جدة المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
abu_mohammed1234
17-12-2022 - 09:00 pm
السلام عليكم ورحمة الله وبركاته
كل عام وانتم بخير
عندي استفسار يا أهل جدة,,
أنا جاي لجدة ان شاء الله خلال الاسابيع القادمة ياليت تساعدوني ربي يحفظكم ابغى اعمل حفلة مفاجئة لزوجتي بأحد المطاعم الكويسة
المطلوب:
مطعم يقدم تورتة بطريقة غير تقليدية ومفاجئة
المكان مايكون مفتوح يعني فيه بارتشن او نظام غرف
الاكل مايكون بحري فقط لان زوجتي ماتحب السي فوود
واهم شي المكان يكون رومنسي وفخم
وسلامتكم
وبانتظار ردودكم ولكم مني الدعاء


التعليقات (3)
abu_mohammed1234
abu_mohammed1234
يا اهل جدة يا اهل الكرم وين الرد جزاكم الله خير

عيون جدة
عيون جدة
وعليكم السلام ورحمة الله وبركاته
الله يديم عليكم السعادة والهناء
بالنسبة للكيكة فالافضل لمن تحدد المطعم تكلمهم وتسألهم عن نوع الكيكات المتوفر عندهم ، أوممكن تتفق معاهم يعملوا كيكة حسب طلبك وغالبا بتكلفة اضافية
أغلب المطاعم اللي ممكن نصنفها رومانسية بمعنى جو هادي ..ديكور راقي..اضاءة مناسبة ، بتكون مافيها بارتيشن
نظام الغرف غالبا بيكون للمطاعم العائلية زي الخليج الصيني وفيروز التركي وغيرها
على كل حال المطاعم اللي اعتبرها جيدة للمناسبات الخاصة ونظام جلساتها مفتوح
لاكوزين ..مطعم فرنسي في شارع فلسطين قريب من نافورة جدة
مطاعم مجموعة ليلتي ..بهارات ..مطعم هندي في ستارزافينيو مول في طريق الملك +توكي ..مطعم صيني في طريق الملك جوار قاعة ليلتي+ بيبلوس ..مطعم عالمي ..جهة نافورة جدة ومسجد العناني
صوي..مطعم آسيوي في الروضة مقابل مستشفى التخصصي
الشرافة ..مطعم عالمي في شارع الفضل حي الحمرا
ميلانج ..مطعم عالمي في التحلية جهة دوار السيف
فيولا ..مطعم آسيوي في شارع التحلية في ملينيوم سنتر
مطعم الخيام ..ايراني في فندق الهيلتون
فيه مطاعم سمعت عنها بس ماجربتها زي ..
لومير ..مطعم فرنسي في حي الشاطئ شارع الأمير فيصل بن فهد ،بلفيو بلازا
سلمونتيني ..مطعم عالمي في الحمراء جهة نافورة جدة
روميرو ..مطعم عالمي في الروضة في شارع عبد المقصود خوجة
يونين...مطعم لبناني في طريق الملك
وسهرة سعيدة ان شاء الله

abu_mohammed1234
abu_mohammed1234
جزاك الله خير يا عيون جدة ومعلومات قيمة وكافية
يسلمو


خصم يصل إلى 25%