بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



NestaTiko NestaTiko
10 أيام خياليه في معسكر في النرويج
17-12-2014 - 06:42 am

في اول الكلام ابدآ بأجمل سلام .. السلام عليكم ورحمه الله و بركاته

أحب أعرفكم بنفسي أنا أسمي أحمد طارق
السن : 19 سنه
الجنسيه : مصري
الوظيفه : طالب بالجامعه و قائد طليعه في الكشافه البحريه المصريه

كنت حابب أشاركم رحلتي للنرويج الهدف منها هو قضاء معسكر مع الكشافه

مده الرحله 10 أيام
من :2/8/2014
الي :12/8/2014


معلومات عن دوله النرويج : Norway - Wikipedia, the free encyclopedia

طبعا ده أول موضوع أكتبه فأعذروني لو لقيتوا غلطات ..
هتلقوا معظم الصور أنا طالع فيها .. لأن صور الأماكن لوحدها ضاعت
و مش هغطي الـ10 أيام بالظبط بس هحاول لحد كبير

اليوم الأول (السفر) :

اتحركنا من مطار القاهره الساعه 9 صباحا


لمطار كوبنهاجن (الدنمارك) وصلنا بعدها بحوالي 4 ساعات



و بعدها أخدنا أتوبيس لـ (أسكار) "مدينه في النرويج" اللي فيها المعسكر تبعد نص ساعه عن (أوسلو) العاصمه




فضلنا في الأتوبيس كتير أووووي زياده عن 8 ساعات لأننا خدناها من أول النمارك مرورا بالسويد لحد النرويج

وصلنا بليل كنا مش شايفين حاجه من التعب المعسكر وفرلنا خيمه ننام فيها لحد تاني يوم

اليوم التاني :

طبعا منمناش غير 4 ساعات بالظبط
عشان لازم نصحي الساعه 7 الصبح عشان ننصب الخيم و كده
و كانت المطره بتمطر كمان







طبعا النهار طويل جدا يعني لك أن تتخيل ان المغرب بيأذن علي الساعه 12 بليل
و احنا كل الوقت ده شغالين نبني في الخيم و نعمل ساري للعلم و سلات زباله و بوابه و دنيا
و طبعا الحجات دي بتتعمل بالخشب فا احنا كنا بننقل الخشب من مكان كبير كده في أخشاب كتير لمكان المعسكر بتاعنا

اليوم التالت :
ده كان عامل زي حفل استقبال كده للجميع البلاد المشاركه في المعسكر







طبعا احنا بنطبخ كل يوم
يعني المعسكر بيديلنا الأكل ني و احنا بنطبخه

دي صور و احنا بنطبخ




و احنا بنضف بعد الطبخ



اليوم الرابع :

كان عندنا مارثون .. عباره عن كل المعسكر بيشارك في المارثون و العائد بيروح للجماعيات الخيريه في افريقيا

و طبعا المعسكر المصري شرفنكوا هناك .. قطعنا 14 كيلو في ساعه زمن



اليوم الخامس :

ده بقي يا جماعه كان يوم النفخ

كنا لازم نقطع مسافه 16 كيلو بالكنواااي (التجديف)
كنا لازم نوصل لجزيره كده نبيت فيها و نرجع تاني يوم .. أسيبكم مع الصور













و صلنا الحمد لله الجزيره بسلام





و ده بقي مقال اتكتب عننا في مجله نرويجيه



اليوم السادس :

عملنا (Hiking) يعني خرجنا من المعسكر و نزلنا مدينه أسكر نفسها مشي فضلنا نستكشف فيها و المفروض نحل الغاز و كده المعسكر عملهالنا كانت لذيذه










كريستيانو يعرف يعمل كده

يتبـــــع ,,






المشاركات

آخـــرفـــرصــة آخـــرفـــرصــة
10 أيام خياليه في معسكر في النرويج


و عليكم السلام

سعيدين بتواجدك بيننا يا احمد
و مرحباً ببقية القروب

لا كريستانو ولا ميسي يقدر يعمل كده


رحلة متميزة مع قروب رائع
رحلات الكشافة من النوع اللي ما تتنسي أبداً
لها طعم ثاني من ناحية مشاركة الجميع بالعمل و الطبخ و النفخ و المسابقات الترفيهية
تنمي في الشخص حب العمل الجماعي

أهنيكم على القيام بهذه الرحلة الممتعة
و شكراً على عرض تجربتكم هنا

متابعين تفاصيل الرحلة
و ننتظر المزيد


شموخ عتيبة شموخ عتيبة
10 أيام خياليه في معسكر في النرويج


وعليكم السلام ورحمة الله وبركاته

أنعم وأكرم يا أخ أحمد وحياك الله بين إخوانك

رحلة رائعة ما شاء الله وواضح انها كانت ممتعة جدا

وعقبال رحلة شهر العسل بإذن الله

استمتعنا بهذا الجزء وننتظر ما تبقى

تحياتي وتقديري ..


