الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
توبليرون
16-12-2022 - 09:43 pm
السلام عليكم
حبيت اليوم اضيف
تقرير لبوابتنا الكويتيه
وهو لزيارتنا لمطعم دكاكين
في مجمع الصالحية
نشوف الصور
مجمع الصالحية

دلعت نفسي وشريت لي هدية
اساور من نومينيشن

بعدبن رحنا للمطعم لقيناه زحمة
حطينا اسمنا ورقمنا علشان يدقون علينا اذا وصل دورنا
قال لنا نص ساعة
رحنا تمشينا ورجعنا
وشوفو مكان المطاعم مزحومة

وصل دورنا ودخلنا

المنيو اللطيف
اللي يرجعك للماضي الجميل

وهذا من ديكور المطعم

الصحن

صناديق خشب معلقة
والأحلى الرسومات الكلام اللي عليهم روعه من الماضي

الليتات بغراش

احلى دقوس بوديج

لا يطوفكم شربت البيذان

وما طافني طلبته قبل لا اشوف اللوحة

وهذا شربت البيذان

وبيبسي البنات

في الطاولة علاليق للجنط
انا اول شي ماحطيت جنطتي وخليتها يمي على الكرسي الطويل
بعدين قلت لا خل اعلقها ....لأن كان يمي يهال وياكلون وحمص وحركة ما ينفع
ههه ربي يحفظهم

طلبنا دولمة اضافة للي طلبناه ووصل قبل الطلبات خ

كبة البيت مع صوص دكاكين الخاص

الخبز بصندوق صغير

كبتي مع الصوص

شاورما الدجاج لغنومة

ملفوف بورق مطبوع عليه كأنه جريدة

ووصل طلب فرفر مشاوي مشكلة

تصوير علوي

تصوير جانبي

ووصول المقبلات المشكلة

منها الفلافل بالطحينه

وحمسة بيديان

سمبوك جبن وردي ههه لذيذ

فتة بيديان وبطاط

دولمه

وكان بعد حمص ...ماصورته لان راح بعيد عني
وانا أكلت معاهم من كل قطر أغنية
كل شي اكلت منه شوي
وهذا بقية صحني
كبة نصها والفلافل نصها وورق العنب نصها
وشوية حمسة وسمبوسة نصها بعد
وشيش طاووق نص قطعة صغيرة

وهذا شربتي الباقي

والحساب يوم الحساب
طلع 24دينار
غويلي شوي

وبعدها لخدمة ايقاف السيارات
واللي كان زحمة
بس الحمدلله بسرعه ايبوون السياراة

وبالأخير لازم اشكر عضوتنا
jojoo_girl
اللي علمتنا على افتتاح المطاعم اللي بالصالحية
وشكراا للجميع المتابعة الجميلة


التعليقات (9)
! بنت دبي !
! بنت دبي !
حلوه ديكورات المطعم
بالعافيه عليكم يا ام حسين
وتتهنين بالهديه

Usas
Usas
ماشاء الله شيء مرتب وخوش مطعم
مجمع الصالحية علمي فيه من زمان
عجبتني طريقة تقديم الاكل بالمطعم
يعطيج العافية ام حسين على التقرير

توبليرون
توبليرون
! بنت دبي !
الله يعافييج يا بنت دبي
وربي يسعدج ويهنيج تسلمين من ذوقج

توبليرون
توبليرون
Usas
الله يعافييك يابو عبدالله
ولازم تاخذ الاهل وتروح تجربه
الحين صار ازحم من المطاعم المفتوحة بره او اللي داخل
روح الظهر يمكن احسن
عن الزحمة

FANDA
FANDA
أشوف الكل هاب في هالمطعم هاليومين ويمدحون أكله
عليكم بألف عافيه

توبليرون
توبليرون
اي يام ريم الحلو انه يذكرنا بالقديم
وعيالنا يستانسون لما نقول لهم ان جذيه كان عندنا
والمطعم اكله نظيف والمجمع بيني وبينج يغري ههه
مجمع الماركات عندنا
حياج زوريه

فيصل
فيصل
يستاهل المبلغ مو غويلي ام حسين بس شكله ما أعجبك
الديكور والتقديم مغري
اهم شيء البيذجان
شكرا لك

الايماان
الايماان
دلعي نفسج ام حسين زين تسوين النومينيشن يهبلون عليج بالعافية
انا اللي خذيتهم ذهبي وسلفر
المطعم ديكوراته والكلام اللي مكتوب شكله يشوق
لكن ماقلتيلنا شلون مستوى الاكل ؟؟

Steven Gerrard
Steven Gerrard
دائما إضافاتج مميزة أختنا أم حسين
عليج بألف عافية الهدية .. إنتي تستاهلين كل خير
و عليكم بألف عافية الأكل
صدق وحشتني الكويت .. الله يرزقنا زيارة قريبة .. قولي آمين أختنا


خصم يصل إلى 25%