AbdulAzez
17-12-2022 - 11:28 pm
أقدم لكم تقريري لزياتي لماليزيا في الفترة من 27/ 9/ 2014 حتى 10/10/ 2014
بيانات السفرة :-
تم حجز الطيران عبر الخطوط السنغافورية في يوم 12 / 4 / 2014 بسعر2823 ريال للشخص الواحد .
الخطوط السعودية وقتها سيئ وكلها عن طريق جدة وغالي سعرهم . هذي أرخص شي لقيته بعد السيرلانكية . السيرلانكية تقريباً كانت 2620 .
خط السير كالتالي :-
26/ 9/ 2014
الرياض - سنغافورة . الإقلاع الساعة 11:30 ليلاً بتوقيت الرياض .
سنغافورة - كوالامبور . الإقلاع الساعة 4:30 عصراً بتوقيت سنغافورة .
العودة :-
10/ 10/ 2014
كوالامبور - سنغافورة . الإقلاع الساعة 10:00 صباحاً بتوقيت كوالامبور
سنغافورة - الرياض . الإقلاع الساعة 1:15 ظهراً بتوقيت سنغافورة .
بعد كذا إتصل علي مكتب الخطوط السنغافورية الرياض يوم الأحد 25/ 5 / 2014 قالو لي إن حجز العودة تغير !
مريت مكتبهم من بكرا الإثنين قالو إن إبتداء من 28/ 9/ 2014 راح يلغون جميع الرحلات من وإلى الرياض ! علشان كذا لازم تغير سير العودة
قالو لي : كوالامبور - سنغافورة / سنغافورة جدة / جدة الر ياض . طبعاً الأخيرة على الخطوط السعودية .
بس غير مناسب أبداً لأن مطار جدة ذاك الوقت على نهاية موسم الحج فراح يكون فوضى .
خليت مسار العودة كوالامبور - سنغافورة / سنغافورة دبي / دبي الر ياض. ونفس الشي الأخيرة على الخطوط السعودية .
حاولت أغير حجز العودة برحلة كوالامبور سنغافورة أقدمه يومين بحيث إن أقعد في سنغافورة يومين . قال صعب بتدفع مبلغ كبير على هالتغيير .
وحاولت أسترد المبلغ لرحلة العودة وأشوف خطوط ثانية دايركت . قال لا أن تحاجز بدري وبترجع لك نصف قيمة التذكرة ! فخليته على دبي , وكانت العودة متعبة جداً جداًَ .
بالنسبة للفنادق فهي كتالي :-
كوالالامبور 27 - 30 / 9
The Ascott
سلنغور 30 / 9 - 2 / 10
sunway resort hotel
بينانق 2 - 5 / 10
Shangri-la Golden Sands Resort
لنكاوي 5 - 8 / 10
Berjaya
كوالالامبور 8 - 10 / 10
Impiana KLCC Hotel
كلفت الفنادق 12400 ريال .
حجزت الطيران المحلي من لنكاوي إلى كوالالامبور عبر خطوط AirAsia في يوم16/ 7 / 2014 . مجموع التذاكر لخمسة أشخاص 688 رينجيت .
هذي بيانات السفرة .
نبدأ معكم في الرد التالي
وصلنا إلى كوالا الساعة 5:30 . أول ما وصلنا حولنا الدولارات الي معنا إلى رنجت وأخذنا باص ب 180 رنجت وصلنا للفندق .
بالبداية قال 250 , وأظن لو مكاسرة وقلت له 120 كان وافق .
وصلنا الفندق وريحنا شويات . وهذي صور الغرفة الي اخذناه
ونزلنا بعد كذا للسوق الي تحت البرجين
يالله لحقنا على هالمطعم لأننا كنا متأخرين شوي
أخذنا سندوتشات من عندهم ب 17 رنجت . وما عليه سندوشاتهم لذيذة .
همن أخذنا آيسكريم من هذا بعد
وهذا مدخل الفندق واللوبي
كان فيه بلكونة بس مسكرة . طلبت المفتاح من الرسبشن . وقالو لو ضيعته بتدفع 30 رنجت !!
وكانت هذي نهاية ليلتنا الأولى في ماليزيا .
اليوم الثاني 28 / 9
إتفقنا مع السواق يجي 10 الصبح . لكن ما قمنا إلا 11:30 , كلمت السواق قال بجيكم على 2:00 الظهر .
قلت دام الفطور قفل بروح أصور الأبراج .
بعد كذا رحت للدور 22 فيه مسبح النادي والجيم . وصورت هالصورة من عند المسبح لمنارة كوالا
بعد كذا جانا السواق . رحنا أول شي لمعرض الجلد
الصراحة أنا منب حريص على هالزيارات ولا حبيته لكن قلنا خل نشوف وش فيه !
طلعنا من معرض الجلد رحنا لمعرض الشاي والعسل .
بعد كذا مرينا كشك للتذاكر يعرفه السواق , أخذنا تذاكر الأكواريم وكانت ب 50 رنجت . وتذاكر منارة كوالا ب 49 رنجت للشخص . وأخذنا تذاكر City بسلنغور ب 130 رنجت للشخص .
طبعاً تذكرة الستي تشمل : دخول متحف الشمع & بيت الرعب & عالم الثلج & عالم الفضاء .
أول شي رحنا للأكواريوم وكان عادي جداً جداً
طبعاً الأكواريوم قريب جداً من فندقنا .
المسار الكهربائي
بأحد الممرات حاطين شبك بحوض للي يبي يغوص مع السمك ب 400 رنجت
كالعادة . قبل المخرج المبيعات التذكارية .
بعد كذا أخذنا قهوة من هالكشك
بعد كذا رحنا للمنارة
زي ما قلت تذكرتنا أخذناه من مكتب ب 49 للشخص . وطلع فيه تذكرة لقيناه تباع عند مدخل المنارة على مكان مكشوف زي البلكونه ب 55 رنجت للشخص .
وصعدنا فوق في البرج . تنظيم المصعد في الصعود والنزول سيء جداً .
بعد كذا طلعنا ورحنا لملاهي سيتي في سلنغور , وصلنا له تقريباً الساعة 7:00
أول شي دخلناه متحف الشمع
يتبع