NestaTiko NestaTiko
10 أيام خياليه في معسكر في النرويج



اليوم السابع :

اليوم الوطني .. ده كان أحلي يوم تقريبا
عملنا يوم وطني كده و جبنا كل البلاد المشاركه فى المعسكر عندنا
عملنا معاهم الواجب

شربناهم كركديه و أكلنهم سمسميه و حمصيه و نوجه








كتبنلهوم اساميهم بالعربي
















علمناهم لعبه المنديل




الأسبان علمونا لعبه كده حلوه بردو




مع رئيس الكشافه في النرويج و المعسكر النرويجي



مع سكيرتيره رئيس الكشافه



مع المعسكر الأسكتلندى





المعسكر السويدي



المعسكر الفرنسي


المعسكر الألماني (كانوا معانا علي طول)





اليوم التامن :
حفل الختام

طبعا كل الناس كانت زعلانه عشان مش هنشوف بعض تاني

بس رقصنا كتير و علمناهم الرقص و الأغاني الشعبي





كنت عايز أقول حاجه بس ..

كان دايما هدفي من الرحله دى ان ابين العرب مش دول عالم تالت و مش متخلفين و بنشتغل و بنفرح أحسن منهم كمان ده هما اللي قالوا كده .. الشال اللي كنت لابسوا في العيد الوطني ده شال فلسطين الغاليه كان كل واحد يجي يسألني الشال ده يدل على ايه ؟؟
أرد اقول عن الكرامه و العزه و الكفاح .. عن فلسطين .. عن العرب ..

الحمد لله شرفنا مصر و كل عربي


يتبع ,,


NestaTiko NestaTiko
10 أيام خياليه في معسكر في النرويج


و عليكم السلام

سعيدين بتواجدك بيننا يا احمد
و مرحباً ببقية القروب

لا كريستانو ولا ميسي يقدر يعمل كده


رحلة متميزة مع قروب رائع
رحلات الكشافة من النوع اللي ما تتنسي أبداً
لها طعم ثاني من ناحية مشاركة الجميع بالعمل و الطبخ و النفخ و المسابقات الترفيهية
تنمي في الشخص حب العمل الجماعي

أهنيكم على القيام بهذه الرحلة الممتعة
و شكراً على عرض تجربتكم هنا

متابعين تفاصيل الرحلة
و ننتظر المزيد


NestaTiko NestaTiko
10 أيام خياليه في معسكر في النرويج


اليوم التاسع و العاشر :

بعد ما خلص المعسكر نزلنا (أوسلو) العاصمه و المعسكر الألماني قرر يجي معانا
قعدنا كده في بيت خشب زي بتاع أفلام الرعب في وسط الغابه للأسف مليش صور كتير له
و بعد كده سافرنا باريس

بس هتكلم عن رحله باريس بعدين لو لقيت الموضوع ده عجب الناس

مع الصور بقي


دي الغابه اللي وسطها البيت اللى كنا قاعدين فيه



ده مول فى المدينه




ده محل للأكل الحلال



الأوبرا





مكان تسليم جائزه نوبل للسلام



الكنيسه الكاثدرائيه





السيتي هووول



القصر الملكي





منتزه هانشاجن




وسط المدينه









العوده الي مصـــــر الحبيبه





النهايــــــه ...

انتظروا موضوع الكشافه البحريه في باريس

انهي حديثي بالسلام .. السلام عليكم و رحمه الله و بركاته


daayem1 daayem1
10 أيام خياليه في معسكر في النرويج


فعلا شيء مميز و جميل وممتع ورائع ويشرف والحمدلله على السلامه


مقدام مقدام
10 أيام خياليه في معسكر في النرويج


تقرير رائع وتسلم عليه

وفكرة المعسكر في النرويج حلوة وسط الطبيعه الخلابة



وتقبل مني اجمل تحية


قايد قايد
10 أيام خياليه في معسكر في النرويج


روعه

والتنويع وتجربة الجديد يعطي طعم مميز

بارك الله فيك ياعسل


سدهارتا سدهارتا
10 أيام خياليه في معسكر في النرويج


مرحبا أحمد ..

كل عام وأنت بخير

الله يديم عليك الصحة والابتسامة ..

مغامرة جميلة ..

شكرا لك .. ننتظر جديدك دائما



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

10 أيام خياليه في معسكر في النرويج