ميزة الكويتية ان خطها مباشر من الكويت لبانكوك والوزن حسب علمي انهم يعطونك 40 كيلو اما الخدمة فما تقارن مع الاماراتية والسريلانكية او باقي الشركات غير المشاكل التقنية اللي قاعدة تواجهها حاليا بسبب قدم الاسطول ومشاكل التأخير اللي توصل لثمان ساعات واكثر ببعض الاحيان وهذي حصلت معاي شخصيا والغاء الحجوزات يعني لما تروح المطار يقولون لك حجزك ملغي وحتى الغاء الرحلة بالكامل وهم هذي بعد حصلت معاي شخصيا
بالنهاية انت صاحب القرار وبكيفك

ميزة الكويتية ان خطها مباشر من الكويت لبانكوك والوزن حسب علمي انهم يعطونك 40 كيلو اما الخدمة فما تقارن مع الاماراتية والسريلانكية او باقي الشركات غير المشاكل التقنية اللي قاعدة تواجهها حاليا بسبب قدم الاسطول ومشاكل التأخير اللي توصل لثمان ساعات واكثر ببعض الاحيان وهذي حصلت معاي شخصيا والغاء الحجوزات يعني لما تروح المطار يقولون لك حجزك ملغي وحتى الغاء الرحلة بالكامل وهم هذي بعد حصلت معاي شخصيا
بالنهاية انت صاحب القرار وبكيفك
تسلم على الرد واعرف الاسطول قديم جدا ومطالبتنا بتغييره ونداءاتنا بالصحف بالنقد على مؤسسه الخطوط الجويه الكويتيه هذا غير التأخير
اما من ناحيه الحجوزات اذا كان حجزك اوكي مستحيل يقولون لك حجزك ملغي الا اذا كان حجزك على الانتظار
وانا كان استفساري في موضوعي كنت بعرف اذا الطيران المتوجه من الكويت الى بانكوك تم تجديده او لا وشكرا

خليك علي واحدة من تلات :
القطرية
الاماراتية
العمانية

الكثير مايمدحون الخطوط الكويتية
بس بالنسبة لي دام خطهم مباشر ومافيه ترانزيت + السعر مناسب
توكل على الله وروح

Mohammad1970
الله يسلمك يا اخوي بس للاسف ان اللي انلغت حجوزاتهم كانت مؤكدة بس الظاهر يا اخوي انك ما تقرأ شكاوي الناس اللي يكتبونها بالجرايد
اما بالنسبة للاسطول فحسب تصريحهم ان اول طيارة من الطيارات المستأجرة راح توصل بشهر ديسمبر والله اعلم متى راح توصل الطيارات الجديدة المستملكة من المؤسسة
نصيحتي لك شوف لك اي شركة من الشركات العملاقة واترك عنك الكويتية لما يتجدد اسطولها بالكامل وحزتها انا شخصيا راح اداحرك بالحجز عليها ههه