بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



noor20 noor20
تقرير مصور ليلتين في قطر
17-12-2014 - 12:58 am

السلام عليكم ورحمة الله

كل عام و أنتم بخير
و عيدكم مبارك أعاده الله عليكم بالخير و البركة


قبل أجازة الحج بيومين قررنا نسوي رحلة لدول الخليج
مرينا فيها ل 3 أماكن
الدوحة>>دبي>>مسقط
أول وجهة أخترناها قطر أن شاءالله بيكون في تقرير
لدبي و مسقط في بواباتهم و طبعآ هذا أول تقرير أنزله بالمنتدى
أن شاءالله يكون مفيد و واضح


(معلومات عن الرحلة)


وسيلة النقل سواء للوصول لقطر أو داخلها:
السيارة الخاصة مع جي بي أس الجوال


مدة الرحلة في قطر:
ليلتين
28/9/2014
إلى 30/9/2014


عدد الأشخاص:
6 أشخاص(5بالغين+طفل)


السكن:
الصفا للشقق الفندقية


نوع الحجز:
جناح ملكي 3 غرف+فطور


قيمة الحجز:
2400ريال قطري


الحجز تم عن طريق:
موقع بوكينق كان في نيتنا السكن في كي 108 لكن لم
نجد اي حجز في موعد وصولنا أضطررنا للحجز عن طريق بوكينق
و أن شاءالله سأعتمد الحجز عن طريق الأنترنت لأنها كانت أول تجربة لي
و الحمدلله كانت موفقة


الأشياء الي عجبتني بالفندق:
1-نظافة الفندق
2-سعة الشقة
3-تواجد غسالة داخل الشقة
4-لطف الموظفين و بشاشتهم أذا دخلنا يوصلنا للأصنصير و يصوصلنا لشقتنا
أن كان ماعندنا الكرت يفتح لنا نفس اللحظة بس قبل يسألنا عن رقم شقتنا
5-توفر موظفين لتوقيف السيارة
6-ترتيب الفطور و نظافته
7-توفر واي فاي جيد مجاني
8-خدمة تنظيف الغرفة ممتازة عانيت من موظفين النظافة في دبي


السلبيات:
1-فقط عدم تنوع الفطور خلال أقامتي
كلا الليلتين نفس الفطور لم يتغير اي صنف


هذا خريطة الشقق الفندقية:
خرائط Google‏


يتبع





المشاركات

noor20 noor20
تقرير مصور ليلتين في قطر


بسم الله نبدأ
أول شي و الأهم عدتي في السفر
1-كاميرتي الصغيرة جبتها من سوق دوت كوم
2-البطانية و الدوشق(مرقد مادري شنو تسمونه)و مخدة(موسدة)
3-شنطتي فيها لاب توب و شواحن و دي في دي للصغيرة و سي ديات و سماعات
4- وماننسى تحديد خريطة الفندق و حفظها قبل نمشي







تجهزنا و حملنا الشنط بالسلة مهمة جدآ للسفر
لأن الشنط تاخذ مكان





و ركبنا للسيارة و صورة قبل الأنطلاق برعاية دلة الشاي
و الوالد الله يحفظه مندمج بالجوال





و يالله ننطلق إلى قطر بسم الله و لاتنسون الصدقة قبل تطلعون من البيت
للحفظ أن شاءالله و لا تنسون ان تستودعون أنفسكم و أهلكم





للأسف مافي صوور للطريق لأني حطيت راسي و نمت
رايحة مواصلة و فاتني تصوير الطريق


يتبع


noor20 noor20
تقرير مصور ليلتين في قطر


بسم الله

وصلنا للصفا للشقق الفندقية
نزلت و خذت جولة أستكشافية في تحت قبل نصعد


هذا واجهة الفندق





وهذا المنظر المقابل للباب
وواضح في كبري





و هذا جلسات موجودة يمين و يسار الباب الجو
مايساعد للجلوس فيها





و هذا والدي الله يحفظه و يحفظ لكم و الدينكم و يرحم
من مات منهم و الله يرحم والدتي





هذا اللوبي و الباب الي يودي لبرى و واقف العامل الي يستقبل
نزلا الفندق بشوش و جدآ لطيف





جهة أخرى من اللوبي و العامل شايل شنطنا





جرايد للقراءة و جلسات كثيرة





أحد الجلسات باللوبي





على ماعتقد على اليمين أصنصيرات و جنبها باب
قاعة الفطور و يسارها كوفي الي صورته و مادخلته





و خلص الوالد أمور الشقة و هذا شنطنا في العربة



و هذا طابق غرفتنا و رقم غرفتنا

401

المكان جدآ هااااااااادئ و مريح



بسم الله نخش مع بعض برجلنا اليمين
و هذا راس الوالد الله يحفظه
لازم في كل صورة بصمة له



