بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



توبليرون توبليرون
باريس ..الجميلة
16-12-2014 - 06:08 pm











السلام عليكم

يا رواد واعضاء البوابة الفرنسية

بوابة الجمال والدلال



ببدي معاكم تقرير رحلتنا العائلية الى باريس



رحلتنا كانت من تركيا



وهذا تقرير تركيا بالبوابة التركية



وهذا الرابط له



https://travel.maktoob.com/vb/travel916155/





وكان الطيران هو الطيران الفرنسي



رحلة باتجاه واحد .....بس روحة





















وهذه صور من مطار تركيا والبوابة













ووصلت طيارتنا















وصعدنا الطيارة

















وهذا المظيف يشرح تعليمات السلامه







وهذه التعليمات









وغادرنا تركيا

















وقدمو لنا هالوجبة الظريفة

















وما ننسى الكولا









خلصنا وسكرنا الطاولة











الشاي









ونصور بره شوي الغيوم















ووصلنا لباريس والاجواء الباريسية









قربنا من الارض في حالة الهبوط





















نزلنا من الطيارة ورحنا ورا الناس

المطار الفرنسي......فاضي

دخلنا تكرمون دورات المياه....وطلعنا الا الناس مافي احد المطار فاضي



















نتبع الاسهم وورا ما راحو المسافرين اللي كانو معانا في كاونتر

قال لنا انتو كلكم مع بعض قلنا ايه قال تعالو كلكم

واخذ جوازاتنا هو وصديقه وختموها لنا وطلعنا جهة سير الجناط







المطار فاضي ويوم وصلنا لسير الجنط متنا من الضحك خخخخخ بس جناطنا على السير ههههه

ما شاءالله عليهم ما يعطلون نفسهم الكل ساحب شنطته وسيدا لبرا المطار

طبعا احنا بعد جذيه

ومرينا على مكتب او محل للاتصالات يمكن وكان في طابور عنده تقريبا 10 اشخاص بس



ومافي غيرهم شفنا تتبعنا اشارة التاكسي وطلعنا



وهني مكان التاكسي....لقينا السيكيورتي شخص مغربي

قلنا له احنا نحتاج تاكسي كبير يشيلنا مع جناطنا

كلم باللاسلكي وقال ربع ساعه راح يوصل......واحنا قاعدين بس يطلعون مسافرين يركبون التكاسي ويمشون

