعودة 1-11-2014
موقع سكني الاول امام برج ايفيل " اسم الفندق "
بولمان باريس برج ايفيل << اش افضل طريق للوصول له عن طريق الميترو
راح اكون فية ان شاءالله من 27 الى 29-10-2014
شوفولي المعالم القريبة منه
الفندق الثاني :
موناليزا شانزليزيه راح اكون فية ان شاءالله من 29 الى 1-11-2014
اش المعالم القريبة منه




ياليت الادارة ماتزيل الموضوع لاني بحاجة لخطة تناسبني ..




واعتذر اذا سهوت عن شيء واعتذر مرة اخرى على الاطالة ..
اقل شيء اقدر اقدمة للموقع الرائع .





المشاركات

tab_el tab_el
تجربتي في أستخراج فيزا الشنقن من جدة 12-10-2014 م + جميع طلبات الفيزا


ما شاء الله شرح جميل ..

ألف مبروك الفيزا ..

التأمين قبلوا منك نسخة المرسلة على الايميل فقط ؟ ماطلبوا الأصل ؟



استفسارك يالغالي ماهو بمكانه .. ياليت تكتبه بالقسم الفرنسي وراح تلقى اجابات وافية بإذن الله ..



رحلة سعيدة ..


wtm2014 wtm2014
تجربتي في أستخراج فيزا الشنقن من جدة 12-10-2014 م + جميع طلبات الفيزا


الف الف الف مبروووك

العام ... انا قدمت على الشنغن من النمساويه
واكتفيت ببطاقة فيزا وليس كشف حساب


ومشت الامور


wa1eed8 wa1eed8
تجربتي في أستخراج فيزا الشنقن من جدة 12-10-2014 م + جميع طلبات الفيزا


المشاركة الأصلية كتبت بواسطة tab_el
ما شاء الله شرح جميل ..

ألف مبروك الفيزا ..

التأمين قبلوا منك نسخة المرسلة على الايميل فقط ؟ ماطلبوا الأصل ؟



استفسارك يالغالي ماهو بمكانه .. ياليت تكتبه بالقسم الفرنسي وراح تلقى اجابات وافية بإذن الله ..



رحلة سعيدة ..




تسلم يالغالي ، والله يبارك فيك ..


بالنسبة للتامين ايوة عادي قبلو مني النسخة حقت الايميل وفيها الختم ..
تقدر تطبعها من الايميل بالالوان عشان الختم للاحتياط فقط ..
لكن انا اخذوا مني النسخة " الختم ابيض واسود "






وشكرا على تنبيهي ..


wa1eed8 wa1eed8
تجربتي في أستخراج فيزا الشنقن من جدة 12-10-2014 م + جميع طلبات الفيزا


المشاركة الأصلية كتبت بواسطة wtm2014
الف الف الف مبروووك

العام ... انا قدمت على الشنغن من النمساويه
واكتفيت ببطاقة فيزا وليس كشف حساب


ومشت الامور




الله يبارك فيك حبيبي ونور الموضوع .. وصدقت يالغالي تختلف الاجرات من سفارة لسفارة .. اللي يطلبون فيزة واللي يطلب كشف حساب لكن انا روحت الفرنسية ولله الحمد ماطلبو لا كشف ولا فيزة ..
عندك مشهد فيه راتب هذا المهم ..


فالافضل مثل ماذكرت الواحد ياخذ معاه مشهد او الفيزة وبالتوفيق للجميع ..




وفيه كلمة قالها لي واحد عسكري حصلته يوم استفسرت عن صعوبة التاشيرة ..
قالي جملة جدا جميلة :
ان اجرات السفارة سهولتها وصعوبتها على حسب علاقة دولتك والدولة اللي متوجة لها ..


والسعودية ودول الخليج اعتقد علاقتهم مع اغلب دول العالم ممتازة بحكم المصالح المتبادلة ..
مجرد جملة يمكن تكون صحيحة ويمكن تكون خاطئة ..


لكن الاجرات اللي حصلت معاي شخصيا الحمدلله تيسرت ولا كان فية اي صعوبة مثل ماصوروها لي بعض الاخوان في المنتدى عن تاخيرها وأمكانية رفضها ..
اذا اوراقك كاملة روح وانت متطمن ..


wa1eed8 wa1eed8
تجربتي في أستخراج فيزا الشنقن من جدة 12-10-2014 م + جميع طلبات الفيزا


أضيف على الموضوع أمر مهم :الختم الرسمي لأبد يكون على ترجمة "مشهد العمل "
لأنك راح ترسل للمترجم المعتمد عن طريق الايميل وهو يترجمه لك
ويمكن تسهى عن احضار المشهد الاساسي اللي اخذتة من العمل .." لاتروح تجيب نسخة "


هالامر أعيدة لأنة مهم جدا :
1- المشهد مترجم من مترجم معتمد بالختم الرسمي حقة << وهذا المترجم بيعطيك هو اذا جيت تستلم وتعطية المبلغ حق شغلة
2- المشهد اللي اخذتة من عملك اللي عليه "الختم الرسمي " طبعا مشهد عملك باللغة العربية << هذا انت تجيبة معاك . انا الحمدلله جبته معاي والا بغيت انساه لأني توقعت ماله اهمية دامني ترجمتة ..


وشكرا


آخـــرفـــرصــة آخـــرفـــرصــة
تجربتي في أستخراج فيزا الشنقن من جدة 12-10-2014 م + جميع طلبات الفيزا


ما شاء الله

تفاصيل دقيقة و شرح وافي
الله يعطيك العافية على مشاركتنا تجربتك
و الف مبروك الفيزا
فعلاً الموضوع أسهل مما يتوقع الكثير
و اللي مو مرتب نفسه أكيد يشوف كل شئ صعب


wa1eed8 wa1eed8
تجربتي في أستخراج فيزا الشنقن من جدة 12-10-2014 م + جميع طلبات الفيزا


المشاركة الأصلية كتبت بواسطة آخـــرفـــرصــة
ما شاء الله

تفاصيل دقيقة و شرح وافي
الله يعطيك العافية على مشاركتنا تجربتك
و الف مبروك الفيزا
فعلاً الموضوع أسهل مما يتوقع الكثير
و اللي مو مرتب نفسه أكيد يشوف كل شئ صعب


الله يبارك فيك يالغالي ..
واشكرك على الاطراء الجميل ..
ومثل ماذكرت يالامير الموضوع جدا سهل ولا فية اي صعوبة :
فقط رتب أوراقك وجهزها
وروح لهم وانت متطمن


اصيل33 اصيل33
تجربتي في أستخراج فيزا الشنقن من جدة 12-10-2014 م + جميع طلبات الفيزا


التامين الطبي يكون 30000 يورو حسب طلب السفاره او اقل لانه يقال التعاونيه اصبحت تعطي تامين 15000 يورو والكثير تم رفضه لهذا السبب



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

تجربتي في أستخراج فيزا الشنقن من جدة 12-10-2014 م + جميع طلبات الفيزا