أول ماتدخلون ممر صغير يمينكم في غرفى صغيرة بدون باب
فيها غسالة

\

و جنبها حمام الله يكرمكم بس فيه كرسي الحمام




قبالكم الصالة الفسيحة ماشاءالله فيها
طاولة طعام



الكنب من قرب



و هذا التلفزيون



و على يسار الكنب في مطبخ يعني صاير بوسط
الصالة



تالي نروح ليسار المطبخ في ممر
في اليسار تلقون غرفة فاضية



نكمل نروح قدام نلقى في اليمين الغرفة الرئيسية
ماشاءالله كبيرة و شرحة في يمينها
غرفة للدواليب بدون باب للأسف ماصورتهم
و جنبها حمام الله يكرمكم الدواليب داخلها كواية






نطلع من الغرفة الرئيسية قبالها على اليمين في غرفتين صورت
بس وحدة ثنتينهم يتشابهون و قبال الغرفيت حمام الله يكرمكم







أخذنا راحة و راح الوالد الله يحفظه جاب لنا غدا من
فروج لأنه قريب من السكن



بعدها نزلت أنا و خواتي نكملة الجولة على الفندق
ركبنا للاصنصير و إلى دور m



و ندور على المسبح و لا شي طلعنا مضيعين سألت أختي
الي في هل مكان و قالوا لها أول ماتنزلين أخذي الأصنصير
الجهة المقبلة و روحي دور m



نزلنا و سألنا العامل و ين تبون قلنا المسبح و وصلنا



و صلنا المسبح للأسف ماصورت الممرات
و لا نزلت المسبح ألا مرة بس أول يوم



يجيكم ممر فيه كنب و تدخلون من الباب في ذي الألعاب و قبالكم
استقبال صغير و يمينه غرفة لعب للأطفال بس طبعآ هم
كاتبين لا تتركون اطفالكم لحالهم هم مو مسؤولين عنهم
لازم معاهم شخص كبير من عايلته











طلعنا من غرفة ألعاب الأطفال و صورت لكم المسبح من فوق



ننزل درج صغير على المسبح في جلسات



على اليمين درج ثاني ينزلكم لغرفة الرياضة
و الساونا و في غرفة نسائية مقفلة







هئا الي قدرت اصوره لأن كان في رجال يتدرب



صعدنا نريح للمغرب و كان المخطط على مجمع فيلاجيو

يتبع


noor20 noor20
تقرير مصور ليلتين في قطر


اعتذر عن اي اخطاء املائية من السرعة


ســـــعـود ســـــعـود
تقرير مصور ليلتين في قطر


المحترمة / noor20
ــ ما شاء الله تبارك الله ـــ
سلمت أناملك على هذا التقرير الرائع
أعجبني جداً أسلوب وسرعة طرحكم للمعلومات عن رحلتكم وشموليتها بالتفاصيل
والله يخلي لكم الوالد ويحفظكم من كل مكروه
متابعين معك ومتشوق لرؤية الجزء القادم


noor20 noor20
تقرير مصور ليلتين في قطر


المشاركة الأصلية كتبت بواسطة ســـــعـود
المحترمة / noor20
ــ ما شاء الله تبارك الله ـــ
سلمت أناملك على هذا التقرير الرائع
أعجبني جداً أسلوب وسرعة طرحكم للمعلومات عن رحلتكم وشموليتها بالتفاصيل
والله يخلي لكم الوالد ويحفظكم من كل مكروه
متابعين معك ومتشوق لرؤية الجزء القادم
الله يسلمكم أخوي
شكرآ لمروركم أخي المحترم سعود
المقصد من التقرير الأفادة فحاولت أني أحط التافاصيل
حابة أفيد نفس ماستفدت من تقارير المنتدى
الله يسلمكم و يخلي لكم أهلكم
و أشكركم مرة أخرى على المرور على التقرير
مروركم تشجيع لتكملة التقرير


noor20 noor20
تقرير مصور ليلتين في قطر


السلام عليكم و رحمة الله
و نكمل معاكم
أنتظر منكم تفاعل
طبعآ نسيت أقول لكم أن التصوير
بجوال جالكسي S4
و أنا تصويري مو ذاك الزود عذروني على رداة الصور
و أهتزازهم حاولت أطلع لكم أفضل الصور

توجهنا لفيلاجيو أنا أول مرة أدخل فيلاجيو رغم أني رحت قطر
من قبل مرة بس هذي أول زيارة له جدآ عجبني
وقابلنا هذا الفندق الجميل



وهذا مدخل المجمع



بسم الله يالله ندخل وهذا أول مايقابلنا القوارب





و رحنا نشتري تذاكر للجندولا
سعرها:
الشخص 10 ريال
أذا تبغي تركب لحالك ب 20 ريال

و هذا صور خاطفة للمجمع جدآ جميل





و هذا التذاكر و أنتظرنا دورنا لأن زحمة عليهم و أنا أنتظر
صورت لكم فيديو





و ركبنا الجندولا وأول سؤال سألته العامل كم عمق الماي؟
للمعلومية عمقه متر واحد





و هذا الي يحرك القارب



و هذا نهاية الجندولا وحولها كافيهات أذا أنا مو غلاطانة لأني مانتبهت



و نرجع



هذا خواتي العزيزات توهم واصلين



و أنطلقنا نتفرج على المجمع لكن للأسف أغلب الصور
شخصية



و رحنا لكارفور جذبني فيها النوتلا الكبير الي فوق
و حتى البرنجلز مسوين نفسه بس ماصورته