كان مرتب ومافي زحمة ابدااا اغلب الوقت احنا بروحنا مع السكيورتي المغربي



التكاسي اللي تجي يوقفون هنا بالدور

وكلها هالحجم









وهني قاعدين ننتظر تاكسينا







وجناطنا









اسعار التكاسي وكل نوع







اخذنا التاكسي بعد ما وصل واتفق معاه بوحسين

يوصلنا لديزني ب90 يورو

فندقنا في..الطريق ظلمه ويخرع مافي ليتات

ولا بيوت وكله اشجار وظلام مافي الا اضاءة انوار السيارات القليلة

....magny-le-hongre



ولما وصلنا المنطقة طلع السايق مايعرف الفنادق

يدخل ويطلع من الشارع

عطيناه العنوان مو عارف

بعدين وقف عند فندق وسالهم

وقالو له العنوان...وبعد ضيع قامت بنتي حطت الخريطة وقالت له لف مني ومني ووصلنا

طبعا عطيناه المتفق عليه

الظاهر هو يسوي نفسه مو عارف علشان ياخذ وقت اكثر ويزيد الأجرة

بس قلنا له على الاتفاق



فندقنا اسمه ماجيك سيركس



ووصلنا الفندق....تقريبا الساعه 10,30 مساءاا او اكثر



وكان حجزنا غرفتين عائلتين من سرير مزدوج

وسريرين مفردين فوق بعض

الغرفتين مفتوحين على بعض





بوابة الفندق من داخل













مكتوب غرفة وحدة في الحجز بس السعر لغرفتين

عدلو الحجز بنفس السعر



صور من لوبي الفندق



كان صوت هالبنتين واللعبة هو المسيطر عل الجو









اللوبي كبير ومليان بجوانبه العاب اطفال









شركة سيكست لتأجير السيارات

لهم مكتب







هنا مكتب سيكست























رقم الغرف









الممر











غرفتنا









والغرفتين مع بعض







خلاص النوووم كان واصل حده والتعب

خليتهم انا ونمت ....وهم شرى لهم يوسف بسكوت وعصاير وماي

من المكاين واكلوو ونامو



بطل الماء من ثلاجات الفندق ب3 يورو غالي جدا

بس نبي ماي شنو نسوي

وسامحوني على قلة التصوير في اول يوم

بسبب التعب



المهم بالجزء الجديد نكمل معاكم

اجزاء الفندق



خليكم متابعين








المشاركات

oceanus oceanus
باريس ..الجميلة


يالله حي ام حسين
ايه الهواء غربي ..وباريس تستاهل

إلا وش سبب التوجه مباشره الي ديزني

ليه ما اتجهتم الي باريس ومنها الي ديزني


في انتظارك


afeefah afeefah
باريس ..الجميلة


حركات تقرير رائع متابعين


AbOFareS2011 AbOFareS2011
باريس ..الجميلة


مشالله عليك يامراقبتنا الغاليه

ابداع وتصوير رائع

كيف تجربتك مع الخطوط الفرنسيه حلوة ولالا

بسالك الفندق مكاجيك كيف الغرف والفندق بشكل عام تعامل نظافه
لان حجزي فيه انشالله

متابع معاك لاتطولي علينا

تحياتي لك


آخـــرفـــرصــة آخـــرفـــرصــة
باريس ..الجميلة


يسعدك يا ام حسين

يا دوب لحقنا على الصف الأول
بنشوف باريس و نستمتع فيها بعدستك

مبين الفندق رائع
و كل شئ بباريس غالي حتى الماء

متابعين


فارس من خيال فارس من خيال
باريس ..الجميلة


وانا بعد متابع حطيني جنب ابوغسان وخلينا ع الدريشه واثنين شاي من ايادي ابوحسين
زين لاحقين المقاعد الاولى
ماشاء الله الشناط واجد كيف التاكسي اخذها
متابعين معاك باريس الجميله



توبليرون توبليرون
باريس ..الجميلة


المشاركة الأصلية كتبت بواسطة oceanus
يالله حي ام حسين ايه الهواء غربي ..وباريس تستاهل إلا وش سبب التوجه مباشره الي ديزني ليه ما اتجهتم الي باريس ومنها الي ديزني في انتظارك


الله يحييك ويبقيك يابو عبدالرحمن
باريس حلوووة وتستاهل
توجهنا لديزني قلنا نبدي بالالعاب اول
وبعدين التسوق والطلعات اللي على الراحه
بعد طلعات تركيا يعني خلينا الترفيه بنص الرحله بين تركيا وباريس
يعطيك العافيه وخليك متابع معانا


توبليرون توبليرون
باريس ..الجميلة


المشاركة الأصلية كتبت بواسطة afeefah
حركات تقرير رائع متابعين


الروعه بمرورك حبيبتي
وان شاءالله القادم بيكون احلى
شكراا لك


توبليرون توبليرون
باريس ..الجميلة


المشاركة الأصلية كتبت بواسطة AbOFareS2011
مشالله عليك يامراقبتنا الغاليه ابداع وتصوير رائع كيف تجربتك مع الخطوط الفرنسيه حلوة ولالا بسالك الفندق مكاجيك كيف الغرف والفندق بشكل عام تعامل نظافه لان حجزي فيه انشالله متابع معاك لاتطولي علينا تحياتي لك



تسلم يابو فارس

الروعه بمروركم اخوي

الخطوط الفرنسيه حليووه والله مافيها شي ضايقنا

والكراسي عاديه

والطيران بالرحله ممتاز مافي لا مطبات ولا شي الرحله هاديه

3 ساعات تقريبا وصلنا من تركيا لباريس





الفندق ممتاز اي شي تبي ماعليك الا الاتصال بالريسبشن

وهم ياخذون رايك بالشغله

ليش يعني تبي هالشي ؟؟ هل في سبب معين وتسجل ملاحظات عندها

بكتب كل شي بوقته

الفطور بتكلم عنه بالجزء القادم

ان شاءالله ماراح اطول بعد اسبوع انزل الجزء القادم هههههههه

لا لا ان شاءالله قريب


توبليرون توبليرون
باريس ..الجميلة


المشاركة الأصلية كتبت بواسطة آخـــرفـــرصــة
يسعدك يا ام حسينيا دوب لحقنا على الصف الأولبنشوف باريس و نستمتع فيها بعدستكمبين الفندق رائعو كل شئ بباريس غالي حتى الماءمتابعين


ماشاءالله انت مكانك vip
يابو غسان ما يحتاج توقف بالصف
ان شاءالله بيعجبك التقرير والصور
اما الغلا ماشفنا اغلى من سعر الماي بالفندق
بس اكيد باريس غاليه طبعا
يعطيك العافيه وخلك متابع



يمكنك فتح موضوع جديد للمناقشة او الاستفسار والمشاركة.

أبحث واحجز بأعلى خصم:
خصم يصل إلى 25%

Share

باريس ..الجميلة