soso0o0o
18-12-2022 - 01:14 pm
السلام عليكم
هادي اول مشاراكاتي في المنتدى الجميل
كيف الجميع عساكم بخير
انا بسافر للمالديف 10 ايام باذن الله وحجزت التذاكر خلاص وعندي كم استفسار ارجو مساعدتي
1- هل يوجد تاشيره لسريلانكا والمالديف
2- اللي راح عبر سيريلانكا ارجو يعطيني اسم فندق نضيف اهم شي علشان نبات فيه بالرجعه
3- ايش اجمل جزيرتين في المالديف وايش احسن منتجع في كل جزيره
علما انو يكون 4 نجوم او 3
ويكون يسمح بدخول الرضع
و لازم يكون يوفر جتي سكي ( دراجه مائيه ) وحركات تانيه كمان مافي مانع
هل علشان اروح من جزيره للتانيه لازم ارجع العاصمه ؟
وهل اغير الجزيره ولا بلاشي
وانا قسمت الرحله ع اساس 3 ايام في بنقل في وسط البحر
و الباقي فيلا ع الشاطيء
انا بحثت شويه حصلت بعض المنتجعات زي
كوكو بالم دوني كولو
(فيلا ع الشط )
شايا ريف إلايدو
(بنقل )
باندوس آيلاند
(غرف او فيلا )
ايش رايكم بالمنتجعات هادي ؟؟؟ هل تتوفر فيها الاشياء اللي ابغاها
تيب بالنسبه للانتقال من المطار الى المنتجع كيف وهل احجز من بدري ؟
وايش يعني حجز وجبتين فطور وعشا ولا غدا ولا اختار عايدي ؟
وهل في تذكارات ممكن اشتريها او هدايا ؟
ام بس هادي الاسئله ارجو الرد الله يسعدكم لاني جدا مشغوله وماني قادره ابحث وادور
اختكم طالبه فزعه ولو العشم كبير بمنتداكم