بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



MaNoo_Eg MaNoo_Eg
مطعم رمسيس (التجربه الأولى)
16-12-2014 - 08:07 pm

بسم الله اترددت كتير قبل ما اكتب هنا بس بعد ما قرأت اكتر فى المواضيع اتشجعت من أسلوب الناس وطريقتها
انا فى المملكه بقالى 13 شهر تقريبا ومن النوع اللى بحب الأكل والتغيير والمطاعم الجديده بصراحه كان ليا أكتر من تجربه سيئه فى كل انواع المطاعم فى الرياض لكل للمطابخ العربيه خصوصا المصرى والسعودى واللبنانى
فقررت أعمل تقارير عن المطاعم على قد ما اقدر منها افيد الناس ومنها اطلع شويه من اللى جوايا اللى بشوفه
وللحظ ان التقرير المره دى عن مطعم الا حد ما ويس طبعا بحكى عن تجربتى فى يوم معين فى المطعم ممكن صادف حد يوم ثانى فى نفس المطعم مش كويس هنشوف
بعد شوية لف فى الملك عبد الله عشان أوصل لرمسيس (أبو شقره) سابقا اللى واخد جنب كدا وصلنا الحمد لله
أول حاجه بتلفت النظر فى المطاعم الاستقبال وبنتظر ان الناس ترحب بيا كضيف مش مجرد انهم متعودين ان كل شويه بيدخل زبائن ويخرجوا ودا كان فى المحل بصراحه انهم ودودين جدا ودى اول صور للمنيو














طبعا عجبنى فكرة انهم كاتبين عن تاريخ مصر وكدا ودى حاجه واحساس حلو لينا احنا كمغتربين لأننا بيبقى نفسنا فى اى حاجه من ريحة بلادنا حته على الهامش كدا عادى عادى
الأكل فى أى مكان 3 حاجات بالنسبه ليا عشان احدد المكان حلو ولا وحش الشوربه والسلطه والطبق الرئيسي
طلبنا شوربة لسان عصفور وكريمه
بصراحه عجبونى جدا جدا خصوصا ان شوربة الكريمه شربتها فى مطاعم كتير بيعملوها بالدقيق باين ولا بودره اطفال مش عارف
اما لسان العصفور الميزه عندهم انها مشطشطه كدا






الأطباق الرئيسيه عندهم زى ما كانت فى المنيو فوق مسمينها بأسماء أماكن فى مصر وحبى للحمام والمشويات خلانى أطلب خان الخليلى (حمام-مشويات-محشى)
بصراحه معجبنيش شكل تقديم الطبق أوى كان ممكن يبقى احسن من كدا بكتير ولكن الطعم خلانى اتجاهل الحته دى
المحشى كان حلو زى اى مكان حلو بيعمل محشى لكن المميز بجد المشويات خصوصا الطرب بعد مرمطه مطاعم سنه اقدر اقول ان دى احلى مشويات اكلتها هنا مفيهاش زيت ولا دهون كتير والتتبيله بتاعتها حلوه اوى دا شكل الطبق





الطبق الرئيسي التانى كان السكريه (موزه-ممبار-محشى)
المختلف فى الطبق دا الموزه عندهم طعمه ولحمتها طريقه مش مجرد لحمه محمره زى ما اكلتها فى اماكن تانيه كمان الممبار ناشف وبيقرمش كدا والرز جواه مبهر بعيدا عن شكل الطبق برده انه كان ممكن يكون احلى من كدا



المقبلات وما ادراك ما مقبلاتهم خلينى اقولكم على المميز فيه علطول عندهم بابا غنوج بدبس الرمان والبدنجان الملل والمحشى خلطه من جواه والتبوله دول اكتر حاجات عجبتنى فى السلطه



طلبت رز معمر كان نفسى فيه جدا هما بيعملوه باللحمه مش ساده بس قلت اجرب
هو طبعا مش زى الرز المعمر بتاع الوالده واللحمه جواه مكنتش مستويه اوى بس القشطه بتاعته كانت كتير ودا كان يكفينى انى احس بريحه الرز المعمر حتى


الخدمه فى المكان عجبنى الترحاب فيها جدا وانهم رسميين ودودين فى نفس الوقت المطعم ينفع تعزم فيه حد غالى عليك وكمان فيه شباب وعوائل ارجو يكون اول تقرير ليا عن مطعم فى الرياض يعجبكم ويارب اكون وصلت كل حاجه صح
حبو الاكل الاكل متعه خاصه
اه التقرير دا انا نشرته على صفحة أكل على الفيس متتخضوش هو انا اللى هناك برده
مطعم رمسيس(أبو شقره سابقا)-طريق الملك عبد الله





المشاركات

Usas Usas
مطعم رمسيس (التجربه الأولى)


شكرا للصور , بالنسبة لتغيير اسم المطعم هل بجميع الفروع لان عندنا فرع بالكويت (الفروانية) ولااعلم ان كان تغير اسمه



تقبل تحياتي ,,,


فاضي وقاضي فاضي وقاضي
مطعم رمسيس (التجربه الأولى)


الدخان حرام لووووووول


MaNoo_Eg MaNoo_Eg
مطعم رمسيس (التجربه الأولى)


المشاركة الأصلية كتبت بواسطة Usas
شكرا للصور , بالنسبة لتغيير اسم المطعم هل بجميع الفروع لان عندنا فرع بالكويت (الفروانية) ولااعلم ان كان تغير اسمه



تقبل تحياتي ,,,
اهلا بيك بالنسبه لتغيير الاسم اعتقد انه هنا فى المملكه بس لان فى مصر لسه نفس الاسم


MaNoo_Eg MaNoo_Eg
مطعم رمسيس (التجربه الأولى)


المشاركة الأصلية كتبت بواسطة فاضي وقاضي
الدخان حرام لووووووول
هههههههههههههههههههههههه مش بتاعتى دى بتاعة واحد صاحبى انا احب الشيشه بس :d


الغردقاوي الغردقاوي
مطعم رمسيس (التجربه الأولى)


تصوير جميل وفاتح للشهيه
تسلم على الموضوع اللذيذ


hhhggg hhhggg
مطعم رمسيس (التجربه الأولى)


بالعافيه..مشكور على نقل تجربتك
من الموبايل



يمكنك فتح موضوع جديد للمناقشة او الاستفسار والمشاركة.

أبحث واحجز بأعلى خصم:
خصم يصل إلى 25%

Share

مطعم رمسيس (التجربه الأولى)