و أنصحكم تشترون هذا الكوفي



و طلعنا وهذا المحل قبال كارفور جميل جدآ



و يالله نروح على السينما وهنا الوالد الله يحفظه
يشوف الفيلم الي بندخله



حجزنا 4 تذاكر الوحدة ب 30 ريال قطري أذا ماكنت غلطانة
يالله نروح لداخل



و قفة لشراء البوب كورن



و هذا التذاكر و البوب كورن



و هذا الفيلم الي دخلناه
جبت لكم تفاصيل عنه لكن من موقع سينما البحرين


BahrainCinema.com




دخلنا قاعة الفيلم كانت فاضية مافي ألا أحنا و شخصين



دخلنا مبكر قبل الفيلم لان ماكان عندنا شي
و هذا مصير البوب كورن انتحر قبل يبتدي الفيلم



و ابتدا الفيلم



و أختي الصغيرة سحبت على الفيلم ونامت


الفيلم روعة أنصح تشوفونه و هذا لقطة بعد ما أنتهى



تقيمي لسينما قطر:
ماعجبتني فاااضية مافي أحد في الفيلم ماعرف شنو السبب
أحب أدخل الفيلم يكون زحمة عشان أتفاعل
و مافي عامل ينظم الدخول و القاعة ماكانت نظيفة

طلعنا من السينما و المجمع صار شبه فاضي و المحلات
صارت تسكر



أخر شي رحنا لكارفور نتقضى لعشاء جميل
و خفيف بما أن الوقت متأخر ماحبينا نثقل
و أنتهى أول يوم في قطر كان جدآ جميل

يتبع


noor20 noor20
تقرير مصور ليلتين في قطر


السلام عليكم ورحمة الله
(اليوم الثاني)

صحينا الصباح و نزلنا للفطور بالفندق
و لازم نمر على اللوبي بعدها قدام نروح يمين نلقى
قاعة الفطور عند الأصنصير
و باستقبالنا العامل مبتسم و رح يسأل الفطور
على حسابك و لا مع الغرفة



مكان الفطور جيد و عدد الطاولات لا بئس به
هذا على اليمين أول ماندخل



و هذا على اليسار



صورت لكم الفطور كامل
هذي الطاولة فيها فول و طماط و بصل
و كم شيي ماذكرهم
و جنبها فلافل و يسارها براد ماي



جنبهم الي يسوي البيض على كيفك
و أطلب وأخذه أو ممكن يجيبه لطاولتك



هذي الأشياء واضحة جدآ



هذا في الخلف حليب و ماي و شي ثالث نسيته




في طاولة ماصورتها عليها بيض مسلوق و بيض
مخفوق و بطاطس مثلثات بتشوفونه بفطور يوم ثاني و طماط
مشوي عليه فلفل و ما أذكر أن فيه شي ثاني

و هذي الجهة كورن فليكس و حليب
و الطاولة الي تحتها فيها من قدام كروسان و زبادي
و مربى و ألخ و الخلف البريد و الخبز و حماصات
و أكيد ألة الكوفي جاهز ماعليك ألا تحط الكاس
و زيد سكر أنا حبيت الهوت شوكلت لذيذ





و هذي صحني و نصيحة لا تاخذون شي ألا متأكدين
أنكم تاكلونه حطوا على قدكم و مافي مشكلة أنكم
تعبون مرة ثانية و ثالثة أهم شي لا ترمون النعمة
لأن في ناس محتاجة تاكلها



طبعآ أنا من النوع الي أكل الكورن فليكس مع لبن
لكن مافي المرة الجاية لو اروح بنزل معاي
بعد الفطور صعدنا لشقتنا نستعد للطلعة

كان المخطط على الحي الثقافي كاتار

يتبع


alosimey alosimey
تقرير مصور ليلتين في قطر


تقرير جميل بارك الله فيك ,,, والله يحفظ والدكم

وشقق الصفا سكنت فيها أول مابنوها ،،، أعجبني فيها كبرها وسعتها...


بالتوفيق


alnoida alnoida
تقرير مصور ليلتين في قطر


تقرير جميل
إن شاء الله استانستوا في سفرتكم
سوف اتابع تقاريرك عن دبي وعمان

أحلا ما في تقارير البنات تصوير الأكل والأثاث

سلامي للعائلة الكريمة
وشرفتوا الدوحة



يمكنك فتح موضوع جديد للمناقشة او الاستفسار والمشاركة.

أبحث واحجز بأعلى خصم:
خصم يصل إلى 25%

Share

تقرير مصور ليلتين في قطر